#حب_سارين. #الكاتبه_أميرة_دجلة
#الحلقة68. ج٢
هذا بارت هدية الكم
زهراء اليوم رجعت من المحكمه واني اعصابي نار صايره هاي الجلسه الثانيه ميحضر وتتأجل الجلسه تعبت من صدك احس روحي عايشه بكابوس اسمه عبد الخالق بس اريد اخلص منه واخاف ليصير شي يجبرني ارجعله وخصوصا من سمعت يريد يجبرني على بيت الطاعه بس المحاميه طمنتي كالت ميكدر لان انتي متعرضه لتعنيف منه هلشي مخربط حياتي رغم مامرتاحه يم اهلي خايفه ومن اذكر فعايله وفعايل امه وأذكر شلون اختي رادت تموت من ورى كلبي يكوم يرجف وأخاف على روحي بس اليريحني اهلي ماخلوني اخذ اي شي منه حتى غراضي وملابسي الجبتهم ويايه حركوهم
خافو ليصير بيه مثل ماصار بسارين وأني ماعارضت مشيت وره اهلي وصلا اني من النوع الي شخصيتي ضعيفه ماجادل ومستسلمه لكلشي عكس سارين جانت مرات تسكت ومرات اجادل يمكن بسبب الضغط الي عشنا احنا وزغار اني الحمدلله حياتي جانت هاديه بس سارين لاء جانت دائما تتعرض المشاكل ويه نسوان اخوتي ويه اخويه فارس بحيث كمت احسها تتمرد وتعاند حتى تعارضهم ا باليريدو بسبب الي عشنا بالماضي وجنت هوايه انقهر عليها وبالذات من حبت ضياء وزوجوهه جنت اشوفها شلون تتعذب وساكته لحد ماكمت اشوفها ضايعه ومتعرف تتصرف انقهر عليها موسهله تحب انسان وتنجبر تعيش ويه غيره وهذا حال سارين بس الفرحني بعد كل الضياع العاشت بي شفت بعيونها حب وخوف على زوجها تخاف تخسره بس بنفس الوقت مخليه حواجز بينها وبينه هوايه بسبب حبها لضياء ماكادره تتأقلم ويه ايهم أنطته جسدها بس روحهل باقيه ويا ضياء
بس بالفتره الأخيره تأكدت سارين بدت عدها مشاعر تجاه زوجها وهلشي خلاها تخاف تخسره بعد ماهوا مل وجابها لهلي شفتها شلون سمجه الي مطلعيها من المي لان جانت متأكده راح يعوفها اني بداخلي متأكدهواعرف ايهم ميعوفها نضراته وتصرفاته فاضحته حبه الها مو طبيعي شفته باأكثر من موقف حتى من أخوتي يغار من فارس يلح لو يحضنه بالسلام تحسه عيونه تريد تطلع وهوايه مرات جنت احسدها على حب ايهم الها ومن اخذهه حسان للكراج لزوجها ورجع هيه ماويا من صدك فرحتلها وتمنيت رب العالمين يسعدها هيه وزوجها
مشت ايامي انتضر موعد الجلسه الجايه بلكي اخلص نمت وكعدت ثاني يوم تعبانه ماأدري شبيه كمت كوه اباوع وجهي اصفر غسلت وطبيت اتريك داسوي ريوك لعبت نفسي من الريحه ركضت للحمام لحكتني هناء
هاي شبيج ؟
زهراء" ماأد ري لعبت نفسي من ريحة الاكل
هناء بقت فاتحه عيونها عليه كمت غسلت داطلع
هناء.. زهراء خاف حامل
زهراء.. حجايتهافززتني احس واحد وشمرو من فوك السطح
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
