#حب_سارين. #الكاتبة_نسرين الخطابي
#الحلقة40. #الجزء_الثاني
حســـابـــي عالواتباد. Amera_dejla
ميت عشكَ وشبيج بس بيه حسي
كون بزعل تمشين اكتله نفسياكتله نفسي بليل لو عني رحتي
وكتب وصيه وياي انتي الكتلتي#كلمات الشاعر #ابو_الاكبر_الناصري
#انستا:Ka99w
هجم علينة يريد يضربني ايهم نتر ايدة وكالة"انت منو سمحلك تضربها
ردت علية نعيمة"اي بس غير لو تدري شمسوية الخاتون
ايهم/لو شماتسوي محد الة حق يمد ايدة عليها او يحاسبها غيري
سارين/مجلبة بضهرة فرحت بداخلي وحسيت عندي ضهر قوي استند بية
ثامر صاح بوجه ايهم''اني الك وراح اعلمك شلون تمد ايدك علية
ايهم ردلة"هالمرة بس ضربتك مرة ثانية اكص ايدك
ثامر تخبل شلون ايهم يحجي هالكلام كالة"تكص ايد منوووو لك
ضرب ايهم وايهم ردلة الضربة امي خافت وكامت تعيط عليهم وكفت بنصهم وكالت لاأيهم"يمة اللة يخليك اخذ مرتك وروح
وثامر يصيح من وراها "اني الك ايهم فلا اعديها الك اصبرلي
نعيمة كامت ترعد"ياماتستحين كلة منوراج رجلي ينضرب الا ليش يفازعلها ام الدروب
انقهرت على روحي لوين وصلت اخوية يإذيني والغريب الي اسمة رجلي يدافعلي...اخذني ايهم ومشاني كدامة هنية وثامر يرعدون ورانا شال الجنطة ايهم وخلاها بالسيارة فتح الباب صعدني ورجع صعد هوا شغل السيارة ومشينا
براس الشارع وكف السيارة ونزل فتح الباب اليمي رفع وجهي وحجه"انكسرت ايده هاي شمسوي بيج
اني اشهك وابجي طلع كلينس وكام يمسح بوجهي باوعتلة هوا هم حلكة جان ينطي دم رفعت ايدي ومسحت الدم بااصبعي ..بقى صافن علية
فتح باب الورا جاب بطل مي فتحة وكالي"هاج اتمضمضي بيه
اخذتة منة وكمت اتمضمض واذب الماي من حلكي اباوع الماي كلة دم اخذ البطل مني وخلا مي على ايده ويمسح وجهي
ايهم"سارين خل اخذج للمستشفى
سارين"ميحتاج مابية شي
ايهم"شلون مابيج شي واني شفتة ضربج على بطنج
استحيت منة ودنكت كال"احجي اذا عندج وجع
سارين"لا مااحس بوجع بس اول ماضربني تإذيت
ايهم"واللة هذا اخوج حيوان حتى الحيوان مومثلة
بكلبي"هوا انتو كلكم نفس الشي كلكم تضربون بقت على ثامر
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع