#حب_سارين. #الكاتبة_اميرة_دجلة
#الحلقة43. #الجزء_الثاني
سارين"اني من خوفي علية فكرت اسحب السلاح بحركة سريعة مني صرت فوكا والسلاح بدية وبدينة صحت: ايهم
طلعت طلقة وراها مادريت شصار
ايهم:جنت بس ناوي اخوفها كلت بلكي تعدل عن قرارها لان صدك مااكدر بلياها هية كل حياتي صح جنت خايف عليها
كلت خلي امشي وياها واحاول اسايسها بكل هدوء وفكره تإذي روحها تشيلها من بالها وماانطيها مجال
بس من صارت فوكايه وحاولت تسحب السلاح ماادري شلون طلعت الطلقة وراها وكعت سارين بحضني اني انتهيت اريد اعرف الطلقة وين وكعت
اصيح بسمها ماكو:ولج حبيبتي سويت اني
رفعتها حاولت اتأكد الطلقة صابتها ماشفت اثر طلقة ولا دم باوعت لجسمي هم ماكو
كمت نزلت من السيارة فتحت الباب الورا سحبت بطل مي وغسلت وجهه اريدها بس تصحى فتحت عيونها رأسآ كامت تبجي
ايهم"لتخافين ماكو شي هاي يمكن من الخوفة فقدتي وعيج
رجعت تبجي وكامت تضرب بية وتصيح:والله هالسلاح زين مكتل واحد بينة كمت اكرهه انت شلون تسوي بروحك هيج
ايهم"وانتي شلون سويتي بروحج هيج
سارين:اني كلشي اسوي واني المخبلة بس انت العاقل
ايهم"من يوم الشفتج ماضل عقل براسي
باوعت للطلقة جاية بالباب حمدت اللة وشكرتة مااجت بواحد بينا كومتها رجعنا صعدنا بالسيارة
اندريت الها ونضرتلها نضرة اسف:مابيها مجال تعدلين عن قرارج
سارين:لا ايهم وجودي وياك اكبر غلط اخاف يجي يوم واأذيك متريد اصل لهل مرحلة وانت متستاهل الا الخير ومراح انسى الي سويتة وياي،وراح ابقي مديونة الك طول عمري
ايهم"شراح دكلين لهلج من تصلين؟
سارين"راح اكللهم اني ردت الطلاك
ايهم"راح يسإلوج عن السبب
سارين"اكللهم مااكدرت اعيش هناك
ايهم"زين محضرا كلشي هالكد كارهه عيشتج هناك مع انو الكل زينين وياج
سارين"لتفهمني غلط اني احب الكل بس اكرهت المكان حسيت روحي وحيدة وغريبة
ايهم"اني هم مراح الح عليج دام راحتج هناك
سارين"ايهم ممكن سؤال
ايهم"جواب
سارين"انت فعلا جنت ناوي تقتل روحك؟
ايهم'"لا بس ردت اخوفج
باوعتلة بغضب عالخوفة الي اكلتها وطلع يضحك علية كملنا طريقنا وصلنا بغداد مااعرف ليش حبيت احجيله عن شعوري تجاهه هوا ساكت وشارد
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
