#ماذنبي بكل ماحصل
#بقلمي anoo wisam
اكرم : هيل اكو صووت جووة
هيله : اسكت لتطلع صووت ابقة بمكانك
اكرم : هييييل خايف
بقيت كامشة ايد اكرم وساندة زوزة على كلبي وجمدت من الخووف ،
هيله : اكررم اكوم خل نطلع
كمت على كيف وخليت ايدي على حلك زوزة خاف تطلع صووت واكرم شاللي عباتي وفتحت الباب على كييف
،
اول مافتحتة جريت اكررم وهوة يجر بلجنطة وركضنة للشارع ، نمشي سرريع بلفرع الساعه 8 بليل
اكرم : هيل يمكن اكوو جن جوة
هيله : مايصير تحجي هيج اعووذ بالله بس يمكن احد خاتل بلبيت
اكرم : بس هوة بيتنة ليش يكعدون بي
هيله : عبالهم محد راح يسكنة بعد ، الله يكافينة الشر الحمد لله شردنة ، مدري عصابة ساكنة بي ،
اكرم : وين راح نروح هسة
هيله :ما ادري خل نروح للحديقة هسة وهية تصفة
رحنة نتمشى للحديقة جانن بيهة اضوية وابجو بارد صار ثلج ، كعدنة ع الثيل وطلعت الممة رضعت زوزة
واكرم مخلي راسة على رجلية وامسح على شعرة وحاضن الجنطة ، وجان اكو ناس قليل بلحديقة ، شوي شوي بدو الناس يختفون وابو الدكان عزل بقينة وحدنا بلحديقة وزوزة نامت ،
هيله : اكرم جوعاان
اكرم : لا مو كلش ، اكلج هيل
هيله : كول
اكرم : خل نروح يم مسلم
هيله : ماااكدر
اكرم : ليش ماتكدرين !
هيله : بيا صفة اروح اكعد يمة بلبيت زحمة اكرم مو كلشي سهل ، خل نروح يم الحجي بلكي الكا مفتح
اكرم : يلا
كمنة وشلت زوزة وامشي على كيف وصلت لدكان الحجي لكيتة هستوة يعززل بي ،من شافني فز
الحجي : هااا عمو ام زهراء شلونج
هيله : الحمد لله عمو بخير
الحجي : خير شكو بهليل طالعين خو ماكو شي
هيله : مادري شكلك عموو
حجيت هيج وتنهدت ودنكت
الحجي : خير عمو ضل بالي احجييلي شصااير ، تعالو فوتو جووة الجو بارد
هيله : خاف الاهل نايمين
الحجي : ماعدي احد بلبيت عمو بس الحجية وابن بتي وهسة كاعدين بعدهة الساعه 11
فتنة جووة للبيت ولاكتنة زوجتة هم سلمت علينة كعدنة بلهوول بديت احجيلة الصار كلة ،
ومرتة هم كاعدة وتسمع الحجي ، سولفتلهم كل السوالف الصارت ، ضاج الرجال
الحجي : لازم اروح لأبوج هسة
هيله : لا عمو ترووح شتگلة مثلا
الحجي : ميصير هيج ياعمو وين كاعدين احنة ويطرد خلفتة بلشارع وهمة يتامة بيا شرع بيا قانون صايرة
هيله : عمو ابويا واعرفه اذا اتدخل طرف ثالث راح يزيد عنادة مايقل
الحجي: بس عموو مابيج غلط انتي وجاي تكولين الولد رادني على سنة الله ورسولة
والولد اني اعرفة من اسنين لا اليوم ولا البارحة وخوش ولد وما تطلع منة العيب ما الة حق يرفضة وشغلة اخرس مو بيدة وكلنة بينة نقوصات وعيوب ،
هيله: جيب اليفتهم ياعموو
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
