#ماذنبي بكل ماحصل
#بقلمي anoo
وبيه بالكلب شوف شكثر ونات
يذوب الصخر كونه بونتي يسمع
وانه الفوك المتون محمل هموم
الجبل لو شالها من الكاع اظن يقلع
لاتغرك ضحكتي من اضحك وياك
الجمر محروك وكبالك يظل يلمع
خلص عمري بغرب يم اليكرهون
ومااظن العمر لو راح هم يرجع
_________________________
هيله:
تمر الايام واني ملهية روحي بشغل البيت واتعب نفسي زيادة حتى بليل انام رأسا ومافكر بشي ، بديت احس بنحول بجسمي ودوخة مو طبيعية ، واكول عادي يجوز ضغطي يهبط لان مو هلكد جاي اكل ، فكاعدين نتغدة واحسن نفسي تلعب ماسيطر على نفسي رأسا كمت للمغسلة تقيئت بس حسيت روحي طلعت ، قحطان كام وراية
قحطان : هيل خير شبيج
هيل : ماعررف بس معدتي گلبت ،
لحكتنة ام قحطاان
ام قحطان : ها شجاج خيير شنو بسلا من الاكل
هيله : لا عمة مو من الاكل بس معدتي كلبت فجأه
ام قحطان :صلاوااات على محمد حبلة
صفنت بوجهه
هيله : لا عمة يا حبلة بسس ضغطي هابط يمكن
ام قحطان : دمشي لبسي عباتج خل نمر عل جدة نجيك ،
هيل :ه مو هسة عمة عاد عل عصر تعبانة ارد امدد
احنة نحجي وقحطان واكف ويباوع بلوجوه ماحجة شي ، عفتهم وصعدت فوك مدتت واحس الدنيا مفترة بية ، صعد وراي قحطان
قحطان :شبيج شتحسين
هيل : مادري بس دايخة ونفسي تلعب
قحطان : كومي اخذج للدكتورة لتضلين هيج صار فترة ووجهج شاحب
هيله :لاعفية ماكدر والله تعبانة بس اوكف اوكع
قحطان : معليج بلسيارة واني وياج متوكعين
هيله : لاقحطان ماروح خل انام شوي
قحطان :نامي ساعه واكعدج نروح ولتعاندين
ماحجيت شي غطيت نفسي واني افكر اكول شنو معقولة حجي عمتي صدك وحامل ! بسرعه غفيت من الدوخة لحدما كعدني قحطان بصوت ناصي
قحطان : هيلة يلا كومي بدلي صارت 3 ونص
كمت من الفراش وفتت غسلت وجهي وبدلت ولبست عبايتي اجر بروحي جر ، نزلت الدرج وهوة بصفي خاف اوكع ، سلمنا على امة وطلعنة صعدنة بلسيارة واني مرجية راسي ع الكشن ومادري بلدنيا
قحطان :اكول هيل
هيله :ها
قحطان : من تزوجنة لهسة ماحجيتيلي عن نفسج ابد
هيله: شحجيلك يعني، كلشي حجيتلك
قحطان :بعيدا عن موضوع مسلم ، وعن عائلتج ذن اعرفهن ، بس عن نفسج ماحجيتيلي مثلا دراستج وطفولتج وشتحبين وشتكرهين وهل امور
هيله : شتستفاد من احجي
قحطان :هيج بس حاب اعرف
هيله : اسئلني واجاوبك ، ماعرف منين ابدي احجي
قحطان : احجيلي عن طفولتج شلون جنتو عايشين وين مخلصتهه ! هيج قصددي
بديت احجيلة شغلات عن طفولتي وعن اهلي وعن الناس البحياتي وعن دراستي وعن سواية رونق وسوالفهه بس ما حجيتلة على ياسر خاف ياخذ نضرة ،وهوة يستمع الي بدون مقاطعة ، بعدين بديت احجيلة شحب بلبشر وشكره وهواي شغلات سولفتهة اله ،
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
