ماذنبي بكل ماحصل

بارت16

#ماذنبي بكل ماحصل

#بقلمي anoo
_____________

هيله:خير ماما شكو
الام :شكو مكابلة هاذ الاخرس 24 ساعه واني اكول شمو يومية رايحة راجعه من الحديقة
هيله :ماما ترا لا اليوم ولا البارحة هوة الولد يسلم علينة ويكعد يمنة اني واكرم ونكلج شنو التغير ،
الام : التغير انتي كبرتي وكل تصرف ينحسب عليج ، موعيب تكعدين بصفة ودك سوالف وضحك ، اطلع للمحل اشتري والكاج رجل علرجل ويا ، هية هاي تربيتي الج ؟
شناوية انتي تكسرين وجهي مثل اختج ?
هيله : ماما على كيفج ترا ماعندي شي وي الولد مجررد سلام وسوالف عادية
الام : ووين كاعدين احنة بلبة بغداد حتى كاعدة تكونين صداقات ، ماما ترة احنة مجتمع عشاير وعوائل وعييب انتي بهلعمر وتكعدين وي ولد بنص الشارع ،
هيله : انشا الله ماما بعد ما اكعد يمة
الام : وغصبا عليج همين
عافتني وفاتت للمطبخ ، كدما جان مزاجي حلو شكدما خررب هسة ، لو ضالين بذاك بيتنا وماما بعيدة هواب احسن ، معناهة هسة راح تضل تراقبني ،وششلون اشوف مسلم بعد ، صخام بحضي اي والله ،
رونق :
كاعدة اعزل بلملابس مال مصطفى وفاتت هدى لغرفتي وسدت الباب بسرعة
رونق : خير خية جفلتيني
هداوي :كلللللوش عندي الج خبر بلباكيت
رونق :خبريش ولج سولفي
هدى :يسوووري يعيوني
رونق :شبييي
هداوي : خاطب بت ام اسراء الحفافة والخميس الاخ عرسهم هههه
رونق : اي وشنو اليفرح ومخليج تهلهلين
هدى : نعال بعقلج ولج فضيحتة راس تصير بكلاكل مراح يدبرهه بليلة عرسة شنو نسيتي
رونق :صدك ولج
هدى :اي خية اي وشغلي مايخطي لا تنسين ، وبهاي المناسبة نزلي سويلي حلاوة جكليتية كلش مشتهيتهه
رونق :ولج بيج خير وادللي
من سمعت هلخبرية بقيت كاعدة على نار منتضرة اسمع اخبار ياسر واخبار فشلتة هههه،
هيل:
الايام تمشي وعطلة المراجعة راح تخلص واني لهسة مافاتحة ولا كتاب وهذا اليوم السادس واني ماشايفة مسلم ولا سامعه خبر منة ، وما ادري شلوون حلهه ياربي ،
مابقة كدامي غير اكتب ورقة وادزهه بيد اكرم ،
لكيت اكرم كاعد بلهول يباوع ع التلفزيون قربت منة وكعدت بصفة
هيله:اكرم ارد احجي وياك بشي
اكرم : شنوة
طبعا اكرم صح طفل ويادوب هسة يلا راح لصف خامس ابتدائي بس عقلة جبير وامين ويتفهم كلشي ، واذا اوصي على شغلة واوصي ميحجي ، لو تذبحو ميحجي شي ،
هيله : اكرم تعرف ماعدي احد غيرك اسولف ويا بهذا البيت ، سيوفي بعدة طفل ومايفتهم شي ، وماما كلشي عدهة عصبية وعياط ، ورونق من تزوجت لليوم لاتجينة ولا تمر علينة ،
اكرم : هيلة شبيج
هيله : اكرم ارد انطيك ورقة تدزهه لمسلم بدون ما احد يشوفك وبدون ما تحسس ماما انتة رايح لمسلم ، وهلورقة ضروري توصللة
اكرم :شبيهه الورقة
هيله :حجي لمسلم..
اكرم : اي هسة اروح اوديهه الة ،
هيله : بس ابد لا تخلي ماما تشوفك ولا تشوف الورقة بيدك ،
اكرم :لا راح اخذ منهة فلوس واروح اشتري واودي الورقة لعمو لمسلم ،
دمعت وحضنتة وبستة براسة ودعيت الله لا يحرمني منة ، الوحيد الاعتمد علي بهواي امور ،
طلع اكرم واني گلبي ورا واحسب ثانية ثانية حتى يرجع والورقة توصل بأمان لمسلم ، كتبت بيهة
