#حب_سارين. #الكابتة_أميرة_دجلة
#الحلقة59. "الجزء الثاني"
وراها لمينا الغراض ورجعنا للبيت اول مادخلنا سارين احس بتعب دخلت الغرفه اخذت ملابس طلعت تلاكاني ايهم "ها راح تسبحين؟"
" اي"
عفته ودخلت الحمام كملت لبست دشداشه البيضه القصيره وطلعت رحت كبل تمددت حتى بدون مامشط من تعب مادريت ايهم طبيت داخذ منشفه داسبح لكيت سارين مدده علجربايه
نايمه بدون غطه والمصيبه نص رجليهه طالعه تقربت اباوع رجليهه بيضه تخبل
بقيت صافن عليها حسيت بروحي بديت اضعف هزيت راسي وتعوذت ماريد ارجع نفس الغلط وخصوصا هسه احسها متغيره تجاهي مو مثل قبل وماريد اخسر هلشي فتحت الكنتور علكيفي طلعت غطه خفيف وغطيتها وطلعت...
رحت لسوك فتت للمحلات ادور على شي حلو هديه مالكيت شي عجبني طلعت فكرت اخذلها من غير مكان رجعت للبيت شفت المجرى من الشارع واكف بي مي طبيت اخذت الماسحه طلعت سحبته كله بالماسحه كملته وطبيت اباوع ملابسي كلها مي
طبيت للغرفه سارين نايمه كعدت على صوت شفت ايهم فاتح الكنتور رأسا فزيت أذكرت اني لابسه دشداشه قصيره باوعت لرجليه مغطايه هو انتبه عليه
ايهم" صح نوم "
"صح بدنك جنت تعبانه بس خليت راسي نمت"
ايهم "اي شفتج يللا نوم العوافي"
سارين "الله يعافيك "
ايهم " ونايمه بدون غطه"
سارين صخنت من كال هيج واحجي ويه روحي" عزه بعينج يعني شافج وانتي مطلعه نص رجليج"
هو ملتهي ديبدل شفت ملابسه مبلله سارين "شو مبلل
ايهم" اي سحبت المي مال شارع "
نزلت من الجربايه واني اثاوب فتحت البرده دنيه المغرب انداريت شفت ايهم صافن عليه أستغربت هذا شبي نضراته ربكتني معقولة بيه شي اني باوعت واشوف سيقاني طالعه يافشله بس اريد اختفي من كدامه انثولت مشيت ليم الجربايه هو حس عليه طلع وره مطلع كمت اظرب بروحي غبيه مانتبهتي وفوكاهه واكفه كدامه
ايهم/ طلعت لان اذا ابقى يمها شويه مراح اسيطر على روحي وانوب لابسه هيج امشي وابتسم "اوف سورينتي شوكت تر حمين بحالي اوف هم يجي اليوم الخليج بحضني"
دخلت للصاله فتحت التلفزيون وكعدت سارين كمت بدلت لبست تراكسود وكفت اباوع شعري مخربط مامشطته شلت المشط مشطته ورتبته شديته ليوره رجعت شلت المنشفه وطلعت شريتها بالمكشوفه طبيت غسلت داصحصح سمعت صوت التلفزيون اكيد ديتابع اخبار رحت للمطبخ
شفت الجدر والماعين الخذناهم بالكاع شلتهم غسلتهم
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
