#حب_سارين. (ملاكي) #الكاتبة_نسرين الخطابي
#الحلقة_37. #الجزء_الثاني
هذا منين احجي الي تحبينه
غلط كلش غلط جاي التسوينه
لا رهمت علينا ولاصير بطيف
هذا منين احجي الي تريدينه
مشيتي برايج وضيعتي اهواي
ترى مشيج غلط لازم تعرفينه
#كلمات_الشاعر_ #ابو_الاكبر_الناصري
انتي عندي شي جبير وهذا السويتة ولا شي اذا اقارنة بيج افتهمتي ؟
سكتت شرب جاية وكام كال"تحضري نروح علمود نصل على وكت
طلع سمعت صوت اسيل خفت منها بعد السوتة بية بس هيا بنفس الوقت حنينة
طبن امي وزهراء امي كالت "ولج يمة رجلج يكول انريد انروح
جاوبتها"اي كالي ...بس جيبلي ملابس علمود ابدل
راحت زهراء ورجعت جايبتلي ملابس بدلت ولفيت شعري ليورا اجتي اسيل وكفت بالباب رفعت راسي الها ماسلمت
انقهرت بداخلي وكلت"لهلدرجة حاقدة علية لعد شكد قاسية
خطية لمن غراضي زهراء وهناء صاحت على فارس اجا شالني وخلاني بالسيارة
ايهم جان مبدل واكف ينتضرني فارس باسني وكال "دربالج على نفسج
اجن امي وزهراء هم بوسني وامي كامت توصي ايهم علية
كلتلهم"سلمولي على حسان وطاهر ماشفتهم
ردلي فارس"يمكن تروحين وترجعين وحسان خاتل بغرفتة
ضحكو علية"
صعد ايهم بالسياره ودعناهم طلعنا ... بنص الطريق نزل ايهم جاب بطل مي وانطا الي كالي"اشربي
اخذتة شربت منة شوية وخليتة يمي خليت راسي عالكشن غفيت لهناك حسيت راسي يأذيني فتحت عيوني سألت ايهم "وين صرنا؟
جاوب"بعدنا بسامرة
انتبهت للطريق عبارة عن صحراء ايهم اندارلي و كال"خوش نمتي نومة
اي بس راسي ديأذيني..
تحملي هسة نوصل لااقرب مطعم انزلج ترتاحين شوية ..هم تغسلين وتاخذين دواج
هزيت راسي مشى شوية بالسيارة حسيت وجع راسي بدا يزيد وصار عندي لعبان نفس يمكن صار عندي هبوط هاي مو اول مرة دائمآ من اصعد بالسيارة والطريق طويل يصير بية هيج ..
حسيت بعد مااكدر اتحمل اكثر واريد استفرغ بسرعة انداريت لاايهم كتلة"ايهم وكف السيارة
هوا شكلة مثل الخاف بسرعة وكف السيارة على صفحة والتاف من جهتي فتح الباب اني رأسآ دنكت راسي استفرغت
هوا تخبل جاب المي وغسل وجهي سند جسمي علية سألني"شدتحسن ؟
جاوبتة"وجع راسي موتني نفسي لعبانة وأحس روحي دايخة
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