( مسلم مشتاقتلك هواية وهذا اليوم السادس الماشايفتك بي ، وادري بالك يمي وماعودتك هلگد اغيب ، بس ماما باخر يوم رزلتني لان شافتني كاعدة وياك ومنعتني منك تگلي تصير عليج نضرة موحلوة بلمنطقة ،واني قنعتهة انو ماكو شي بيني وبينك ، وما اكدر اشوفك بعد حتى لا اثبت شكوك على نفسي ، ليضل بالك علية بس دير بالك على نفسك ، احبك )
رجعلي اكرم وخلة ماما تفوت للمطبخ واجة كعد يمي
هيل :ها وديتهة الة ؟
اكرم: اي اطيتهه الة وكال ارجعلي المغرب
هيله:اي عفية فدوا لوجهك
اكرم : بس شراح اكول لماما المغربب من اطلع
هيله : معليك اني انطيك فلوس وكلهه راح اروح اشتري لهيلة
اكرم : خوش راح انتضر المغرب
، بقيت احوس وكلبي نار منتضرة شي من مسلم ، بس حاولت اهدئ نفسي حتى امي ما تلاحظ شي علية ، طلعت كعدت بلطرمة واباوع للسمة لحدما صارت المغررب ، فتت جوة
هيله: ماما خل اكرم يروح يشتريلي حب
الام : دنيامغرب جا ما وديتي العصر
هيل : والله ناسية بس مشتهية حب
الام : روحي انتي ويا لا تودي وحدة وديري بالج على نفسج
طفر كلبي من سمعت كالت روحي ويا
هيله : صار يمة
ركضت لبست نعالي وخليت الشال على راسي ولبست الصاية ورحت لاكرم
هيله :اكرم اكرم كوم ماما كالت روحي ويااا اشترو
طفر اكرم من مكانة لبس نعالة وطلعنة نمشي والدنيا مغرب وكت صلاة والشارع فارغ باوعت لكيت مسلم واكف براس الشارع وكلبي بدة يدك سريع كدما صددك مشتاقة لشوفتة.
من انتبه علية جاية وي اكرم هم رجله وفات للفرع حتى لا احد يشوفة ، اجينة اني واكرم قربنة منة واشر بيدة عود اوكفي ، وكفت بمكاني وصاح لاكرم راحلة ، وانطا الورقة بيدة
وراح ،
من راح حسيت روحي راحت ويا كمت ما اكدر امشي ، واكفة وعيني ورا ،
ليش ماوكف يمي وخلاني احاجي !
اكيد يخاف امي تشوفنة !
بقة يمشي ويتلفت وراا لحدما وصل لباب بيتهم يباوع من بعيد مايشوف شي مني وماشوف شي منة ، وكعن دموعي ودنكت ،
اكرم : هيلة هاج الورقة
اخذتهه منة وضميتهه بجيب تراكي ورحنة للمحل اشترينة ورجعنة نمشي وكوة لازمة دموعي ،
اكرم : هيلة انتي ليش تبجين
هيل :ما ابجي حبيبي بس عيوني تدمع من القراية
فتت للبيت
الام : يلا يمة تعالو تعشو
هيل : لا ماما ماريد ماكلة العصر راح امدد شوية حتى اكعد اقرة.
فتت للغرفة لزمت الورقة بيدي وصميت ايدي عليهه ودعيت من الله كون بيهه شي يجبر خاطري ،
خليتهه بنص الكتاب وفتحتهة كاتب :-
( مشتاقلج هواي والج وحشة ، واليوم كوة يمشي بدون شوفة طولج وعيونج وسوالفج ، لا تضوجين ولا تنقهرين من ردة فعل امج حبيبتي ، هية ام وحقهه تخاف على بتهه من المجتمع ، كدرت اشتغل والم كم فلس واخليهن فوك الجامعهن قبل ، وحاجيت جم واحد من خيرين المنطقة وناوي ورة الامتحانات اسويهه رسمية واتقدم اطلبج من امج ، بس بداعتي عليج وبغلاتي ، ركزي بامتحاناتج واقري ونجحي ارد افتخر بيج ، وثقي بية وكلمة رجال ، ورة الامتحانات اني ببابكم ، احبج )
قريت الورقة واحس جسمي كلة يرجف ، مامصدكة الجاي اقراا ، معقولة صدك مسلم يتقدملي ، ومعقولة امي تواافق ،
جان الاحباط عندي الف بلمية بسس هلرساله اجت شلون جرعة الامل الرجعتلي شوي من طاقتي ، وبلذات حجايتة مال ( ارد افتخر بيج ) صدك حسيت عدي امان وبشر بهلدنيا
ضميت الورقة بنص كتبي وبقيت صافنة وافكر بكلشي واتخيل كلشي ، لحدما نعست وحسيت راسي راد يطك كد التفكير غفيت واني مادري بنفسي ،