#حـــب_ساريـــن
الحلقة 13+12
الكاتبة أميرة دجلة••(نسرين محمود)
''''''''''''''''''''''''''''''''''''
أتركني فليس أنت الذي أختاره قلبي أنت أحد الذين شاركوا بدمار ذالك الحب نعم هذة هي أنا لايغرك شكلي فقد. أخذ التمرد يأخذ مكانا له داخلي ..قد أصبت بالجنون وأنتم السبب أنتم الذي جعلتم مني أنسانة ثانية خلقتم داخلها نيران من الحقد وزرعتم داخلها الكراهية والبغض لاتلوموني وتقولون عني قد تغيرت فأنتم الذي غيرتموني.........حال سارين
-- الكاتبة أميرة دجلة --
گال ...الحمدللة الي تمنيتة صار بدا يقرب أيدة علي اني بسرعة ابتعدت عنة وطلعت السجينة ورفعتها بوجها
أيهم.. شبيج بابا شكاعد سوين
سارين...لاتتقرب مني والا راح تتندم
أيهم....غير أفهم شبيج؟
سارين...كتلك لتجي يمي
تقرب مني اني فزيت حاول ياخذها مني ضربتة بجتفة ضربة خفيفة مجرد خدش هواي اشيااء ماعرف شلون ضربتة او حاولت احمي روحي جنت مستعد اكتل روحي اذالزم الامر هوا وبسرعة جر السجينة مني ودفعني للتخت عيطت طلعت شكو بداخلي ...عوفني أهلي جبروني عليك وأنت شلون توافق تاخذني بدون متشوفني هوا كام يصيح علي بعدين سكتت
أيهم ...لج بابا ماأدري بيهم جابريج
سارين...رددني لهلي
أيهم..شتحجين بابا أنتي بنت شيوخ تدرين اذا هسة رددتج لهلج يجوز يذبحوج
سارين...بقيت ساكتة
أيهم...اكو احد أبالج؟ أحجي سارين..
سارين...اي أني احب واحد
أيهم...شلون يعني وليش أني مااعرف
سارين...محد يعرف بحبنا أخواني ميدرون
أيهم ...لاحول اللة
شكلة مثل الي أنصدم جان واكف وجف اايدة تنطي دم كعد يمسح بيها بعدين راح غسلها ورد شال الوصلة الي بالكاع الي جنت مخلية بيها السكينة لف ايدة بيها اني اباوع علية واابجي وماخذه ركن طلع برا وسد الباب بعصبية أني رحت نزعت البدلة ولبست تراكسود وكفت مقابيل البلكونة اباوع للناس يمشون حسدتهم وسألت روحي معقولة هاي الناس هسة مرتاحين وميفكرون مثلي هنيالهم ... بالثلاثة بالليل رجع اني جنت بس متمددة منايمة
ايهم...طلعت من الفندق مصدوم بالي صار معقولة الانسانة الي اختاريتها وتعلقت بيها طلعت تحب واحد غيري ليش هيجي حضي واني ماصدكت استقر ليش مامكتوبلي السعادة امشي واحجي ويا روحي محتار بعدين رديت للفندق دخلت الغرفة شفتها جانت نايمة صحت عليها
أيهم ..گاعدة سارين؟
سارين..مرديتلة سويت روحي نايمة
اأيهم...ادري بيج گاعدة شوفي سارين ماأعرف اذا جنتي واعية للي دكولينة
قاطعتة وكتلة...اي واعية
ايهم..تدرين بية شنو جنت افكر كلت يجوز هاي طفلة ومتعرف شتحجي وكلت يجوز الي يريدها لاعب عليها وهي موبنية أني هسة اذا ارددج لهلج شراح يكولون اكيد راح يكولون بنتنا موشريفة ورددها
سارين...وانت شنو شاك بية موشريفة؟ ؟
أيهم...لا سارين بس تصرفج صدمني والواحد يخطر هواي افكار براسة
سارين...خاف أنت دكول هذا الحجي وعبالك ارضى بيك لخاطر ابينلك اني شريفه هاي الفكره الغيها من راسك
أيهم....ليش هيجي تفكرين يعني لو أني اريدج تصيرين الي ماأنتضر موافقتج واني اقوى منج والاريدا أخذا بس أني ماأحب اجبر احد يحبني واذا اجبرج طول عمري راح احس مشاعرج مو الي أني ماريد هيجي يصير
سارين...لعد طلگني
أيهم...لج بابا أنتي مخبلة أني اذا هسة رددج شنو راح دكلين لهلج
سارين...لعد اذا ابقى يمك لاتحلم أصير الك لان مستحيل
أيهم...براحتج واني مأأجبر احد يحبني خليها أبالج
سارين...أشكرك على تفهمك
أيهم...أنتي طفلة وابد مو واعية لتصرفاتج لذالك متفهمج
سارين...حجى هالكلام وعافني الصبح اجا اخذني نتريك
أيهم...شنو تحبين تاكلين؟
سارين...حليب وجاي
أيهم...ههههههه ...اكو احد لحد هسة يشرب حليب وجاي؟
سارين...اي اني من جنت صغيرة لحد هسة احب أشرب حليب وجاي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
