#حب_سارين. #الكاتبة_أميرة_دجلة
#الحلقة46. #الجزءالثاني
ضياء"اوف صفوان كل ماكول هانت تطلعلي مصيبه تخرب الأول وتالي
صفوان/الله كريم ياصاحبي تهون
ضياء/شوكت مو مليت
----------
سارين/ كاعده بالغرفه والحيره كتلتني مااعرف فكرت شسوي احسن شي خلي اصعد بغرفة فارس علمود لاأسمع شي ولاأشوف مدام فارس هسه ملتهي ويه الخطار صعدت مددت بفراش فارس بقيت اتكلب ماريد اذكر الصار احس كلشي بيه يوجعني غمضت عيوني واني احاول اشتت انتباهي واقرا ايات وراها غفيت...
فتحت عيوني الساعه صارت مقابيلي الساعه ١٢ معقوله كلهاي نايمه وماحسيت كمت طلعت غسلت ونزلت البيت هدوء الضاهر كلها نايمه دخلت الغرفه امي نايمه اجيت كعدت علجربايه خليت ايدي وفتحت البرده شفت ضياء عينه علشباك راسآ سديتهه تحركت صرت علطارف البرده من يم الحايط باوعت واشوفه يروح ويرجع وعينه علشباك.
بقيت حايره بين الااشوفه وماشوفه وراهه كمت اروح وارجع بالغرفه حتى اضافيري اكلتهم بسنوني من القلق راسي كمت احسه يريد ينفجر "اردد يارب ساعدني شسوي"
بلحضتهه دعيت على شيماء" الله يلوع كلبج مثل مالوعتيني وخليتيني بنارين"
رجعت كعدت علجربايتي ذكرت لحضاتنه سوه احس كلبي اعتصر ومثل كل مره ماعدي غير دموعي تحجي وجعي كمت قربت فتحت البرده شفته بعده وعينه علشباك...
كلبي وجعني عليه" اخ لوتدري شكد جنت مشتاقتلك ليش سويت هيج ضياء ليش دمرتني ودمرت روحك"
كمت بعد مااكدر اتحمل لازم اشوفك مسحت دموعي ومشيت طلعت وصلت الباب الخلفي مال بيت ليروح علحديقه الورى فتحته علكيفي وطلعت رجعت رديته بهدووء مشيت من الحديقه الورى جنت خايفه من شوفته ومااعرف شسوي وصلت الحديقه البين البيت والمضيف
شفته واكف التاف شافني اجه بتجاهي هنا احس كلبي يريد يوكف وصل يمي" شلونج سارين
رديتلة بحزن" انته ششوف
"ماشوف شي غيرج خفت لا ماتجين
" اني هم جنت ناويه ماأجي
" لعد ليش اجيتي؟
" مااكدرت هذا خاني بأخر لحضه واشرت على كلبي
" لهلدرجه شايله مني.. سارين مراح ابرر ادري غلطت وغلطي جبير بس وغلاتج عندي ماجنت بواعيتي
" لتحلف بغلاتي لوجنت غاليه عندك ماسويت بيه هيج
"ماعندي شي اغلى منج احلف بي
مشيت مسافه رحت كعدت علحافه مال مضيف ورجيت ضهري للحايط لحكني واجه بتجاهي كعد على ركبته مقابيلي شاف اصبعي كال"هاي. شبي اصبعج؟
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
