ماذنبي بكل ماحصل

بارت19

#ماذنبي بكل ماحصل

#بقلمي anoo
______________
‏نوُيت احلم لچن ياحِيف
‏ما مِش ليل لعيوُني💔
_______________

الام : لج تعليين صوتج بوجهي حيواانة شو تربيتج صايرة سززز ؟
هيله : شترديني اسووي هااااا ! انتي متخافين الله بية ! متخااافين تطلع بيج حوبتي ؟ مايووم اذيتج لو كسرت وجهج وماايوم نزلت راسج كدام احد ، ليش هيج تسوين بية ؟.شتخسرين اذا صرتي بشر بكلبة حنية علية ؟
الام : شوفي ، لو تحجين للصبح رمش عيني مايرفلج خوووش ،وكومي صخمي وجهج النسوان راح يجن ،

بعدهه تحجي واندك الباب ،
الام: هاااج شوفي اجنن ، اياااج ثم اياج تفشليني ،
طلعت من الغرفة وركعت الباب حيل ،
رحت وكفت يم المراية واني اباوع لوجهي وافركة حيل من التوتر والخنكة البية ، اكوول شسوي بروحي هسة اني وهية مسدودة ،
بديت اخلي حمرة خفيفة وكحل بعيوني وخليت الشال على راسي ورحت كعدت بلمطبخ ،
فاتت امي
الام : يلا جيبي دولكة مي وكلاص وطبي سلمي.

