#حب_سارين. #الكاتبة_أميرة_دجلة
#الحلقة78
حسان"لكو ايهم "
سارين...صدك لعد خل نروحله
حسان ..سارين ارضي بقدرج. لكو مكتول
بجه عطت.. لاااااااااااااااء ايهم ميعوفنييييي خواتي وامي يبجن اباوعلهم مصدومه وأهز براسي جذب ولله ميعوفني انهاريت كمت اصرخ وكعت بالكاع هاي جانت لحضات موتي اني ايهم روحي ودنيتي كلها فقدت
كمت املخ بروحي واكلهم اكيد متوهمين ولله ميعوفني يدري بيه ماأكدر بليا شلون يعوفني حسان حضني
واني اتوسل بي (حسان عفيه كول متوهمين )
اباوعله اريده يحجي يكول اي اشر الخواتي راحن وجني شايلات ملابس ديلبسني باوعت اسود تخبلت عليهن كمت اصرخ حرام عليجن ليش تلبسني اسود جذب جذب ماسمعلي لبسني وخلن شال على راسي كومني
صعدوني بالسياره واني فاصله وبداخلي اكول متوهمين خواتي وامي واني مااعرف وين رايحين بعد فتره لفنه الفرع
باوعت هذا فرع بيت اخته شفت هوسه وسيارات هنا بده الامل البداخلي يتبدد
جنت متخيله جذب صرخت وضربت علوجهي يعني صدك عافني شلون انطا كلبه وكفت السياره نزلت صار كبالي حيدر يبجي
مشيت واني احس ماضل عقل براسي حيدر صاح: -ولج ساريييين راح خالي
جانت هاي الكلمه كافيه تصحيني وترجعني للواقع كمت اصرخ وأملخ بروحي وخواتي لازماتني وأني اصرخ عوفني شلي بعد بحياتي
ليش ايهم ليش يتمتني وانته تدري مالي غيرك ليش حرموني منك الضلام ..
طلعن خواته على صراخي اباوعلهن حالهن اسوء من حالي
كابلني اني اصرخ وابجي وهنه حالهن مثل حالي اباوع كلها لابسه اسود والكل يبجي امي وخواتي محاوطاتني ويبجون
سارين ...يمه اني هسه تيتمت
(يمه شبيدي عليج )
(يوم ياريتني ميته ولا هليوم احس نار بداخلي مشتعله)
امي تمسح دموعي وتبجي كمت اعاتب بي حبيبي شلون انطاك كلبك تعوفني مو تدري بيه ماأكدر بلياك كلي رجعت اصرخ ملخت روحي خواتي يحاولن يمنعني وأني اصرخ عوفني ابويه ودنيتي كلها راح
كومني دخلني والكل يبجي كمت ماشوف بس سواد الي صار مثل حياتي السوده مره اعاتبه ومره ابجي تقربت
بيداء حضنتني /حبيبتي ادري صعبه ولج منو يتخيل ايهم يروح
( راح وعافني اتلطم بهلدنيا وحدي)
كمت اضرب بروحي لزمتني (حبيبتي هذا امر لله الله يصبرج ويصبرنا)
شيصبرني واني داموت نار وشتعلت بيه بعد متطفى
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
