ماذنبي بكل ماحصل

بارت 26

#ماذنبي بكل ماحصل

#بقلمي anoo
مساء لخيررر متابعيني قبل لا ابلش القصه للمرا الثانيه رجاءا بله تجاوز ع ابطال لقصه

__&&&&___________

باوعت على قحطان وانخرعنة من الصوت وما اكدر اكوم ، كام هوة ركض فتح الباب يشوف شكو ،
ام هشام : ام قحطان عيب عليكم وواكفة من اوصلج من باب المعزة والگربة وصلة الرحم وتالي ابنج المايستحي تدنة نفسة على جنتي وهية بحسبة اختة ،
ام قحطان : تعاي خية يا ابني يا جنتج شصاير ،
ام هشام : هااج دادة هاج شوفي ابنج الشريف شمخلي لجنتي بعلاگتهة ،بلا مو زحمة واذا توصل لرجلهه يحرگ بيتكم عليكم

وطلعت ورقة من ايدهه شمرتهة بوجه ام قحطان ، قرب قحطان فات للصالة سحب الورقة من حضن امة ووكف يقرة بيهة ، واني كوة عنت روحي وطلعت وكفت بباب الغرفة ارد افهم شكو
ام هشام : هذا ابنج الشفية بلا ما استحيت على نفسك تزيغ عينك على اخت مرتك ، حرام الشوارب الشايلهه
قحطان : اوكفي عد حدج ولتجاوزين وفهميني شكو وشنوو هلورقة !
ام هشام : شفت مريتك ونكرت سويت روحك ماشايف هلروقه كبل موو ،
ام قحطان : خية غيير تستهدين بلرحمان وفهميني شكوو

ام هشام : خية البارحة من تالي الليل طلعنة ندور على تكسي اني وجنتي وامهه ومالكينة ، صعدنة وي ابنج كال اوصلجن ،ونص الدرب وگفتة جنتي ونزلت تاخذ جم شغيلة من محل مفتح وماكدرت تشيل

العلاليك ،نختة ينزل يشيلهن الهة ، وكوم يلشفية وحطلهة هاي الورقة بلعلاكة ، هسة البت فتحت العلاكة وتخبلت تكلي شلوون رجل اختي ويتجرأ هيج يسوي ، وتتهدد تريد تكل لرجلهه وكوة لازمتهه ،

الورقة مكتوب بيهة (اسف على جرئتي بس احبج رونق ومجبور على هيل ..قحطان)
قحطان من سمع الحجي طگن عيونة بوجهه
قحطان :لهنا وكافي تحترمين نفسج وتسكتين ، اني بيا حال البارحة ومرتي عدهه ولادة والتهي احط اوراق لجنتج ، لاخيج ولاهيج انووب رونق ههههه ام هشام شوفولكم غير ملعووب رحمة لربكم وشوفو منو مركبهه براسي بلنسبة الي بايام العزوبية ماسويت هاي سوالف الزعاطيط اسويهه هسة ، وخل هشام يجيني هلا بي اعرف شلون اردة ،

ام هشام : العصفورة اجت تالي الليل ودحست الورقة بلعلاكة وبيهه اسمك ، يمة عيب عليك زلمة متزوج وعدك بت والمرة متزوجة وابنهه بطولهه ، عيب هاي السوالف،
قحطان : العيب مو علية العيب عليج وعليهه تسون هيج حركات ، وللمرة الثانية اكلج ايدكم الكم شتسوون سوو وخل هشام يجيني واني اتفاهم ويا
ام هشام : اذا وصلت للزلم الدم يوصل للركاب ،
قحطان : وصليهة اني اريد توصليهه

ام قحطان : قحطااان كافي شو فوك شينة گوات عينة ، فوكما كاسر وجهي وي العالم واكف بحيلك وتتهدد
قحطان : يمة انتي حسابج بعدين ، وام هشام تكدرين تتوكلين هسة وخلي جنتج تراجع روحهه وما تلعب هيج ملاعيب عييب ،
ام قحطان : بتك الزغيرة اني حتى تتوعدلي بحساب ولك ! امشي طب لا بارك الله بيك ،
ام هشام : خية ام قحطان اني اترخص منج بس لخاطر الله خل ابنج يكف من البت واني مني وراح اسدهه لا تطيحونة بمصيبة ،