#حــــب_ساريــــن
#الحلقة_الخامسة
#الكاتبة_اميرة_دجلة(نسرين محمود)
''''''''''''''''''''''''''
ست ومكيجه وضحكه شالته
وناس من العرس فرحانه شافته
ترس عينج فرح والكحله والمكياج
احس الغيره صعدت وي ضحكته
لابيه اسكت ولا بيه ارد للبيت
من اسمع بذاني قوت صفكَته
كلمات الشاعر أبو الأكبر الناصري
أنستا Ka99w
ساعيش كل لحضات الحب سأأتمرد وأخرج عن كل قيد سوف أخلق حبآ يتذكرنا بة الناس فأنا من سيختار حياتي ولاأسمح لأحد يرسم لي طريق غير الذي اريده الذي سأأخطي فية كل خطوة بهدوء لكي أصل الى نهايتة أما أن تكون نهاية سعيدة او نهاية حزينة وأن كان ذالك سيكلفني ثمن ....أميرة دجلة 🌸
سارين ..كمال ابن عمي جان يدرسني حسيت بنضرات كمال جانت غريبة كل يوم يدرسني نفس نضراتة بدا يتجرأ اكثر عفتة كلت اشوف شنو تاليتة كل يوم ينطيني واجب يكلي ادرسة واني اروح ادرس خليت كل حيلي بالدراسة علمود انجح
اخواني اغلب فراغاتهم من يكون ماعدهم شغل يروحون يلعبون طوبة يسون مجاميع من جميع اطراف بغداد ديلا و-ابو غريب_الزعفرانية_الحسينية ..شباب الريف معروف عنهم بنيتهم قوية وضخمين يسون دورات مال فرق.. ضياء هم رياضي جسمة حلو وطولة رياضي بس ضعيف أخواني أخذوا ضياء وأولاد عمي وشباب من منطقتنة وراحو قبلها بيوم شفتة لضياء
ضياء"شلونج حبيبتي"
سارين"بخير الحمدللة. انت شلونك؟
ضياء"صرت زين بشوفتج"
سارين:-"صح باجر تروح تلعب طوبة ويا الولد"
ضياء"اي حبيبتي وأنشاللة أجيب الكاس وأهدية الج"
سارين"أني هم أحب الطوبة جنت ألعب مع أخواني ومستواية زين"
فرح وگال"احسن شغلة حبيبتي حتى باجر أني وأنتي نلعب سوا وتدرين شنو"
كتلة "شنو"
"أخليج دگولّين كومة گوالة علية "
"يعني تخليني أني أفوز حبيبي"
"اي حياتي بس تدرين هاي عيب علية اخليج تفوزين علية"
"ليش حبيبي"
"عيب بين العرب ياخذون عليها فصل"
كتلة"هااااا"
گال"أني يومية أفصلج شكل"
"يعني شلون!؟"
"مافهمتيها شگد فطيرة"
"يعني يوميا مرة بوسة مرة حضنة ..اول شي يجي النادل ويجيب الاكل وبعدين نبلش بالأكلة الرئيسية"
ولأن ضياء دائما كل ما يشوفني يغنيلي باوع علية وگام يغني اغنية لكاضم الساهر :-
يالليل لاتنتهي توني أبتديت الغزل..
لرگص وأغني ودگ واللة لوما الخجل..
الجوجميل وشاعري خليني أمتع ناضري..
صوتة محلو بس أفرح من أشوفة يغنيلي ضياء من نوع الرمانسي بشكل وشكلة مرح وبشوش دائمآ الضحكة مرسومة على وجهه
ثاني يوم الصبح راحو اخواني وضياء ووشبباب المنطقة للطوبة للمغرب هما ماكو ضل بالنا عليهم وراها اجا فارس امي كلتلة:-ابني وينكم ضل بالي يمكم لادكولون احد يسأل علينا لاتفكرون باأحد گال:-يايمة بس غير لوتدرين شصار بينا
امي خافت كلتلة"شكو يمة شصاير"واخوتك وين خما صار عليهم شي!؟
"لايمة بس ضياء خطية صعدو عالطوبة هوا وواحد ضرب ضياء كلة على راسة كومة بمكانة بالكاع كلنا ركضنا علية جان راسة مشگوگ وينزف دم بعدها تخربط ضياء واخذنا عالمستشفى شكلولة مغذي خيطو راسة وهسة الولد يمة لأن خطية تعبان نزف هواية
"خطبة يايمة هالوليد المسكين اللة يحرسة"
"امين يمة"حضرولنا عشة هاي من رحنا ماخلينا لگمة بحلگنا خفنا عالولد
"الحمدللة طلع سالم يمة"
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
