#حب_سارين. #الكاتبة_أميرة_دجلة
#الحلقة54. #الجزء_الثاني
تفاجئت بالدكتورة كالت:لازم تنام مستشفى
ليش دكتورة؟
" البنيه عدهه فقر دم حاد زين منها واكفه"
كتبت دخوليه اول مادخلوهه للغرفه شكلولهه مغذي خفت عليهه واني اشوفههم وهمه يشكلولهه المغذي وهيه تتوجع تقربت يمها لزمت ايدها الثانيه ممانعت بقيت لازمها لحد ماكملو وخرت جتي بيداء كامت تمسح على راسها شويه وغمضت عرفتها نامت كعدت جان اكو سرير ثاني الغرفه بيها اربع اسره اثنين مشغولات وحده بيها مريضه عمرها بالثلاثين والوياها مره عجوز
والثاني بي مره جبيره مايمها احد شويه ودخلت الدكتوره جيكو ضغط زين كمت
ايهم" دكتوره بس شوفيلي رجليها"
وخرت الغطه رفعت ملابسها الدكتوره استغربت بس كالت "تحاليلها نظيفه شغلتها تحير"
رفعت راسي شفت المره العجوز تباوع وعينها علينه رجعت الغطه طلعت الدكتوره دنحجي اني وبيداء بشغلتها تقربت المره منه دتريد تحجي بس متردده ايهم توقعت محتاجه شي
ايهم" خاله محتاجه شي؟
المره" لاء ابني مامحتاجه شي بس حابه اكللكم هاي البنيه مساويلها عمل "
صفنت عليها اني وبيداء "خاله شكاعده تحجين ؟"
"ولله ياابني حبيت اساعدكم بنتي هم صار بيها هيج
وماخليت اخر شي طلع معموللها وهم هيج نفس وضع البنيه حتى جسمها هم صار هيج اذا تريدون انطيكم عنوان رجال الأخذناهه عليه"
بقيت اني وبيداء واحد يباوع لثاني
بيداء" اكول ايهم خلي ناخذ العنوان ماخسرانين شي اذا ماصارت زينه ناخذهه عليه"
كامت بيداء اخذت العنوان من المره ايهم بقيت دايخ معقوله زين اذا صدك منو يفكر يأذيهه ويوصلها لهل حال ولله اذا صدك وعرفت منو ألاأخذ روحه ومااكتفي باوعت المغذي كام يخلص طلعت صحت الممرضه جتي شالتها
بيداء "ها ايهم ؟
"راح اروح لدكتوره اذا بيها مجال اطلعها حتى لو نخلي المغذي بالبيت "
بيداء "براحتك
طلعت كلت لدكتوره كالت "تكدر طلعها بس وكلوها اشياء صحيه واذا ماصارت زينه رجعوهه رجعت للغرفه
بيداء "ها ايهم ؟
كالت "طلعوها بس اذا ماصارت زينه رجعوها
بيداء "سارين حبيبتي يللا كومي دنطلع
سارين كعدت كوه باوعت الكانونه بيدي" بيداء؟
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
