#حب_سارين. #الكاتبة_أميرة_دجلة
#الحلقة52. #الجزءالثاني
البيت اضلم ومثل الخيال الاسود اشوف بالضلام طلعت خايفه ستوني دافتح الباب مال بيت اباوع جلاب كومه هجمو عليه وكعت ليوره وتكومو عليه ويعضون بيه كعدت اعيط ومرعوبه
دخل ايهم شافني "بيج شي ؟"
"لاء بس شفت حلم خوفني "
طلع شويه وفات شايل كلاص مي انطانيا شربته اخذ الكلاص مني
ايهم "سمي وتعوذي ماكو شي
عافني وطلع احسه حقيقه مو حلم وخرت الغطه تفاجأت اثار طكع بنفس المكان حاولت اهدي روحي مااهتم سميت ورجعت انام
اللصبح كعدت كمت غسلت رتبت طلعت للمطبخ داتريك خليت الريوك احس مالي شهيه للكل شلته وذبيته سمعت دكت الباب طلعت
بيداء" صباح الخير "
"صباح النور"
" يللا مو ردتي تطلعين"
ذكرت اني ماكلت ايهم "اكلج ام مرام اني نسيت اكل لاايهم"
ضحكت بيداء" هنيالي دمشي كتله الصبح قبل ليطلع اجا علمود دوه غسان ديجيبله اخذ الغلاف"
" اها همزين كتيله ديللا بسرعه بدلي راح انتضرج هنا"
" لاء تعاي ادخلي للمطبخ"
سارين دخلت بسرعه بدلت رتبت شعري داطلع اذكرت العبايه وخفت لايسويلي مشكله لبستها فوك ملابسي طلعت الجنطه فتحت الجرار اخذت فلوس من فلوسي خليتهم بلجنطه وطلعت
سارين" ها خوما تاخرت؟"
" لا ماتأخرتي "
"يللا"
طلعنا
بيداء" خلي ناخذ تكسي "
سارين" ليش تكسي؟"
بيداء "ولج موهذا السوك ذاك الثاني مو مال مشي"
"يللا لعد "
مشينا اجرنا تكسي وصلنا لسوك جبير دخلنا بي اباوع كلشي تريد موجود بهذا السوك دخلنا علملابس اشكال وجنن بالذات الفساتين القصيره جنت ماشايفه هيج بغداد عجبني فستان قصير لونه نيلي اخذته دخلنا بعد شفت واحد ثاني مشجر هم قصيير اخذته شفت فرشه حلوه مال جربايه هم اخذتها وبيداء اشترت ملابس الجهالها وراها شفت بجايم مخلين اخذتلي ثنين نسقت وياهم بديات صيفيه واخذتهم كملنا ورجعنا بس خفت الكل تحجي عن اوضاع بغداد
الصدك خفت على اهلي وبيداء هم جانت خايفه على اهلها رجعنا مشه يومي ايهم تاخر مأأجه لليل كاعده بالغرفه الباب مفتوح دخل بدون سلام مشه للكنتور حتى ميباوع
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
