#حب_سارين (ملاكي) #الكاتبة//نسرين الخطابي
#الحلقة31. #الجزء_الثاني
اغار عليك مو بيدي اغار ولا زعليني
ماترهم ادير العين وبس انت التدليني
عشنا ثنين بس نرهم نصير اثنين
ثالث حلهم الشيطان مايكدر يعابيني
اعارك وزعل وطكَ وحركَ الكون
ولا بسمج قصد واحد يناديني
كلمات اخونا الشاعر #ابو_الاكبر_الناصري
#انستا"Ka99w
فارس جان واكف دينتضرنا شافني ضحك كال"هاي شنو كالبيج عالبطانة...
سالتة"ليش
رد"طبيتي سارين طلعتي وحدة ثانية بس تبقين محلوة
ضحكت كتلة "تغار
ضحك هوا كال"ليش اغار شفايتلج لو بحلاتي
فارس حلو ابيض الوحيد بينا عيونة خضر على عمي ..اخذنا العروس وديناها لهلها ورجعنا بالطريق فارس گلي"بعد اخوج ماشوفيلي وحده حلوة منا منا
"اي عندي الك وحدة تخبل
سألني"اعرفهه؟
كتلة"اي تعرفها
رد"منو هاي؟
جاوبتة"حمدية المخبلة
كفخني على راسي وكال"لا يامخبلة انوب بقينة على حمدية المخبلة ...
رديتلة"شبيهه ترا حلوة
كال"تشبهج
كتلة"شفايتهلها لو تشبهني جان اخذتهه بخبالها
رد"لج بابا انتي واثقة من روحج هواي زين من ايهم اخذج والا جان بقيتي على كلب امي ...
بكلبي"لو تدري اختك شمسوية باأيهم
صفنت ويا روحي واتذكر شلون جان يعذبني لان حاولت انهزم ويا ضياء ..لو من يصير حنون وياي
لاحضت ايهم شخصية متناقضة كل شوية بمزاج ساعاته مو سوة مرات اشوفة انسان حنون وكلب طيب
ومرات اشوفة انسان حقود وقاسي لاابعد حد ماكدرت افهمة يجوز لان اني وهوا منتشابة بشي ...
ضياء يختلف عن ايهم بكلشي ضياء صح جان يضوج مني بس ميأذيني مثل ايهم يجوز يأذي بالكلام
بس حتى كلامة الي جان يأذيني بية شفتة عادي مقارنة بالي يسوي ايهم ...
ضياء شخص جنت دائما اشوفة متفائل والابتسامة على وجهه ويشاقة وياي ويضحك.. حتى اخواني يحبوة اكثر كل زملائهم ...
مااعرف شلون مصبرة روحي علية معقولة يجي يوم وايهم يتركني بحال سبيلي وارد لضياء وانعوض كل هاي الايام القاسية بأيام فرح وسعادة سوة وابيت واحد ...
جنت شاردة ويا روحي فزيت على صوت فارس كال "يلا انزلي وصلنا ..
هستوني افتح الباب راسن حجى "وينننن ويننن؟
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
