#حب_سارين. ج² #الكاتبة_أميرة_دجلة
#الحلقة63
طلعت رحت للمطبخ لكيته كاعد ديشرب جاي صبحت عليه رد بدون ميباوع سئلته "شلون صرت ؟
ردلي "زين مابيه شي "
كام وددخل للغرفه شويه وطلع مبدل فات من يمي وفتح باب الكليدور وطلع كمت غسلت وتريكت وبديت شغلي المعتاد
صار العصر وأيهم ماكو توقعت عنده شغل هوايه بقيت انتضر اذن المغرب هو ماكو بديت اقلق هو حتى لوعده شغل يجي يتغده ويرجع اذا عده شغل
دخلت لبست دشداشه وكلت خلي اسئل مؤمن لان شغله يمه رحت دكيت الباب طلعتلي اسيا وأني شلون روحي طافره منها سئلت على أختها اجتي سئلتها على مؤمن
كالت /ولله مااجه واني ضل بالي مو من عوايده
سارين/ ايهم هم مابين وهم مو من عوايده
راحت مرت مؤمن داروح حجت اسيا" عليش تسالين انتي مو متحبي؟"
انقهرت وانداريت عليها ورفعت اصبعي /هذا شي ميخصج وعوفينه بحالنه تره روحي واصله منج لهنا" واشرتلها على خشمي
عوجت حلكها جن الحجي ماعاجبها اني عفتهل ومشيت وافكر بحجيهها ضجت وغميت روحي لو بس ادري وين جان عقلي من حجيت هل حجايه مشيت ودخلت كعدت بالمطبخ اذن العشاء وهمه ماكو بديت من صدك اقلق كمت ادعي( يارب سترك يارب احفضه)
بهاي الاثناء صار لايت مال سياره علبيت وصوت سياره وكفت فتحت البرده داشوف انفتح الباب واشوف مؤمن ونواف صديق ايهم وهمه ساندي وايهم راسه على جتف ايهم تخبلت رحت اركض حتى نسيت اني شلابسه دخلو لصاله دخلت اركض وأحس كلبي يريد يطلع من الخوفه وصلت يمهم واني ابجي واحجي( مؤمن شبي )
نواف باوعلي ودنك وحجه:- اخيتي لتخافين تعب شويه ونشاءلله مابي شي
ترخص وطلع تقربت عليه وهو مغمض عيونه ولكانوله باايده نزلت دموعي واني اشوفه بهلحال رفعت راسي المؤمن (احجي شبي ؟)
مؤمن/ هو ضال شي مابي حتى معدته ملتهبه من كد ماماخذ ادويه هاي من العصر اجاني الولد اليشتغل عنده كال الحك اخوك تخربط ركضت والكا فد مره اخذته داطلع اجه نوفل شافه خطيه تخبل وهاي من العصر احنه بالمستشفى هسه يلا طلعو "
سارين" شكالو "
مؤمن ح"صوه بس نازله احتمال اليوم باجر تنزل بالعلاج بس دكتور يكول راح يتأذه من تنزل وهذا علاجه بالكانوله لان معدته مدتقبل ادويه واذا ردتي تنطي سويله شوربه اشياء سوائل يللا اني رايح للبيت لان احتمال يبقى نايم بسبب الادويه النطوهيا اذا صار شي اوتعب صيحيلي"
سارين (هزيت راسي)
طلع واني رجعت انتبهت على روحي لابسه بدي وبجامه ضربت على راسي شكد ثوله مشيت عليه تقربت منه نزعته حذائه رحت جبت غطه وغطيته كعدت يمه واني اباوعله وجهه اصفر وذبلان شفايفه صايره على بياض مااتحملت اشوفه هيج واني الي دوم اشوفه قوي كمت مسحت دموعي دخلت للمطبخ سويتله شوربه كلت خاف يكعد انطي منهه رجعت داكعد وشوف ايده البيها كانوله كلها دمايه يابسه عليها رحت جبت وصله خليتها بمي دافي لزمت ايده وبديت امسح بيهه فتح عيونه ورجع غمضهم بقيت كاعده يمه
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
