ماذنبي بكل ماحصل

بارت23

#ماذنبي بكل ماحصل

#بقلمي anoo

قحطان :شوفي لجج اياج ثم اياج صوتج يطلع خارج هاي الغرفة وتفرجين اهلي على شي صار بيعة ، تكرهيني اعررف وما مطالبج بحب وراضي وساكت هسة اني ، وگتلج على گد الطفل وخلاص ينتهي كلشي مجرد اسد حلگ الحوالينة فهمتي لو لااا !

ماجاوبتة بس وخرت ايدة من شعري رحت كعدت عل جرباية ودنكت ، قرب مني وكعد بلكاع صار يم رجلية
قحطان : هيل جاي تفهميني لو لا ! جاي اكلج احسن حل الي والج هذا فكافي عاد والله العظيم تعبت !

شما يحجي اني الغصة تزداد بصدري ودموعي يطيحن ماسيطر عليهن ، بس حجية صح شنو ذنبة هلكد تحملني ، وشنو فضلي علي ، لو واحد غيرة جان سود عيشتي علية وخلاني بحلك العالم حجاية
،
هيل : بس اطيني مجال افكر
جر نفس واستغفر ربة ودنك
قحطان :مااشي منا لليل ، وراح انزل لامي اخليهه تلغي روحة الدكتور اليوم ،
عافني وانتهض طلع من الغرفة واني احس الدنيا ضاكت بية ، بس حرام علية هل انانية الاتعامل بيهه ،
وشي ثاني اذا تطلكت وين اروح واطي وجهي ،
بقيت بغرفتي لحد المغرب ساعه اكول خلاص خل اوافق وساعه اكول ماريدة ماريد يتقربلي ، بقيت اناقض نفسي بنفسي لحد وكت العشة صعدلي ،
قحطان : نزلي تعشي العشة جاهز

هيله :ماريد ماجوعانة
قحطان :شنو مجوعانة واني اصلا ممتغدية ، كومي وياي
هيله :والله ماريد من اجوع اكل
قحطان; خووش على راحتج ،
طلع وطبگ الباب وراا ، وورة شوية صعد وجايب الصينية مالت العشى ،
هيله: قحطان مو كتلك مجوعانة والله
قحطان : بس اني جوعان وما اكدر اكل وانتي جوعانة ، قدرتج وجبت الصينية لهنا لتفشليني ،كومي اكلي ،
خلة الصينية بلكاع نزلت من الجرباية كعدت كداامة ،
قحطان : مدي ايدج
بقيت طابكة ادية ، سوة لفة زغيرة وخلاهة بايدي
قحطان :اكلي عاد شبيج
هيله:ماشي حاكل
بديت اكل شوي شوي وماحجينة اي شي ومافتح اي موضوع وياي ، لحدما كملنة عشة شال الصينية راد ينزلهه ،
هيل :اني انزلهه
قحطان :لا اني انزلهة احسن ،
نزلهة وورة شوية صعد كعد بصفي
قحطان :فكرتي ؟
مارديت علي بشي رأسا دنكت ،
قحطان :هيل ماكدامنة وكت وهم يا الله يصير الحمل !
هيله : براحتك
قحطان :شنو البراحتي ؟
هيله :سوي التريدة
قحطان : موافقة على حجي الضهر !
هيله :اي
حجيت هيج ودرت وجهي منة ردت ابجي بس سيطرت

حتـى لا يعصب ،
قحطان : هيل !
هيلن:ها
قحطان : وعد ومن هلشارب على گد الحمل لا اكثر ولا اقل ، واذا رجعت بكلمتي لا تحسبيني رجال ، شوفي صح هذا حقي الشرعي والقانوني وكلشي ،بس مستحيل اجبرج على شي ماتردي ، ومستحيل اخذ شي غصب عنج ،
ماجاوبتة على شي من حجية بس جنت متاكدة هوة كد كلمتة لان ماخلف فد مرة بكلمتة وياي وولا اطة وعد ونقضة ،

جنت خايفة ومترددة لان ما اعرف ولا شي من هلناحية وماجربت بعمري وولا احد علمني ، بقيت كاعدة ع الجرباية وطابكة ادية ،
عبرت الساعه 12 واني كاعدة ع الجرباية وهوة فات سبح وطلع كعد مكابل الصوبة ويباوع علية اني مدنكة ،
قحطان : خايفة ؟
ماجاوبتة بس جريت حسرة ودنكت ، كام وكعد بصفي ومتلفلف بلبطانية
قحطان :هيله خايفة من الموضوع !؟
هيله : اي وماعرف ولاشي وولا احد علمني وولا احد كلف نفسة يسولفلي حرف كبل العرس ،
حجيت هيج واني اباوع بوجهه وعيوني مدمعه وكوة احجي ،
من شاف ملامح وجهي حسيتة ضاج علية ، دنگ راسة ،
قحطان :خلاص لتبجين اني اعلمج وماكو شي يخوف ،
بدة يشرحلي ويحجيلي واني مدنكة بس استمع الة ، ماجادلتة بشي ، ورغم هذا جان الخوف ماليني ،
صارت الساعه 1 بليل وفتت بدلت ملابسي وطلعت ، بدة يقرب مني شوي شوي ، بس حسيت روحي طلعت الف مررة ومجبورة اتحمل ،
لحدما وصل للشي الجان مطلوب يصير وسوا وكمل ووخر مني بدون ميشوفني وجهة ،
بقيت كاعدة ع الجرباية وبذيج الساعه حقدت علي وعلى نفسي وعلى امي وعل كل ، احس روحي تطلع من جسمي بذيج الساعه ،