#ماذنبي بكل ماحصل
#بقلمي anoo wisam
طبعا كتبت لبارت لعيونكم ماهلي اخليكم لليل ولحد يكول قصير اموتكم ها🔪😒😂😂😂
_________
فتحت الخط وماحجيت شي سمعت صوت بنية
: الووو
هيله : الو منو ؟
: مبروك عليج عيني ومهناية بي
هيله: منو انتي وشتقصدين ؟
: اني طليقة خطيبج الشفية ، وحايرة شكلج مبروك لو عضم الله اجرج وكعتي بهيج بشر
هيله : منين جبتي الرقم
: مومهم ، باي كتكوتة شايفة الخير بي
سدت الخط واني دمي نشف ، هاي شبيهة ومنين جابت رقمي ، وبعدين شنوو عضم الله اجرج !
لزمت التليفون دكيت على سامر ، اتصل وميرد ، لحدما فتتح خط
سامر :الووو
هيله : ها سامر اكلك
سامر : خير شكو
بديت اسولفلة الشي الصار والحجي
سامر : سهلةةة
سد الخط وراح وبقيت افكر بحجيهة اكول شبي يعني وبل اساس ليش هية تطلكت منة ، بعدين لعبت نفسي من التفكير صمتت التليفون ونمت ،
كعدت الصبح لكيتة دازلي رسالة
سامر : معليج بهاي وحدة فارغة وتريد تخرب علية ولتشغلين بالج كصيت ذيلهه
قريت الرسالة وغلست مارديت مالي خلك نارهم تاكل حطبهم ، كمت غسلت وعزلت البيت وريكت زوزة وكعدت شيماء تتريك ويانة وتسولف ، واكرم مبتعد حتى ميكعد ويانة ع الاكل اذا اني موجودة ،
جنة مقررين العرس بداية ال2014 ونجهز بلتحضيرات ،
قررت اروح للسوك اني وشيماء نشتري النيشان مال العرس وعفنة زوزة عد اكرم بلبيت ،
طلعنة لراس الشارع صعدنة نفررات ذبتنة براس السوك نزلنة نتمشى وندور بلمحلات ، تعبنة وصلنة لمحل حتى نشتري عصير والعلاليك تعبتنة وكطعت كلوبنة
، شيماء كعدت بعد مسافة قربت اني عل محل طلعت فلوس من جيزداني اطيتهن الة وردت 2 عصير برتقال ،
صدت عيني ع المحل العليسرة لكيتة مسلم !!!
واكف وجاتف ادي ويباوع علية واني جنت ممنتبهة ، عين علية وعين على الحلقة البدية وعين علعلاليك ،
تصفصفت ماكدرت احجي شي اضييع بعيوني منة ومااكو ،
ماعولت الرجال يخلص العصير حتى اخذة واروح ، وهوة علوكفة وحدة ونضرة وحدة ،
قرب عبر عل محل ابو العصير هنة جانن بسطيتين متجاورات واحد يبيع لفات والاخ عصاير ، اخذ الكلاصات من ايد الرجال والرجال ابتعد ، وبدة هوة يجهز بلعصاير وشكو حركة يتحركهه عيونة ما منزلهه مني واني افر بعيوني منة ماكدر اركز ،
خلص العصاير قدمهن الي وعيونة بعيوني يباوع بخزرة وهلخزرة بيهة كومة معاني حسسيت ،
اخذتهن من ايدة ورحت بسرعة يم شيماء كعدنة نشرب وانطيت ضهري للجهة البيهة هوة ، شربت بسرعه بسرعه حسيت ريكي نشف من الموقف ،
شيماء : هاج اطي الفلوس للرجال وودي الكلاصات وطالعه كدامج يلا
كمت شلت الكلاصين خليتهن علميز بدون ما ارفع عيني وقدمت الفلووس حسسيت ايد عصرت ايدي حييل رفعت عيوني بسرعتي لكيتة مسلم ، بقيت الافت خاف العالم تباووع
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
