#ماذنبي بكل ماحصل
#بقلمي لكاتبه anoo
خلص اليوم الدراسي علخير وجانت بداية شتة الجو هستوة بدة يبرد طلعت من المدرسة اتمشى لمدرسة كرومي جبتة وياية ورجعنة للبيت
وصلت لراس الفرع مالتنة شفت ولد شاب واگف قريب من بيتنة وعينة علباب
كلت وي روحي : منين هاذ انوب بس لا حلو جديد جايبة ابويه
طبعا ابويه جان واصلة القباحة والنذالة البي (يدور ولد) يعني مثل منگول يدور شواذ ولا اليوم ولا البارحة اصلا حتة قبل ميتزوج امي هوة على هاي سالفتة ،، وحتى مانخلي كرومي يلتقي بي هواية لان عينة ماصخة
واكثر من مرة ماما تلگفه ع السطح متلبس وي ابن الجيران (حسوني) وتسكت ماتحجي لان اذا حجت ينهار عليهه ضرب لو يطردنا بلشارع وماعدنا احد نروحله مكطوعين من شجرة
بديت اتقرب من بيتنا وفجأه انتبه علية الولد ودار وجهه وبدة ينسحب شوي شوي عود سوة نفسهه ممتقصد
اني هم گلت وي نفسي يجوز مستطرق ،، فتت للبيت لگيت رونق گاعدة بلطرمة وحدهه ومن شافتني تلبكت
رونق :ها شو جاية من وكت اليوم شكو
هيله : شنو من وكت ترة الساعه بلـ 1 الة ربع وهذا وكت جيتنة مال يومية
رونق : اوووو شمدريني ممنتبهه ، اگلج صدگ
هيله: كولي
رونق:الشارع فارغ لو بي احد ؟
هيله:ليش؟
رونق:ارد اطلع اشتري ومالي خلگ احد بلشارع
هيله :هاي شنو انوب؟ ومن شوكت لازم الشارع يفرغ يلا تطلعين ؟
رونق: اكول بلا هل اسئلة الماصخة مالتج ،سألتج جاوبيني وخلاص
هيله:ماكو احد بلشارع بس ولد وعبر بطريقي
رونق:ها راح ؟
هيله: اي راح شنو تعرفي ؟
رونق :بلا اكلي تبن منين اعرفة انوب ترة هوة سؤال عابر ،وجوهنة مال تعارف وشباب بربج !.....
عافتني وفاتت جوة ، بقيت اني واكفه بمكاني وما اقتنعت بتصرفاتهه وكلت وي روحي
:والله مادري شبيج مابيج يرونق
اخذت كرومي وفتت جوة سلمت على امي لكيتهه كلعادة تخييط وسيوفي يلعب بلگاع يمهه ،وبدلنة ملابسنة وكعدنة نتغدة يم امي وتسأل بينة على دراستنة
هيله: شعجب لعد بابا وين
امي: كلعادة علسطح مكابل هلحمامات الگشر وكاعد
هيله: والله ماما لو تفتحيلة عربانة زغيرة لو محل زغير وتخلي يلتهي بي هواي احسن من هلوضع
امي: ومنين اجيب فلوس؟شو اجيب الكروة مال الخياط منا اصرفهه عليكم منا ،وبعدين حتلو فتحتلة شغلة زغيرة هم يخلص فلوسة على هلمكسرات
هيل :ماما اصبري بعد جم شهر بس اكمل الثالث ابدي اساعدج بلشغل
امي: الله كريم يمة الله كريم
كملت الغدة ولميت المواعين حتة اطلع اغسلهن علبوري البرة لان المطبخ ماجان بي مي ،عبارة عن طباخ زغير وثلاجة قديمة ولوكر نضم بي المواعين
شفت رونق واكفة يم باب الشارع وما انتبهتلي من طلعت
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
