#حب_سارين. #الكاتبة_أميرة_دجلة
#الحلقة58. #الجزء_الثاني
سارين/ رتبت البيت وكملت كلشي طبيت بدلت رحت البيت غسان دكيت الباب طلعتلي بيداء من شافتني فرحت اني هم فرحت هاي الأ نسانه ماجازيها علي سوته ويايا بمرضي
دخلنا المطبخ لكيت غسان كاعد دينضف الخضره سلمت وردلي ببتسامته المعهوده ضحكت هو انتبه
غسان "ها سارين تباعيلي وتضحكين شنو ايهم ميساعدج"
كعدت اساعده" اي عمو ولله هم يساعدني من جنت مريضه جان هو كلشي يرتب"
ضحك "عمو ومن صاحيه "
ضحكت غسان انسان بسيط واريحي هوايه كعدت شويه ونزلت داسوي غده قبل ليجي طبيت للبيت رحت للمطبخ طبخت التمن وسويت تبسي على دجاجه بالفرن كملتهم طبيت للغرفه اخذت ملابس وطبيت للحمام اباوع على جسمي الطكع الزركه والحبوب مختفيه ارتاحيت واني اشوف جسمي رجع مثل قبل
كملت وطلعت لبست فستان المشجر لفيت شعري بالمنشفه وطلعت وكفت كدام المرايه اباوع الفستان كلش حلو على جسمي ونوب ضعفانه جاي عدل مشطت شعري وشلته من الجوانب ليفوك وخليت الوره مفتوح
رجعت خليت مكياج شويه تغير كملت كعدت علجربايه اباوع من ركبي وجوه طالع صفنت على روحي اني شكاعده اسوي مافكرت اذا اجا ايهم وشافني كمت راسا ذبيته طلعت دشداشه طويله موجه وردي باابيض تصير ربع ردن من فوك يصير الصدر والأردان تول
لبستهه وطلعت شفت الفرن بعده بقيت كاعده بالمطبخ كمت شفت الفرن مرة الخ الاكل مستوي طفيت الفرن ودخلت ذكرت الزرع البلمكشوفه دخلت للمكشوفه فتحت المي وسحبت الصونده خليتها علزرع سمعت صوت باب الكراج دينفتح
عفت المي مفتوح وطلعت اجيت للمطبخ وكفت يم الشباك شفته نزل صعد الدرجات وصل للباب ديفتحه ستوني داوخر من يم الشباك لمحت اسيا ورى رجعت اباوع دتحجي ويا وهو هم ديحجي وياها مافتهمت شديحجون نزل من الدرجات فتحت الباب الخلفي
نزل علاكه جبيره ونطاهياها بقيت اباوع اريد اعرف شنو البيها بس مامبين تضحك وتباوع عليه صدك ضجت ياربي هاي شكاعد يصير وشنهاي العلاكه النطاهياها معقوله هيه هاي الشغله الجتي عليها الصبح
شفته صعد وخرت رحت كعدت علكرسي فات شافني وسلم رديتله بدون مباوع عليه سألني" الغده
كتله "حااضر اصبلك؟
" لاء بس اغسل وابدل واجي اتغده على راحتي"
طب اني كمت
طلعت صينية الفرن وصبيت الاكل الباقي خليت الطرشي ولزالاطه خليتهم علميز جبت الخبز خليت الخواشيك وكعدت انتضره شويه واجه ينشف بشعره كعد شفته يباوع عليه بتركيز خجلت
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