اخذت الدولكة والكلاص
هيل ه:السلام عليكم
الكل رد : وعليكم السلام ، جانن جايات امة واختة تطلع بگدي ووياهن خالتة ،
قدمتلهن المي
ام قحطان :صلاوات على محمد حلاوة مو بنية
ماحجيت شي بقيت ساكتة
الام :رحم الله والديج خية من ذوقج ، روحي ماما جيبي الجاي
خليت الدولكة ع الطبلة وفتت صبيت الجاي وجبتة قدمتة الهن ردت اطلع
ام قحطان : تعالي كعدي يمنة وين رايحة غير عروستنا
كعدت ع الكرويتة بصف امي وبدت هية تسولف عن حياتهم وعن ابنهه وصبغتة صبغ مو طبيعي واني بالي حتى مو يم الحجي ، واتفقن ع المهر ومدري شنو وخلن الملجة مال الشيخ باجر ،
ام قحطان :ها شرايج خالة شو ماسمعنة حسج؟
الام :هية هيج طبعهه تستحي ، بس اكيد موافقة واني مسولفتلهه كلشي ،
كاعدة ومدنكة واحس نار تمشي بشراييني بدلي اكوم اخنگ امي واملخهه بادية بسس مابيدي شي ،
كملن الحجي وطلعن وفاتت امي الابتسامة شاگة وجهها
الام : شكو كالبة خلقتج !
مارديت عليهه فتت للغرفة شمرت الشال من راسي وكعدت كبال المراية ، حسيت نفسي صرت تحت الامر الواقع ،
حتـى دموعي احسهن نشفن وكلشي بية تعبان ونحلان ، مسحت المكياج من وجهي كمت بدلت وشمرت روحي على فراشي ، بسس ما نمت لحد طلعه الشمس
صح مابجيت بس عقلي اننخر من التفكير كلما اغمض عيني تجي ببالي عيون مسلم وافز ، تجي ببالي نضراتة ضحكتة سوالفه كلشي بي ، ومن اوصل لاخر نضرة واتذكر كمية القهر البيهه انتهييي بدللي اكل من لحمي من القلق والتوتر ،
طلعت الشمس واذان الفجر ينادي ، كمت توضيت فرشت مصلايتي وكعدت اصلي كملت صلاتي واجيت ادعي ، بعدني ما ناطقة اود كلمة بلدعاء نهاريت بجي ، بجي الليل الحبستة كلة طلع بهللحضة ،بجيت لحدماا فاخ كلبي يلا كمت ،
رونق :
كاعدين ك العادة اني وهداوي الصبح بلحديقة وندكت الباب ، كام مرتضى فتح الباب ،طلعت امي
الام :السلاام عليكم
الكل :وعليكم السلام
كامت هداوي لاكتهه وباوستهه واني هم سلمت عليهه من بعيد وهية بوست الجهال وفاتت جوة ، وطلعت عمتي سلمت عليهه وكعدن بلهول
الام : خية ام هشام ولو الوكت فايت بس اليوم الملجة مال هيلة البارحة حجن بيهه النسوان
ام هشام :يا صلاوات على محمد وال محمد تستاهل هيلة ،منين الاخذهه
الام : خية ابن ام قحطان الجانت بلفرع الورانة وشالت
ام هشام : يا خية يوم عيد ويوم سعيد والله ام قحطان خوش مرة والولد شاغول وخوش وليد
الام : اي والله خية وهية هم كبرت ولادراسة ولاشي كلت اطيهه
هدى : علخير خالة عيوني تستاهلون كل خير
الام : خير يصيبج فدوا لعمرج حبيبتي الساعه ب3 اريدجن موجودات عدي فدوا لهلطول
هدى:من عيوني خالة..
ماحجيت شي بقيت اباوع ورافعه تك حاجب معقولة هاي المخربطة ياخذهه قحطان ههه والله يا الله ، الاتذكرة قحطان حلو وثكيل وينة وين هاي المرعوصة ،وجماله ماكلفن نفسهن يحجن من وكت جاياتني حالي حال الغربة خاف احسدهن هييينة
الام :يمة رونق مو تنسين تعالي وجيبي الجهال
رونق : وكل عقلج ماما جاية عازمتني حالي حال الغرربة ؟
شلحك شحف شلبس شمكيج !
الام :يايمة والله البارحة اجت المرة وراحت الغروب واليوم قررو الملجة
رونق :اي اي بلخير عليجن بلنسبة الي ما اجي
درت وجهي وطلعت ورة شوي اجت هداوي كالت امج راحت
هداوي : كبر لفج ليش هيج تحاجيهه فوكما عازمتج
رونق :جايتني هسة وتكلي العصر ملجة اختج هههه كل عقلج اروح شهلذلة
هداوي : والله خية بهاي حقج ، بس تعالي كليلي هاي اختج شلون صادت قحطانو الصاك
رونق :والله مادري يا دادة شو طلعت مو هينة هلمرعووصة
وجمالة متودي علية خاف احسدهه هههه
