مساء السكررر❤️
#ماذنبي بكل ماحصل
#بقلمي anoo
__________________
رونق :
متمددة على فراش بلغرفه المغرب وفاتت علية امي
الام : رونق نايمة كاعدة ؟
رونق: كاعدة يمة كاعدة شكوو
الام :دكعدي على حيلج عدي سالفة وياج
رونق:سالفتيش انوب ياستار ، ادري مايجي منكم خير
انتهضت وكعدت على فراشي
رونق :سولفي بلا
الام : شوفي يمة ،دراسة وبطلتي منهه وشغل وماعدج وعمرج ماشاء الله 19 سنة ،
رونق :والمطلوب ؟
الام:اليوم اجو عليج خطابة عن طريق ام كاظم جيراننة والعالم مبينين خوش عالم وابنهم متمكن ،
من سمعت طاري خطابة حسيت قطرة دم ماضلت بجسمي وبقيت ساكتة ماعرف شحجي من الخوف، بحيث امي تحجي واني بس اشوف كمت ما اسمع شي
الام :شكلتي؟
رونق :شرديتيلهم خبر ؟
الام :غير كتلج كتلهم اشوف البنيه وابوهه واردلكم خبر وي ام كاظم !
رونق: لايمة ماريد ماريد اتزوج
الام :وليش ماتردين تزوجين؟ طول عمرج تتمنيين تخلصين من هلبيت ومن عيشة ابوج وعيشة العوز شجاج هسة؟
رونق :يمة ماريد ماعجبني الولد ماريد اتزوج
احجي واني ماخلي عيني بعين امي خاف انفضح ،
الام :وانتي وين شفتي وشعرفتي عنة وعن طبعه حتى ماعجبج ؟
رونق:يمة لا تلحين كتلج ماريد اتزوج وهاذ الموضوع شيلي من بالج واياج تفتحي وياي لو تخلين احد واسطة يقنعني
الام :وشبيج انهديتي ؟ ببالج احد ؟
رونق :وهوة اني وين طالعه وطابة حتة اشوف هل احد واخلي ببالي ؟ ومنو يباوع لجهرتي ؟
الام :اطيني سبب مقنع يخليج ماتردين الزواج ؟
رونق :يمة ماريييد وخلاص بعد وكت على زواج شنو تريد تشمريني شمر تخلصين مني ؟بشنو مثكلة عليج بأكل لو بشرب لو بلبس ؟
حاولت اختلف عليهه بس المشكلة ملامحي جاي تفضح بية اكثر واكثر
الام :ماكلت هيج اني ، فكري بلموضوع والله كريم ،ماريد ابوج يطب هسة ويسمع الحجي ،
عافتني وطلعت من الغرفة ونهاريت ، احس روحي ارد اعيط ارد ابجي ارد الطم بس ماكو سبب مقنع واقل تصررف انفضح ..
هيله..
طلعت امي من الغرفة وهية بوجهه الف سالفه وسالفه ،اجت كعدت يمي
الام :تعالي هيلة
هيل:ها يمة
الام :شتعرفين سولفيلي
هيل:على شنو يمة
الام :عن رونق ،وايااج تجذبين بشي ، انتي اختهه واقرب الهه مني ، ترة اختج هذا رفضهه وريگهه اليبس من سمعت بلزواج مو مال وحدة خاليه ، رونق عدهه احد جوة ايدهه ؟
هيله :
من سمعت امي تحجي هيج كلبي انقبض ،واني ادري امي مو هينة ومو اي جذبة تعبر عليهه ،
هيله :مادري يمة وماشايفه عليهه شي وحتى من جنة نداوم سوة نروح ونرجع بطريقنه وانتي تعرفين تربيتنة ،
الام : هيلللللللة !!!!
