""""""""""""""""""""""
#حــــب_ســــارين
الحلقة التاسعة عشر
بقلمي أميرة دجلة((نسرين محمود)
"""""""""""""""""""""""
گلي:-ترا مناكل أوادام احنة
"أني بهيحي مواقف ابقى ساكتة رحت للخانة مالتي ادورلي على تراكسود ماكو فتحت خانة زهراء لكيت تراكسود لونة وردي لبستة زهراء أسمن مني وأقصر مني باللبس جان راهي بس الطول شوية يعوزة رحت دخلت للصالة ملكيتة موجود فرحت بسرعة سحبت فراشي على جهه وفراشة بجهه ورحت للبطانيات لكيت بطانيتين أخذت وحدة وخليت راسي عالمخدة حاولت أنام ومافكر بشي وفعلا ماأدري بروحي الا واني نايمة
أيهم"حسيت بيها محرجة مني گلت خلي اروح أكعد بالحديقة شوية طلعت گعدت على حافة الطرمة الجو جان بارد بس يمنا بالموصل أبرد وأني متعود على هيجي جو
الشتا حلو هنا والمنطقة هم حلوة اول مرة أعيش هيجي أجواء أبغداد بالرغم عندي عمام وخوال بس معشت مثل هيج اجواء من تركنا بغداد ورحنا للموصل جنت صغير عشت بين أخوتي أشتغل..شغلي وأغلب حياتي عشتها وحدي الحياة حلوة هنا...گمت دخلت للغرفة الضوة جان مطفي وهيا نايمة ومتلفلفة بالبطانية رحت لفراشي محسيت على روحي الا نايم الصبح كعدت من فتحت عيوني شفتها گدامي أبتسمت لاأراديآ سارين نايمة وشامرة الغطة وشعرها نازل على وجهه المصيبة موهنا المصيبة رجليها جانن مكشوفات جمالهن بياضهن مينوصف خصرها رشيق أجذب أذا أكول مالية رغبة بيها هالاأنسانة موگادر أعرفها هية غامضة ماأعرفها زينة أو مو زينة كمت من فراشي گلت أذا ابقى راح ارتكب مصيبة وياها گعدت باوعت الها جانت مثل الملاك تنهدت ؤگلت بكلبي أخ ياسارين شكثر خلگي طويل وياج وراح أعرف كلشي عنج مديت أيدي عليها وصحت :-سارين
گعدت وگلتلي"ها تريد شي"
"اي أكعدي دنيا صبح"
"ليش بيش الساعة"
"بالسبعة"
"بعد وكت شعندك كاعد من الصبح"
"اريد اروح لبيت اختي فرح'"
كامت شفتها طلعت برا ورا شوية ردت اجت شالت الفراش وخلتة على صفحة
سارين...من اجيت لبيت أهلي لاحضت أيهم شوية تغير وشفتة بدا يغار
فارس من نوع الي يشاقة وياي دائمآ يعني يلزمني من شعري او يحضني مرات وحسان كذالك شفتة هوا مبين علية ضاج اجا أبن أختي الي من أبوي مهند سلم علية هوا أكبر مني وراد يبوسني بس بسرعة أيهم سحبني ورا وكام يخزر بية أخواني تفاجئو بتصرفة وأبن أختي مثل الي تفشل حتى أمي أنتبهت على تصرفة فارس أخوية ضاج وگال:-شدعوة هالكد أحنة أخوانها ومهند أبن أختها
مريم:-ميخالف أبني ترا هم حقة مريتة يحبها ويغار عليها
فارس:-بس يمة أحنة أخوانها
مريم:-ميخالف أبني لان هستوة زوج أي واحد بداية زواجة هيج يسوي بعدين لحالة يثق بمرتة
سارين...أيهم سحبني ورزلني بس جانت رزالتة باأدب أبن أختي ضاج واعتبرها وقاحة وصلافة من عندا طلع وعافنا أخوية فارس گال :-أني عندي شغل أبغداد راح اروح أيهم گلة لعد أني أجي وياك أمر لبيت أختي راحو هوا وفارس أني رحت گعدت يم المطبح جان أكو سعفة كعدت فوگاها هناء مرت أخوية عاطت بصوت عالي: -لا لا لتكعدين فوكاها ولج فال موزين
هدت نص حيلي من الهبطة عبالي شوف شاكو هناء بيها شوية فطارة صح زين بس ضل دقق وتسأل فبدت تسألني على أيهم وتريد مني تفاصيل زواجي أني حجيت بگلبي أذا أبقى يم هناء راح أنكشف وراح تسحب مني كلام فكتفيت بجواب واحد وكتلها: -كلشي تم على خير والحمدللة تركتها ورحت للضهر واجوي فارس وأيهم تغدينا وكملنا أيهم گلي:-تحضري نروح لاأخواتي أنسلم عليهن ...عندا ثنين خوات متزوجات عد عمامة وفرح الوحيدة مزوجة غريب جان تركماني تحضرت وطلعنا أني ويا وصلنا بيت فرح تلكانة حيدر...أني هواي أحبة بس بنفس الوقت أخاف من أيهم لايسوي بية مثل ماسوا ب مهند أبن أختي أختة فرح هواي تحبة حضنتة وفرحت بجيتنا احس فرح تعاملة شلون أمة زوجها مدرس كلش حباب مرات يحجي تركماني مرات يحجي عربي عكس فرح وحيدر حيدر جان يكلي صح أني تركماني بس ماأحجي تركماني ماأعرف بلغة التركمانية ولاطكة
أبو أيهم وعمة ماخذين الخوات فرح كلتلة :-خالتي مرت عمي مريضة تريد تشوفك
باوعت علية جان يخزر بيها ميريدها تحجي گدامي بس هية أستمرت تحجي حيدر كللها: -ماما عوفي هذا الموضوع
ردت علية وكالت:-لا ماعوفة وتركتهم وراحت زعلت أيهم لحكها للغرفة واسمعهم يتناقشون بيناتهم أصواتهم تنسمع بس الكلام ممفهوم طلعت هيا وهوا طلع وراها جان ضايج راح مااعرف وين فرح جتي كامت تحجي وياي هية حيل تحبني حيدر هم كل شوية يذبلة كلمة ويشاقة فرح كلتلي:-عاد شيخلصج منة مصدك يلكيلة واحد يحجي ويا
جان عدهم مرجوحة مال حدايق بوقتها جانت دنيا عصر فرح طببتني جوا أنطتني ملابس كلتلي بدلي حتى تاخذين راحتج رحت بدلت وطلعت اجاأخذني حيدر للمرجوحة مرة هوا يهزني ومرات أني هوا جان فرحان من كل گلبة وگلي:-وأخيرآ لكيتلي وحدة مثلي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
