حب سارين

24

#حب_سارين. (ملاكي) آلُڪاتبة/نسرين الخطابي

#آلُحلقة24. آلُجزء_آلُٽآنْيَ حدثت عام1999

البارت الرابع
احاول بجذب ارجع وراضيك
وحس اروح تطلع من الاكِيك
حرت مابين اعوفك مابين اهواك
وحرت انه بزماني ومااحاجيك
ادز روحي بضرف ماترضه وياي
تعمه وتمشي وحدك وانه الأدليك

#الشاعرابوالاكبرالناصر inst:Ka99w

دخلت للبيت اول مافتحت الباب شفت البيت صاير كلة تربان رحت للغرفة طبيت ..

دخل هوا بعدين أخذ تراكسودة وقبل ليطلع وكف گالي"تحضري حسابي بعد ماصفيتة وياج...

أستغربت تصرفة رجع يحجي وياي بغضب باوعت الة

رد حجه"لتباوعين هيج انتضرج تشيلين الخيط ويصير خير ..

طلع وعافني خفت من كلامة وسألت روحي ياترى شنو راح يسوي معقولة يأذيني ...

طلعتلي ملابس مشيت رحت للحمام دخلت غسلت وبدلت طلعت دخلت للغرفة غيرت الفراش ورجعت جبت ماسحة

خليت بيها خاولي وگمت امسح رحت دجيب السطلة "عوفي "

اخذ مني الماسحة "روحي اني أكملة

أستغربت تصرفاتة الغير مستقرة مرة يتحلف بية ومرة يساعدني ...

ولوبس اعرف شنو طبيعتة.. تركتة ودخلت للغرفة شوية وندكت الباب فتحتة جان هوا

گلي"تحضري نروح لبيت مؤمن

رغم ماأحب اروح الهم بس ماأعترضت رحت طلعتلي دشداشة ولبستها رتبت شعري

لكيتة ينتضرني يم باب الخشب طلعنا اني وهوا مشى عبر الحاجز البينة وبينهم عبرتة اني هم ولحكتة...

دگ الباب على بيت مؤمن طلعلة اخوة من شافة تغيرت ملامح وجهه مثل الي أنصدم.

سأله بتعجب"هاي شنو شبي وجهك! !!؟

رد علية"تعاركت ويا جماعة بالشارع نزلو علية بسيارتهم "

جر نفس "لاحول اللة

"هسة شلون راح نبقى واكفين بالشارع

"لا يابا تفضلو تفضلو

سلمت على مؤمن ردلي السلام وكال"تعذريني أنخبصت باأيهم وماسلمت عليج

"لا عادي

دخلنا جوا شفت عهد مرت مؤمن وأختها أسيا يمها من شافت أيهم شهكت "هاي شصايرلك!!!؟

ايهم"مكو شي تعاركت مع جماعة

عهد گالتلة"الحمدللة عالسلامة

"اللة يسلمج اشكرج أم أوس

تقربن سلمن علية بس سلاماتهن من ورا خشمهن ..

أسيا سألتة عن بغدا گالتلة"شلونها

جاوبها"زينة تسأل عليج