ماذنبي بكل ماحصل

البارت 4

#ماذنبي بكل ماحصل

بقلمي anoo
__________________
حال هيله😔
#گـل مـا أگـول تهــون
                يثگـل #حمـلـهآ

#ياربـي مـوش أيـوب
             حتـى #أصبرلهـا😩
_______________________

فتت للغرفة وتفاجئت ! ولد غريب بلغرفة لابس كيمونة وشورت وواكف وهوة جافل وخايف !
وكفت ما اعرف شحجي
هيله: رونق منو هذا؟؟
رونق :هااااا مادري مادري لتسئليني شي
دفعتني وفاتت للمطبخ وسدت الباب عليهه ، وكرومي واگف ويباوع بوجوهنه ،بقيت واكفة متدوهنة وهذا يلبس بملابسة على سريع وطلع ركض ،
صخام صخمني اكيد صخمت وجوهنة رونق !
اكيد سووت مكسورة ! ،، رأسا رحت ركض علباب المطبخ وادك بي بكل قووتي
هيله:رووونق فتحي الباب وفهميني لج مننووو هذا وشيسوي هنااا ، لج اني اختج حاجيننني ،
احجي وياهه وماترد بس اسمع صوت النتاشغ والبجي ، تعبت من الدك وكعدت بباب المطبخ وادك بي ،
هيله: لج رونق طلعي فهميني واساعدج ، لج فرضي امج اجت مو اني وشافتج بهلحاله ، لج والله يذبحوج ذبحة الدجاجة ،بس طلعي وفهميني والله ما اكول ولا احجي
رونق :
ماجان عبالي راح يرجعون للبيت لان كل السمعته من الجيران الضربة قويه برگبتة ، استغليت هلفرصة وطلعت اشتري من المحل القريب علبيت ياسر وشفتة بلركن اشرتلة واجاني وكتله محد بلبيت اليوم وارد اشوفك ،هوة هم ما جذب الخبر ضل يمشي وراية لحدما وصلنة للبيت حجزت كرومي وسيف بلمطبخ  وفوتة للغرفة الاخيرة غرفة امي ، كعدنة وحجينة وصار الصار وجان الشيطان ثالثنة وما استحملت اليصير طلبت منة (ياخذني) كتله مو تحبني ورايد تزوجني اخذني هسة ، بلبداية ماقبل بعدين سوة هلشي ويايه
وفجئة صار الصار ورجعت هيله وشافتة وياية !
حسيت نفسي صرت تحت الامر الواقع وما اكدر انكر شي بعد قررت اطلع واحجيلهة كلشي..
هيله :رونق لخاطر الله طلعي وفهميني شصار
فجأة فتحت رونق الباب وطلعت تباوع بوجهي ومنهارة بجي ، انتهضت من مكاني
هيله: رونق فهميني كلشي
رونق باوعت على كرومي ، اني حسيتهه ماتريد تحجي كدامة
فوديت كرومي يلعب وي سيف بلهول
وسحبتهه من ايدهه طبينه للغرفة وسديت الباب اجينة نريد نكعد على جرباية وشفت دم ! من شفت الدم عطت وخليت ادية على وجهي
هيله: رووووونق ! شمسوية !
كعدت رونق على الجربايه وغطت وجهه بديهه ونهارت بجي وبدت تبجي وتحجي الصار كلة ، بقيت كاعدة بمكاني وجسمي يرجف من حجيهه
هيله: رونق هسة شلون ! شراح تكولين لامي وابوي ! ولج وراج زواج وصخام شراح تسووين !
رونق :مااادري هيله مادري فدددوة ، ابووس ايدج لا تگولين لامي والله انذبح
هيله: لج ماكول والله ماكول بس شراح تسووين شلوون راح تكليله يجي يتزوجج ولج اذا طلعتي حامل منة شلوون !
من سمعت حجاية (حامل) صفكت على وجهة
رونق:ولججج مادري والله مادري شسووي بروحي ، ولج لا اكرم يروح يكل لامي طببت ولد للبيت
هيله: عوفج من كرومي اني اخلي مايحجي ،بس فهميني شراح تسوين هسة، رونق حاجي خل يتقدملج
رونق: مادري هيله بس عوفيني وحدي فدوااا