သားကောင်
🌸pann
Part (12)
ငါးနှစ်ကြာသော်..
ကြၽီ.. ။
ချောက်.. ဒုန်း
" ဟော ငါကမင်းကို ပတ်ရှာနေတာ.. မင်းက ဘယ်သွားနေတာလဲ "
နောင်ရိုး အိမ်ထဲဝင်တာနဲ့ ဇာနည် က ဆီးမေးပြီ.. ။
" ဆံပင်သွားညှပ်တာ "
နောင်ရိုး ဖြေရင်း လှေကားတွေကိုဖြတ်နင်းလျှောက်နေလိုက်သည်.. ။
" မင်း ဆံပင်က ဘယ်လောက်ရှည်နေလို့ တော်ကြာနေရင်း သွားညှပ် ၊ တအောင့်နေ ရင်း သွားညှပ်နဲ့ မဖြစ်မနေညှပ်ရမယ်လို့ မင်းကို ဘယ်သူက ပုဒ်မချတရားစွဲနေလို့လဲ.. "
ဇာနည် လည်း နောင်ရိုးနောက်လိုက်ပြီး စကားဖောင်ဖွဲ့နေရသည်.. ။
ကိုယ်ပြောတာလည်း အလွန်တစ်ခုမှမပါ..
အရင်က ဆံပင်ကို အရှည်ထားမှ စတိုင်လွင့်တယ်ဆိုတဲ့ကောင်က အခုဆို သူသတ်မှတ်ထားတဲ့အရှည်လေးကနေ ဇီးရိုးပွိုင့်ဝမ်း လေး ရှည်တယ်ဆိုတာနဲ့ သွားသွားညှပ်ပြီ.. ။
ရပါတယ်.. သွားမညှပ်သေးလည်း ကိုယ်ကအကြံပေးလည်း မဟုတ်ဘူး ။
" မင်းဆံပင်သွားညှပ်တာလား ငါ့ဆံပင်ငါညှပ်တာကို.. "
" ဒီဆံပင်လေးကိုပဲ မင်းက သွားသွားခလုတ်တိုက်နေတာ.. "
" အာ ဇာနည်.. မင်း မိန်းမ ယူတော့ကွာ ငါ့ဘေးနားနေပြီး တအားပွမ်တာပဲ "
ဟုတ်တယ်.. ဟိုဟာလုပ် လုပ်ပြန်ပြီ ဒီဟာလုပ် လုပ်ပြန်ပြီနဲ့ မိန်းမတစ်ယောက် လိုပဲ လိုက်ပွက်ပွက်ဆူနေတာ ။
သူလည်း ခြံနဲ့ဝန်းနဲ့ ဝယ်ထားပြီးနေလည်းကိုယ့်အိမ်ပေါ် လိုက်နေပြီး စီမံခန့်ခွဲနေသေးတာ..
" ဟျောင့်.. မင်း မျက်စိရှုပ် နားရှုပ်နေတိုင်း ဇွတ်ယူခိုင်းမနေနဲ့ မင်းသာအရင်ယူဖို့လုပ် "
" တောက်..ကျွပ် ဂလု "
အခန်းထဲမှာ ထည့်ထားတဲ့ ရေခဲသေတ္တာသေးသေးလေးထဲက ရေဘူးတစ်ဘူးယူပြီး နောင်ရိုး မော့သောက်လိုက်သည်.. ။
YOU ARE READING
သားကောင် (Unicode)
Romance" ခင်ဗျားကို ချစ်တယ် " " ဘာလဲ.. မင်းပြောရမယ့် မိန်းကလေး တွေကုန်သွားလို့ ငါ့ဘက်လှည့်လာတာလား " . " ခင်ဗျားရဲ့ မာန အတ္တက ကျုပ်တစ်ယောက်ထဲ အတွက်ပဲ သီးသန့် ဖြစ်တည်နေတာလား.." " မင်းအပေါ် ကောင်းကောင်း ဆက်ဆံရအောင် မင်းကရော ကောင်းနေသလား.. " . " ခင်ဗျား ပိုက်ဆ...