هداوي :وشبينة مهيفات ونحسدهه والله يا الله
رونق : معليج خية اعرف شلون تتوب ،دروحي وي عمتي اليوم للملجة وجيبيلنة الاخبار
هداوي :من عيوني.
هيله:
اليوم العقد مال الشيخ واني عيني ع الساعه كل دقيقة تمر احس الوكت جاي ياخذني وجاي اتورط وما اعرف شسووي ، امشي والوب احس نار تحرگ بجسمي على طول النهار ، صارت الساعه ب3 اجن ام هشام وهدى والجهال ويباركللي ومتونسات ،
ام هشام : ام رونق خية شبيهه بتج شو ولا جنهه وجه عروس لا كحلة لا حمرة لا ضحكة
الام : خية هسة راح تطب تبدل ، يلا هيلة فووتي بدلي
هدى : خل اجي اساعدج بللبس والمكياج
هيله : ماشي
فتت للغرفة وفاتت هدى وياي ،
هدى : علخير عيني علخير بس كوليلي شلون لكيتي قحطان ولج شنو طحتيلج على كنز
هيله :ام محمد مدليتهم علينة لاعرفه ولاشايفتة بعمري
هدى: هاااا بس والله خية هوة صاك وخوش ولد
هيله :الة ولاهلة جا الي
هدى : شو ما احسج فرحانة ، خية طردي عيون بس مو مني ترة ما احسد والله مزوجة ورجلي صاك وطاك.
هيله :الله يحفضة الج
حسيت هداوي ناوية تستفزني وغلست منهه لان اقل شي اطك وابجي بقيت ابدل لبست نفنوف بنفسجي وشال ومكياج خفيف ،
هدى : البنفسجي مو حلو عليج لان سمرة لو شايفة غير بون عاد
هيله : عوفي يمعودة منو يشوفة راح البس عباية
هدى:بكيفج دادة
كملنة وطلعنة كعدنة بلهول ورة شوية اجو ام قحطان واختة وهوة وعمة وجايب شيخ ويا ووياهم نسوان ثنين كرايبهم ،
طبن سلمن وهلاهل وبوسنني وسلمن علية
وفاتن جوة للغرفة ، والزلم كعدو بلهول ،
من حسيتهه صارت صدك كمت احس رجلية ما تعينني ، الخطوة الامشيهه ثكيلة علية ، رحت كعدت بلمطبخ ، شوي وصاحو على امي الشيخ يريد يعقد ، هنا حسيت دمي نشف
الام : يلا هيل لبسي عبايتج وتعالي
اباوع بوجه امي بدلي ادنك اتوسلهه بس ادري راح يزيد الضيم ضيمين اذا سويت شي بنص كل هاي العالم ضليت واكفه بمكاني ، خزرتني
الام : لبسي عباايتج وتعالي كتلج ،
فتت للغرفة اخذت عباية والنسوان وكفن ورة الباب واجت ام قحطان اخذتني طببتني ع الزلم مارفعت راسي وما باوعت على احد ، بدة الشيخ يحجي واني جسمي كلة يرجف حجة 3 مرات وامي كرصتني جاوبتة بنعم ، هلهلن النسوان ويطشن جكليت ، سحبت روحي من بينهم فتت جوة وفاتن وراي يباركلي ، يجرن بية ويبوسن بيه واني غير الابتسامة الباهتة ماكو بوجهي حتى ما اجاوبهن ،
طبيت كعدت بلغرفة واني مثل الواحد المضروب على راسة ،
راح الشيخ والزلم الموجودين ، وطبت علية امي
الام : كومي الولد يريد يحجي وياج
هيله : الله لا يوفقج
حجيت هاي الحجاية واني ما ادري بروحي شحجي ما احجي ، قربت مني لوت ايدي ،
الام : كوومي لا انعل والديج ادبسز قليلة تربببية
هيله : لو قليلة تربية جان عرفت شلون امشي كلشي بمزاجي والعبكم ع الحبل ، بسس لان مرباية واحترم صار كل هذا ،
عتتني ودفعتني للباب
الام :دكووووومي
عدلت شالي وطلعت لكيت النسوان كاعدات بلمطبخ وهوة كاعد بلهول ،
ام قحطان :خالة قحطان يريد يحجي وياج كبل لا نروح
هزيت راسي وفتت للهول رديت الباب وراي
قحطان : شلونج هيل
هيله : بخير
قحطان : الف مبروك
هيل :ه يبارك بيك
قحطان :ليش مدنكة رفعي راسج خل اشوف هلوجه
هوة يحجي واني افوور من جوة اتمنى اكووم اخنكة وانهي كل هلمهززلة هاااي ، موووهوة اللازم يوكف كبالي ، موووهوة اللازم اصير الة ، كوة لزمت دموعي ورفعت راسي بس ماخليت عيني بعينة
قحطان : اللهم صل على محمد وال محمد ، ياحلاتج
هيله :شكراا ، صديت عيني عليي من حاجيتة
شاب طويل وجسمة معضل وشوي تارس مو مال 22 سنة شكلة اكبر من عمرة بهواي ،
