Ang Puno ng Acacia
-----•O•-----
At sa gubat napadpad ang mga buto,
Sumibol ang malilit na dahon nito.
Sa lupa'y nag-ugat, dinilig ng ulan.
Sikat ng araw binalot ang kabuoan.
Lumaki, yumabong, ganap ng puno.
Namulaklak, nagbunga, tumanda.
Ibon sa mga sanga, umaawit sa saya,
Isang tahanan sa masasabi mo.
Nalagas ang dahon, putol na sanga.
Acacia sa gubat , mayabong, maganda.
Hanggang sa umabot ang sukdulan,
Kasamang nakalbo ang kagubatan.
Troso at panggatong na siya ngayon,
Dating pugaran, tuntungan ng ibon.
Kay bilis ng nakatakdang panahon.
'Sang dangkal ang layog sa lupa ngayon.
Wala na ang kanyang kaitaasan,
Sangang tuntungan 'di na masisilayan.
Kawawang ibon nawalan ng tahanan,
Pinasimulan ng masamang kaisipan.
____________________
-----•O•-----
Ang Puno ng Acacia
Inang Kalikasan II
-JackBlaireJackson
Salamat sa pagbabasa💕
BINABASA MO ANG
Inang Kalikasan II || Kagubatan
Poezja#completed Bilang regalo ko sa aking sarili mula sa tagumpay na nakamit ng unang aklat ang, "Inang Kalikasan" na agad ngang tinangkilik siyang kauna-unang akda ko na nakakuha ng mahigit isang libong reads sa loob lamang ng tatlong buwan, kaya gagawa...
