#ماذنبي بكل ماحصل
#بقلمي anoo
__________ مساء الفل والورد💚________
هيله :
مرت ايام والوضع مثل ماهوة ماتغير شي ، وقربت الامتحانات واني مقارية ولا شي لان الصار ماخلالي ذرة واهس بشي ، وشيماء بدت تروح وتجي علينة عود على اساس تقوي العلاقة بيننا وبينها، وماما جانت تجاملهه وتكعد وياهه وتسولف وياهه وكذا، لان ماما تدري اقل مشكلة يگب علينا بابا ومحد الة خلگة بهلوضع ،
الساعه 10 بليل
عزلت البيت وفرشت بلهول حتة انوم كرومي ، وسيف يم ماما لان بابا اليوم يبات هناا ، ورونق يمي متمددة بفراشهه ،
ضليت انوم بكرومي لحدما غفيت بصفة ،.
رونق : منتضرة هيله تنام حتى اطلع برة اشوف هشام ، وهوة تعود يشوفني بلباب وخليتله واهس بهلشي ، حسيت بهيلة غفت كمت طلعت بلطرمة فتحت الباب على كيف وجان الضوة البلشارع خافت مال كلوبات الجيران وما شفت احد بلشارع بس شباب 2 براس الشارع ماركزت عليهم رأسا فتت ،
:خرب بلحظ ليش ماكو هذا؟؟؟؟
فجأه سمعت صوت خطوات بلشارع وواحد يجر بروحة جر بلمشي مستعجل ، فتحت الباب على كيف اشوف منو ، لكيتة هشام
عرضت الفتحة مالت الباب هووة وكف بعيد ويباوع بعديت اشرت بيدي عوود تعال ، بقة يلافت هوة بلشارع خاف احد موجود واتقررب من فتحة الباب ،
هشام :شلونج رونق ، شفت الباب انفتح من بعيد كلت اكيد هاي انتي وصرفت الولد اليمي واجيت ركض
رونق :اني زينة ،واعرف تطلع هيج وقت وردت اشوفك
هشام :شطالعه گمر
رونق :دنكت وسويت نفسي خجولة من حجية ، رغم هوة موحلو ومابي شوفة وفاهي بس شسوي من قلة الخيل شدو على جلاب سروج ، دنكت ووجهي صار قريب من صدرة ، هوة ضل يلافت ومد ايدة رفع وجهي ،
هشام: فدوة للخجل يزيدج جمال فوك جمالج،..
رونق :خجلتني كافي
هشام: شعجب طالعه هيج وقت لعد اهلج وين ؟
رونق :كلهم نايمين بسابع نومة
هشام :متخافين يكعد احد ويشوفنة ؟
رونق :اي اخاف صراحة ، تعال نفوت جوة نوكف بركن التواليت احسن ميفوت احد بلشارع ويشوفنة ،
هشام :واذا طلع احد شلون اسحب نفسي ؟
رونق :ميطلع احد معليك
هشام اقتنع بسرعه وفات وياي بخطوات بطيئة وكفنة بركن التواليت القريب ع الهول ، ارتاكيت على حايط وهوة صار مقابيلي ، بديت اتمادة بحركاتي كدامة بهدوء لحدما حس نفسه فاقد ، تقرب وجهة من وجهي وباسني ، بادلتة بنفس الشي السواا وياية وهذا الشي خبلة اكثر ، بهاي الاثناء جنت حاسبة حسابي ومخلية كتر مال شعر بأيدي ،وجوة الكتر مخلية شفرة (مال موس حلاقة ) رجعت ادية ورة ضهري وهوة يبوس بيه ومتقرب ،
طلعت الشفرة من ايدي ونبتتهة باصبعي شوي قوي حتة يطلع دم هواية ، وبهاي الاثناء مسحت الدم بدشداشتي وبديت اعصر بلجرح وكلما يطلع دم امسحة بنفس المكان وهذا كلة وهشام ما منتبه مثل المشايف وشاف ، اول مرة بحياتة يبوس بنية يمكن ، رجعت الموس جوة الكترة ، ورجعت اتفاعل وي هشام ، تماديت ونزعتة التشيرت حتة اخلي الحال يرثى له ، فجأه خليتة انتهه بلشي الجاي يسوي وعطت بصوت عالي
رونق :وخرر عني حقير الله لا ينطييييك عوووفني
وابجي واعييط وهوة يسد بحلگي
هشام : رووونق اهلج شبيج ولج كااافي وخرت راح اطلع
رونق : ماما لحكيليييييي بابا الحكليييي
أنت تقرأ
ماذنبي بكل ماحصل
قصص عامةقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
