ماذنبي بكل ماحصل

بارت 29

#ماذنبي بكل ماحصل

#بقلمي anoo
بارت طويل لعيونكم❤️
_________________

هيله : شيمااء اكررم وينة
شيماء : يمة عزززة العزاني هستوة جان هنا
كمت مثل المخبلة اعيط بلشارع : اكرررم اكرررم
وشيماء تركض والنسوان وندور علي ، شوي واجة ابن جواريننة جايبة وهذا مفرفح من البجي
اكرم : عوووفني ارد اروح لامي واخووي
ركضت علي حضنتة وابجي ويبجي وياي ،

جانت اقسى ليلة مرت علية بحياتي من اشوف اهلي وبيتي ينحركون كبال عيني ، صدك حسيت روحي ضعت وما الي احد بهالدنيا ، كعدت وبجيت لحدما نشفت دموعي ، بجيت كل حيلي واحضن باكرم كل حيلي وجني بذاك الحضن اكلة : لاتعوفني مثلهم
الناس بدت تطش شوي شوي ماعدا جم واحد والفجر بدة يطلع واني كاعدة علرصيف وعيوني علبيت  وشيماء تتوسل بية تريد ارجع وما ارجع ،

قرب من يمنة مسلم وهوة شايل زوزة واني كاعدة علرصيف وحاطة راس اكرم بحضني ،
شيماء قربت منة واخذت زوزة من ايدة بقة هوة واكف كدامنة شوي وكعد على ركبة صار مقابيلي ،
سحب اكرم من حضني وجرة وخلة راسة على صدرة وحضنة حيل ،

اني ماخليت عيني بعيني رأسا غطيت وجهي باثنين ادية وبجيت ، بقة كاعد كبالي وحاضن اكرم لحد طلعه الشمس وكلنة كاعدين عل رصيف ،
شيماء : هيل طلعت الشمس كومي نرجع للبيت ولج لخاطر هلجهال تكطعت كلوبهم
اباوع على اكرم الوجه صار اصفر ليموون واباوع على زوزة نايمة ومبينة جوعانة ، رفعت راسي وجهي صار بوجه مسلم مكابلنة من البارحة ، دنكت جريت اكرم من حضنة وهوة يباوع بوجهي ، من حسيت بنضرتة بجيت ، جريت اكرم كام وياي ولميت عبايتي وكمت ،
نمشي بلفرع راجعين لبيت شيماء ووي كل خطوة دمعة تطيح مني ، واحس بخطواتة ورانة مافاركنة ،

وصلنة للبيت وشيماء اخذت زوزة واكرم ودخلو واني التفتت لكيتة واكف علرصيف وعينة علينة ، جريت حسرة وغمضت ودخلت وسديت الباب ،
اول مافتت شمرت روحي على فراشي وحضنت اكرم وبجيت ،
الناس بدت تجينة تعززي وولد المنطقة ماقصرو ونصبو الجادر وكملو كل التحضيرات علما رجع بابا من النجف ورجعو ويا الزلم ، والناس بدت تروح وتجي ، واكرم طول الفاتحة مخلصهة بجي بلغرفة لا اكل ولا شرب الة بلتواسل ، قويت روحي غصبا علية لان اذا نكسرت كدامة ينهار ، اصبر روحي واقاوم الدمعه كباله ماريد اطيحهة ،

وشيماء ورونق وهداوي وسمية شايلات الفاتحة ،والطبخ والتنضيف ،
مرن 3 ايام الفاتحة والمعزين طشو ، رجعنة لحياتة العادية ، بس بابا من يوم راحت امي ولليوم هوة حالة انگلب گلب وتمرض ، يدري بروحة ماتت وهوة مقصر وياهة وضالمهة من السما للكاع ،

واكرم من يوم موتتهه لليوم وهوة صار نعزالي مايلتقي بأي بشر حتى؛ وي زوزة مايلعب ، حسيت مسؤليتي كبرت و2 صارو بركبتي مو واحد ، ومالازم انكسر كدامهم حتى لا ينكسرون ، واكرم بذاك الوكت ترك الدراسة وماقبل يداوم بعد وماكدرت اجبرة عفتة على راحتة ،
بدت روحات مسلم وجياتة تكثر وشيماء كام تعتمد علي بشغلات المسواك لان بابا مريض واكرم ميطلع ومسلم دائما يكعد بلركن الكبال بيت شيماء ،
بس ماجنت اطلعلة ولا اشوفة لان ادري بروحي من اشوفة ارجع لنقطة البداية ،