حجت اسمي وهية فاتحة عيونهه وجنهه تكلي لاتجذبين
هيله: والله العظيم يمة ما اعرف عنهه اي شي وبعدين انتي تعرفين رونق وينهه وين هلسوالف ، ويجوز رفضت هلفكرة لان تحس بعد وكت على زواج ، ويجوز تريد تفكر ، اطيهه مجال منا لفد يومين واني هم احاجيهه ونرجعلج الجواب
الام ; نشوووف الله كريم
عافتني وكامت للمطبخ ، بقيت حايرة بزماني ، الله لايوفقج رونق علة هلعملة السويتيهه ، الله يستر من المصيبة الراح تطيح علينة ،
كمت يم رونق بلغرفة لكيتهه نايمة ومغطية راسهه ،
هيله: رونق رونق
طفرت من مكانهه وجرتني من ايدي
رونق: عفيية هيله تعالي كعدي ، شفتي امي شسووت
هيله : حاجتني هسة بهلشي ، رونق ترة امي بدت تشك وكوة قنعتهه وكتلهه ارجعلج جواب من رونق خلال يومين ،
رونق من سمعت هلحجي بدت تبجي وتفرك وجهه باديهه
رونق : لجحج بس فهميني شسوي هسة فدوة
هيله : هسة تسأليني شتسوين رونق ? انتي بس شووفي حجم المصيبة الراح توكعينة بيهه ، ولج اذا تزوجتي ودرو بيج مو بنيه راح ننفضح بين الله وعبادة ، واذا رفضتي الزواج وكتيلهم اني مو بنية امي وابويا يصلبوج وحق الله ونضيع بلرجلين وخااف هية سمعتنة عااايزة ، ولج انتي مافكرتي بيه بامج باخوانج شراح يصير بسمعتنه ؟اليريد ياخذ منة مرة لو يطينه مرة ويسأل علينة شراح يسمع عنة ؟ لج الله ليوفقج على هاي العملة ،
حجيت هلحجي واني منهارة وكوووة انصي بصوتي حتة امي لا تسمعني ،
هية من سمعت هلحجي فتحت عيونهه حيل وتباوع بوجهي
رونق : هذا كل همج ؟ فكرتي بروحج وبمستقبلج وبسمعه اهلج الجايفه مافكرتي بيةةة مافكرتي شراح يصير بية اني
هيله :ويطبج مررض فوگ مرض كلة من ايدج ! لجججج كحبه. تدرين بي يلعب وميحبج تسلمي نفسج ليييش ؟ تخسرين حياتج ليش ؟ لج روحي شوفي لبسج لبسة النعال وعافج وحدج بهلمصيبة وحتة بخلقتج ماباوع بعد ، بيج خير جادليني بحرف واحد حتة اشگ حلگج ، الج عين وتحجين وتلومين مووو
ماردت شي على كلامي ، واني عفتهة وگمت طلعت برة بسس دمي فاير منهه بدلي اني الاذبحهه والله بس شبيدي !
باجر تخلص المهله الاخذتهة من امي حتة ارجعلهه جواب من رونق ، ورونق لاحس ولانفس ،
الساعه 10 بليل ، رونق متمددة على فراشهه ، قربت منهة
هيله:رونق كاعدة
رونق: اي كاعدة
هيله ;باجر ماما تريد جواب تدرين لو ناسية
رونق :ادري ادري
هيله: وشراح تسوين ؟
رونق :ماببالي فكرة بس مستحيل اقبل بهلزواج وانذبح
هيله: وشنو الحل بس لا؟تگولين لامي كلشي ؟
رونق : بلحالتين انذبح ،
تحجي بكل برود وياي وكأنما صارت رماد لاحرارة ولادفو من كدما حركت بروحهه بذيج اليومين ،
هيله : رونق شنو الحل فهميني لتكتليني ببرودج !
ماجاوبتني شي دارت وجهه مني وغطت راسهه بلبطانية ونامت ، صدك فار دمي منهه عفتهة ورحت لفراشي ، غمضت عيوني واني ادعي الله يحلهه واني ادري بيهه مالهه حل 💔
اجة الصبح كـ العادة كعدت وكومت كرومي حتة نتريك ونروح للمدرسة ، ولكيت ماما كاعدة قبلنة تخيط وتلاعب بسيوفي ، وبابا بهليوم جان يمنة وصاعد مكابل الطيور ،
هيله : ماما
الام :ها
هيله : لتحاجين رونق ع الموضوع خليهه من ارجع من المدرسة يلا ،
الام :خووش ، اشوف ام راس اليابس وين تاليهه ،
أنت تقرأ
ماذنبي بكل ماحصل
General Fictionقصه حقيقه تتحدث عن فتاه كانت ضحيه افعال وسمعت ابيها وسمعت اختها الام معيله والاخوه صغار لاحول لهم تابعوني لنعرف ماذا حصل وماذا جرت من احداث بهذا القصه......؟
