#حب_سارين. #الكاتبة_أميرة_دجلة
#الحلقة79. ج٢
ضياء.... رجعت مددت بس ماكادر انام هناك شفت طاهر فات كعد فارس كله امشي ويايا بس مافهمت لوين كام فارس وطلعو
طاهر.. طبيت للبيت كعدت امي" يوم"
" ها يمه شبيك؟"
" رايح للعلوه وراح اخذ فارس ويايا بس من صلين الفجر كعدي حسان الولد بقى وحده"
" اي يوم روح الله وياكم"
مريم ام سارين/ كعدت داتوضى انتبهت سارين نايمه مكعوره بنص الجربايه وبدون غطه تنهدت اوف يايمه الله يساعد كلبج تقربت عليها داعدلها وأغطيها الغرفه تكيف وبارده دنكت شفت علبة الدوه مشموره كلبي لسبني شلتها فارغه تخبلت
كمت اهز بيها اريدها تصحى ماكو عطت بصوت عالي"ولج يمة سارين اكعدي"
زهراء ...كعدت على عيطت امي كمزت امي تهز بسارين تقربت وياهه تهسترنه علعياطنه اجتي هناء نزل حسان من فوك يركض
ضياء ..ستوني داغفه صارت عيطه وراها صار عياط كمزت من الفراش عثرت بالغطه ماادري ليش حسيت سارين بيها شي طلعت اركض بره بس صوت العياط شفت حسان طلع شايل وحده واني صرت بداخلي احجي ياربي موهيه ماكو بس هو والنسوان مخبوصين
ركضت جنت متمني موهيه صحت عليه كال ضياء الحكلي سياره
ركضت جبت السويج صعدت السياره صعدو وره من انتبهت هاي سارين ماادري شصار بيه سقت بسرعه امها تبجي حسان مخليها بحضنه يكلها عايشه بس نبضها ضعيف
خابر حسان على عمه دكتور حجاله اسمع امها تبجي وتلوم بيها ليش يمه سويتي هيج مافكرتي بينه
خانتني دموعي خفت لاحسان يشوفني بقيت اباوع ليكدام واحجي بداخلي ليش سارين ليش مكتوب عليه كلما ارجعلج الكاج بينج وبين الموت شعره فدوه لتموتين وتخليني تحملي حبيبتي ولله مااتحمل بدونج فدوه
وصلنا المستشفى نزلنا نتراكض لكينه عمها دينتضرنا بالااستعلامات خلوهه بالسديه واخذوها اباوعلها منتهيه عبالك وحده ثانيه ..
طلعت بره مااتحملت بجيت عليها وبقيت ادعي تطلع بسلامه وميصير بيها شي وراها مسحت دموعي وطبيت مشيت لكيتهم بلممر دينتضرون
اباوع امهه مسكينه بس تبجي وتدعي هناك وطلعوهه طلع عمها كال الحمدلله تلاحكنا عليها امها راسآ وكعت ركضو عليها
عمه فحصها كاله الضغط مرتفع شالها حسان واخذوهه بقيت وحدي شفتها فرصه اطمن عليها
ركضت دخلت بعدهي ماواعيه تقربت منها دنكت عليها خليت ايدي على راسها انقهرت واني اشوفها بهلوضع تنهدت شسوت بيج الدنيه وحجيت يألله شكد مشتاقلج سارينتي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
