•••••••••••••••••••
#حـــب_ساريــن]
الحلقة••••الثانية•🦋
بقلمي ..أميرة دجلة (نسرين محمود)
••••••••••••••••••
امك انه امك يل تعبت عليك
من تعب التعب جنت انه اربيك
هسة بكل صلافه ترفع صوتك
وتمد ايدك عليه من احاجيك
روح ولا تجي مادر حليبي عليك
دمعت عين امك فشله اراويك
كلمات الشاعر ..أبو الأكبر الناصري
Ka99w
ارواح عارية من النقاء مستبدة فهي ارواح مريضة لاتريد الخير تصر على الايذاء ((في قلوبهم مرض فزادهم اللة مرضآ)) نسو أن هناك رب يراقبهم نسو أن هناك من هوا أقدر وأعضم جبروت منهم .. وقد((نسوا اللة فأنساهم أنفسهم))....
الكاتبة...أميرة دجلة
كوثر..لك عزيز مريم راحت للشط هاي فرصتنا خل نروح ندفعها ونغركها
عزيز..شلون ولج اخاف ننكشف
كوثر..لا لا معليك يخوي نكلهم هيه مزحلكة وساحبها الماي
عزيز..لا لا عوفيها
كوثر..لك نسيت شسوت بيك انت ابن شيخ محمد شلون تقبل تنذل من ورا مره اليوم فرصتك تاخذ ثارك
عزيز..اي واللة يلة نروح
كوثر:يلة استعجل نلحكها اليوم لازم اكتلها خلاص ونخلص منها
عزيز...وين راحت هاي
كوثر...شلون عليها حض بنتل المطي
عزيز...بلجي غركت
كوثر...لا لا هاي تموت العار ميموت والله خيي
عزيز...خلينا نرد نشوفها بالبيت
كوثر اخذت عزيز وراحو للشط،دورو لمريم مالكوها رجعو للبيت شافوها موجوده كوثر دحكتلها وكالت..لاهلا شرددج موجنه خلصانين منج
مريم..زوجي رددني ورجعت من خاطره وخاطر اولادي
كوثر..واللة شلون بيج كتله بس لو ما حسين جان امسكج وادوس بخوانيكج
مريم..ليش ياماتخافين من الله شمسويتلج
كوثر..لاتتمسكنين يلمكاره تدفعين اخونه علينه وتحرضينه ودكولين شمسويه تدرين اليوم لحكناج للشط اني وعزيز كلنا بلجي نغركج ونخلص منج بس شلون عندج حض مال كح....
مريم..والله المايخاف الله كلشي يسوي واني مااستغرب منج ومن اخوج هالتصرف
كوثر..والله ماعوفج الاادمرج مثل مادمرتينا تدرين من وراج تنازلت عن املاكي لحسين كلت بلجي يطلكج ويخلصنه منج بس ماطلكج
مريم..لان الله يعرفج شنو من شي فكل شي تخططيله يكون ضدج مو ضدي
كوثر..شوفي لج تروحين ودكلين لحسين خلي يرجعلي املاكي لايصير شي مايعجبج
مريم..اني شعليه بيج انتي اكرمتي باملاكج وانتي ترديهم من اخوج اني ماادخل حياتي
كوثر ..اني اعلمج الا اشيبج كبل وكتج
مريم..مسلمج بيد الله حسبي الله ونعم الوكيل عليكم انتي واخوج
كوثر:-وفوك كل هذا تدعي لج انتي شلون عليج عين صلفة
مريم:-شوفي كوثر أني صار سنين متحملتج وشايفة الويل منج ومن اخوتج بس ساكتة وماكلت لحسين عليكم خاطر ماسوي فتنة بين الاخوة واني غريبة باجر يكولون عني فرقت الاخوه عن بعضهم لخاطر اللة عوفيني بحالي اني وجهالي شتريدين مني شفتيني أذيتج بيوم متخافين من اللة مو بعدين ينتقملي منج ترا أني الي حوبة وحوبتي جبيره يم اللة
كوثر:-هاللة هاللة يالسيدية خوفتيني ماضل علية بس بنات المدينة يعلمنا الادب
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
