#ماذنبي بكل ماحصل
#بقلمي anoo wisam
مساء الخيرر بس اوصح شغله صغيرا اول شي انزل البارت بل واتباد بعدين بل فيس ينزل نوبات يتاخرر❤️فاعذرونه
__________________
فاتحة عيوني واباوع من الجامة واشوف مسلم كاعد براس الشارع ومرجي الرشاشة بصفة ويكلب بتليفونة ، من شاف السيارة رفع راسة يباوع علينة دنكت عيوني منة ماعول توصل السيارة لباب البيت احسهه صارت سنة مو ثواني ،
طبكنة بباب البيت فتحت الباب ونزلت مثل المستعجلة ، تلاكتني شيماء بلهلاهل ووياهه البنات ويطشن جكليت ، واغاني مشغلين وركص ،
نزعوني العباية من راسي وفتت كعدت بلهول واجن باركللي ، واني كلبي يدك سريع عيوني تفتر تدور على اكرم اريد بس اسألة على قصة السلاح شنوو ،
باوعت من بعيد على شيماء ، اشرتلهة اجتني
هيله : اكرم وين
شيماء : طالع بلشارع شوي من تجي الزفة يجي
هيله : صيحيليا هسة
شيماء : شعدج شكو
هيله : صيحي ارد احاجي
لبست عبايتهة وطلعت للشارع تصيحة ، حسيت كلبي انقبض عوزي بس اطك بجي ،
دخلتة للهول الداخلي وصاحتني لان مايكدر يفوت بنص النسوان ،
هيله : اكرم شنو سالفة مسلم
اكرم : شنو شبي مسلم
هيله : شنو سالفة السلاح البيدة شناوي يسووي هذا
اكرم : يكتلج ويكتل العريس هههه يعني شناوي مثلا وين كاعدين ، هوة منتضر الزفة تجي حتى يرمي ،
هيله : منوو كلة ومنيلة السلااح
اكرم : هسة انتي شبيج مخبوصة دروحي كعدي يم النسوان شنو مثلا اول عرس ينرمي بي شهل خبال
عافني وراح بقيت واكفة وكلبي معصور ، واتذكر بذاك الحلم معقولة هذا ناويلة نية سودة ،
شيماء : دولي كعدي بمكانج النسوان شكو تركص
هيل : رايحة رايحة
رحت كعدت بمكاني واشوف الكل فرحان ويركص واغاني وكيك ، وعيوني تفتر من الخوف واقرة ايات بكلبي اريد بس اهدأ ،
شيماء : بتج اول اسبوع تبقى هنا عود وراهة اجيبهه الج
هيل : ماشي بس بالج عليهه فدوة
شيماء : بعيوني اكيد
شوي وصاحو اجة العريس ، حسيت كلبي انعصر كل الافكار التمت علية ، فات من الباب وتلاكة بلهلاهل والجكليت ، جنت كاعدة ومدنكة ، قرب مني سلم علية وكعد بصفي ،
اجت امة باركتلي واختة ومرت اخو وخالاتة وعماتة ،
سامر : شو باوعيلي
رفعت راسي باوعتلة
سامر : شهل تملطخ مو كلنة ماكو مكياج لو من اولهه الكلام مينسمع
هيله : ووين اكو عروس ماتخلي مكياج بعرسهة ، على شنو بعد موديني صالون
سامر : هلمرة سماح لان عرس ، غير هلمرة يصير غير حجي
هيله : اي ماشي
عبالة الشرف والستر بلمكياج ، مادري شنو العقلية والافكار الجان شايلهن ،
شوي ولزمني من ايدي وكمنة واني كلبي يريد يوكع ، والهلاهل ورانا ، واجن البنات وشيماء سلمن علية ، واكرم هم فات سلم علية وحضنني
اكرم : مو تنسيننة بلجية حبابة
هيله ; اكيد ما انسى يعمري انتة دير بالك على شيماء وزوزة على ما اخذهه
أنت تقرأ
ماذنبي بكل ماحصل
قصص عامةقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
