သားကောင် (Unicode)

Part (27)

သားကောင်

🌸pann

Part (27)

မောင် အလုပ်မရှိ တွေ့ရာ ကောက်စွဲလုပ်နေရတယ်.. နောင်ရိုးမင်းခေါင် အကျင့်ယုတ်နေလို့လေ ။

နေရင်းထိုင်ရင်း တစ်ရက်တစ်မနက်တစ်ည အတွင်းမှာ မောင်က အလုပ်လက်မဲ့ ပြည်သူတစ်ယောက် ဖြစ်သွားရတာက ခင်ပွန်းဆိုတဲ့လူရဲ့စနက်ကြောင့်..

တွေးလေ တွေးလေ မကျေနပ်နေရလေ.. ။

အရင်က အခုချိန်ဆို မောင် လုပ်ငန်းခွင်ထဲ ဝင်နေရပြီ.. ဆယ်နှစ်ကျော်လောက် လုပ်ငန်းခွင်ထဲ ဝင်ခဲ့ရလို့နေမယ် အခုလို ဘာအလုပ်အကိုင်မှမရှိတဲ့ အခြေနေကြီးနဲ့အသားမကျ..

ပင်စင်ယူသွားကြတဲ့ ဝန်ထမ်းတွေ စကားပြောတာ ကြားဖူးတယ်.. ဘာအလုပ်မှ မယ်မယ်ရရမလုပ်ရတော့လည်း ပျင်းသားတဲ့ ဟိုနားလေးယောင်လည်လည် ဒီနားလေး ဝေ့ကာသီကာနဲ့ လုပ်နေရတာ က အနေခက်နေပြန်တယ်တဲ့ ။

အစကတော့ အလုပ်မလုပ်ရတာများ ပျော်စရာ ကောင်းတာမဟုတ်ဘူးလားပေါ့.. အေးဆေး သက်သောင့်သက်သာ စိတ်အေးလက်အေးနေနေရမယ့် အခွင့်ရေးကြီးကို ရတာ ဘယ်လောက် ကောင်းလိုက်သလဲပေါ့.. ။

အခုတော့ မောင် သူတို့ခံစားချက်ကို နည်းနည်း နားလည်သယောင် ရှိလာသလိုပါ.. အိမ်မှာနေပြီး ဘာလုပ်ရမှန်းမသိ ။

အပေါ်တက် အောက်ဆင်းလည်း လုပ်နေတာ ဘယ်နှကြိမ်ရှိနေပြီလဲ မပြောတတ်.. အလုပ်နားနေတာ တစ်လလောက်ရှိနေပေမယ့်လည်း အသားမကျသေးတာ အခုထိပဲ ဟူး..

မောင် လုပ်စရာ မရှိတာနဲ့ကြက်မွှေးတစ်ချောင်းကိုင်ပြီး အိမ်ပတ်နေတာ.. ဖုန်တွေကို ကြိုးစားပမ်းစား မောင် သုတ်ရအောင်လည်း ဖုန်မှမရှိတာ.. ဘယ်ရှိမှာလဲ သူ့ကြောင့်ပဲ လေ ။

မောင် အလုပ်လေးရှာကြံလုပ်နေတုန်း သူတွေ့သွားကြည့်လိုက်.. အိမ်ကအလုပ်သမားတွေ ကို ပြောသေးတာ ။

အဲ့တော့ မောင် ဘာမှမလုပ်ရသေးခင် အကုန် ပြီးနေပြီ..

မောင် အရမ်းပျင်းလာမိလေ သူ့ကို မကျေနပ်လို့ ပြောမိပြန်ရော.. အဲ့တော့ သူနဲ့မောင် ညကြီးအချိန်မတော် တွေ ဘာတွေနားမလည်တော့ဘူး စကားနိုင်လုရရော ။