وجهة دائري ولحية خفيفة وحواجب خفيفة ،وعيون زغار.
هيله : اترخص منك عيب من الكاعدين
قحطان : هههه موعيب غير مرتي
هيله :عن اذنك ،
عفتة وفتت جوة ولاكنني هنة ماحاجيت وحدة فتت للغرفة ، وهوة صاح على امة ووكفو اتفقو باجر يشترون الذهب وطشو كلمن راح لبيتة ،
فاتت علية امي واني كاعدة بلغرفه وافرك بادية
الام : هااا شرايج بي
مارديت عليهه وولا باوعت بوجهها
الام: شدعوة شايلة الدنيا على راسج ، دفكري بيهه عدل وخلي عقلج براسج ،هذابشر ومسيلم بشر !
هيله : ممكن كافي استفزاز ، حجاية والاخ وخليتي مسلم بلنص ،
الام : اوعي على زمانج
عافتني وطلعت من الغررفة ،واني صدك طكيت فارت روحي لا اكدر اعيط لا اكدر ابجي بس العصبية حركتني حررك اريد بشر اقضي بي التوووبة
فات اكرم علية
اكرم : هيل
هيله :هاااا
اكرم :لاتضوجين الله عليج ، اني مساع جنت يم مسلم براس شارعنة
من جاب طاري مسلم طفررت كعدت يمة
هيله :ايييي شلونة ، شكال من كتلة ، سولفتلة علية لو لااا
اكرم : مسلم يبجي
هيل : يبجييي !
اكرم : اي اني شفتة ومن اجيتة سكت
هيله : كتلة هيل نخطبت ؟
حجيت هلجملة وخنكتني البجية
اكرم : ماكتلة هوة شاف عم قحطان من طلع هوة والشيخ وصعدو بلسيارة ، وراح لبيتهم كبل
من حجالي اكرم علي تخيلت شصار بكلبة من شاف الشيخ طالع من بيتنة ،
هيله :اكرم روح يم ماما عوفني وحدي
عافني وراح وكمت سديت الباب ورااا وكعدت ، لميت روحي وطبكت ركبي وحطيت راسي عليهن ، اوول شي اجة ببالي عيونة ، الما اكدر اتجاوزهن رغم كلشي ،12
بجيت بذيج الليلة كل حيلي ولحد طلعه الشمس وهاي يومين ماضكت النووم ، لحد الصبح كومتني امي رحت بدلت واجو قحطان وامة بسيارة عمهم اخذونة وياهم حتى نشتري الذهب والهدوم ، ما اطيت رأيي بأي شي كلة هنة اليختارن ، وحتى بلذهب ما اطيت رأيي بكلشي ، هوة اختار كلشي ،
والحلقة لبسنياهة بلمحل مال الصايغ ، وباقي الذهب اخذنا ويانة للبيت ،
رجعنة للبيت الساعه 3 الضهر نزلونة بباب البيت ،
نزلنة الغراض وماحجيت اي شي رغم امي شكد حجت واني مغلسة حتى مادري شتسولف ، احس كلشي باهت بعيني ، كلشي ما الي خلك اله ، كل واهسي ماات ،
ومتفقين العرس يوم السبت يعني بعد يومين هية حنة هية زفة يسوونهة ،
وطول هليومين خلصن امي تلم بغراضي وحفتلي ونضفت جسمي واني عازلة روحي بلغرفة ،
قرب موعد العرس واليوم اخر ليلة الي ببيت اهلي بديت اعزل بغراضي الخاصة وطلعت الرسمة مال مسلم خليتهه وي ملابسي لان مستحيل استغني عنهه ، وباقي الرسايل والكتابات خليتهن بضرف بس ما اخذهن وياي ،ضميتهن بنص كتبي الببيت امي ،وكدما باوعتلهن وقريتهن حفضتهن حرف حرف على كلبي بذيج الليله،،،
رونق : رجعن عمتي وهداوي من الملجة وكعدن يسولفلي على فرحة ام قحطان بهيل وشلون قحطان حليان وصاير احول وصراحة حمصتني عيني منهه ، جا مثل حضي مخلصتهه وي هشام لا يهش ولا ينش ،
هداوي : خيو اختج والله كالبه الخلقه ،متريد تضحك كبالي خاف اركعهه عين فاهمة طرد العيون خطا
رونق : مدبرة ولعبتهه صح النغلة ، اكص ايدي اذا مو على علاقة ويا واخذته ، لا ام محمد ولا شي ،
هداوي : اني هم شكيت لان موهينة هلمرعوصة الزركة
رونق :ماتدوم خية واليلعب ويانة نكص ذيلة
هداوي : لاخية نصبر عليهه ونشوف
رونق : بعمرهه ماخليهه تتهنة لاهية ولا اي نفر من ذاك البيت واله ابدي بيهم واحد واحد
هداوي : شناوية ?
رونق : مو شي محدد بس مثل ما حاربوني بذيج ايامي ماريد احد منهم يتهنة
هداوي :عد عيناج التأمري
رونق :وكفو منج ام رضاوي ...

#يتبع👈💔
حال مسلم من صارت خطوبت هيله😭💔