ကိုလူလည်ရဲ့ သားကောင်ငယ်{မြန်မာဘာသာပြန်}

အခန်း(၈)-၄

Uni version:

ခရစ္စမတ် နီးကပ်လာတာနဲ့အမျှ စတိုးဆိုင်တိုင်းလိုလို ရောင်းသူဝယ်သူတွေနဲ့ စည်ကားလို့နေတယ် ။ရှီလင်ရဲ့ ထင်းကနဲပေါ်လွင်ထင်ရှားတဲ့ ရုပ်ရည်ကြောင့် အလုပ်ရှာရတဲ့နေရာမှာ အခက်အခဲမရှိလိုက်ပဲ ဘားတစ်ခုမှာ အချိန်ပိုင်းအလုပ်တစ်ခုကိုရလိုက်တယ် ။

လူပေါင်းစုံရောက်နိုင်တဲ့ ဘားလိုနေရာမျိုးမှာ ရှီလင့်လိုပုံစံက လူတကာရဲ့မျက်စိကို ဆွဲဆောင်နိုင်ပြီး ပန်းပွင့်နားဝဲပျံနေတဲ့ ပျားပိတုန်းနဲ့လိပ်ပြာတွေလိုပဲ ရှီလင့်နားဝိုင်းအုံလို့နေတယ် ။ရှီလင် ဘားမှာအလုပ်ရတာကို ရှားချီအန်းက သဘောမတူပေမယ့် ဘားကပေးတဲ့လစာက အဆင်ပြေတာမို့ ရှီလင်က ဆက်သွားနေတယ် ။ဒီကိစ္စကြောင့် သူတို့ကြားမှာ အကြီးအကျယ်အခြေအတင်ဖြစ်ခဲ့ကြပေမယ့် နောက်ဆုံးတော့လည်း ရှီလင့်သဘောကို လိုက်လျောရတာပဲ ။

ရှီလင် ဘားထဲရောက်လို့ ပိုင်ရှင်ဆီအကြောင်းကြားနေတုန်းမှာပဲ ရှားချီအန်းကလည်း အနောက်ကနေလိုက်ဝင်လာတယ် ။သူ့ရဲ့ ဆော်ကြည်ဘဲအရှိန်အဝါတွေကြောင့် သိပ်မကြာတဲ့အချိန်အတွင်းမှာပဲ သူ့ဘေးမှာ မိန်းမလှလေးတွေဝိုင်းအုံသွားပြီး ရှားချီအန်းက သီးသန့်ခန်းတစ်ခန်းထဲ အလှပဆုံးမိန်းမလှလေးတွေကို ခေါ်ဝင်သွားတယ် ။

သူ ဒီလိုလုပ်လိုက်တဲ့ အကျိုးရလဒ်အနေနဲ့ သူအခန်းဝအရောက်မှာပဲ ရှီလင်ရဲ့ခေါ်ထုတ်သွားခြင်းခံလိုက်ရပြီး သင်ခန်းစာကောင်းကောင်းအပေးခံလိုက်ရတယ် ။ရှားချီအန်းရဲ့ အောက်ကအပေါက်လေးဟာ ပွင့်အာခါနီး ပန်းပွင့်ဘဝကျရောက်သွားရှာပေမယ့်လည်း သူ ဖြစ်စေချင်တဲ့အတိုင်း ရှီလင်က ဘားကနေထွက်လိုက်တယ် ။နောက်ဆုံးတော့ ရှီလင်ဟာ ဆောက်လုပ်ရေးလုပ်ငန်းခွင်တစ်ခုမှာ အလုပ်ရလိုက်တယ် ။ပင်ပန်းပေမယ့်လည်း သူ့ရဲ့ ကြံ့ခိုင်တဲ့ ခန္ဓာကိုယ်တည်ဆောက်ပုံကြောင့် လေ့ကျင့်ခန်းလုပ်ရသလောက်ပဲရှိတယ် ။ရှားချီအန်းကလည်း အလုပ်သွားအလုပ်ပြန် သူ့ကို အကြိုအပို့လုပ်ပေးတဲ့အပြင် တစ်ခါတစ်လေဆို အလုပ်ထဲတောင် ဝင်ကူပေးလိုက်သေးတယ် ။