#حــــب_ساريـــن
الحلقة الحادية عشر
الكاتبة أميرة دجلة (نسرين محمود)
''''''''''''''''''''''
كانو سبب لدماري وتحطيمي بسبب الاحتفاظ بعادات وتقاليد كانت دمار للكثير وتحطيم الكثير اخترت ذالك المكان المضلم والجلوس فية شعرت انها تأخذني الى عالم الذي اردتة والذي ودعت ذكرياتي فية والجلوس لوحدي لكي اراجع تلك الذكريات نعم تلك الذكريات التي كنت بها من الناصفين ولم اكن من المنصوفين التي قسمت قلبي الى نصفين التي أخذت مني اغلى ماأملك أخذت مني الكثير. والكثير فماذا بعد...الكاتبة اميرة دجلة 🌹
وصلت بيتهم سمعت صوت الهوسة والحفلة عدهم اريد اگف لحيلي ماأكدر جسمي كلة يرجف صفوان حس علية گلي "يلة ضياء خلي انطب طبيت جوا سلمو علية الولد حسان شبكني وكال"لك واللة مشتاكلك يانذل "
"اني هم واللة بس تدري بية مشغول ومجان بيدي يوم واحد ارتاح "
"حقك واللة شسوي هم اللة يقويك"
"تسلم"
طول مااني كاعد احس روحي تريد تطلع صفوان كل شوية يضربني على رجلي بخفة علمود يقويني اسمع الصوات مدي اطلع واصرخ بيهم ولكم هاي حبيبتي عوفوها جابو الاكل طلبو منة ناكل اني مااكلت تعذرت منهم كتلهم مالي نفس كاعد على نار اريد بس الوقت يمر صفوان كلي"ولك شبيك راح تخليهم يحسون بيك"
"موبيدي صفوان واللة موبيدي دااحترك راح اموت متدري بالنار الجواي "
"واللة مااعرف شگلك بس اللة يعينك "
حسان واخوانة يحجون ويشاقون ويضحكون واني طالعة الدنيا من عيني كرهتهم وكرهت حتى حسان حسيتهم كلهم شاركو بدمارنا بسببهم حبيبتي راحت مني.حسان كل شوية يحجي ويكلي مو صح ضياء واني بس اكلة "اي صح واسكت بس مبين علية شكد حاولت اخفي حزني بس ماكدرت موبيدي رايح بغير عالم الي يحجي وياي ماانتبهلة
اخر شي حسان حجى"لك ضياء شبيك شو متغير "
جاوبتة وكتلة"لا مابية شي متوهم
"واللة ياصاحبي اربيل غيرتك علينا رحت ضياء الي دومة يضحك ويشاقة ورجعت شخص ثاني"
ضياء"بلحضتة طگيت شوية واحجي الي بگلبي واكول لحسان اريد اختك لان الي ديصير بية بسببكم وجهي صار مايتفسر ماليا واهس حتى احجي مع احد ضعت اريد الكي روحي مدا الكيها تلاحك علية صفوان وگال اعذروة شوية مريض "
حسان"عندك العافية خوية ماتشوف شر"
مارديت علية لان احس اكو غصة بحلكي العبرة خانكتني شوية ودمعتي تنزل وافضح روحي كدامهم
التفتلي مهند ابن اختهم وكال"بس لاوگع بحب حمدية ام الروب"
الكل ضحكو واني بقيت ساكت باوعلي حسان "لك ضياء من صدك احجي شبيك شصايرلك ترا وضعك مايطمن ؟ "
ضياء"حجيت غصب عني حاولت ابين الوضع طبيعي كتلة"ماكو شي خوية بس،شوية مريض "
حسان"واللة ممرتاح لوضعك خاف صاير وياك مشكلة شي احجيلنا بلجي نساعدك
ضياء"لا"
اجا كعد يمي خلا ايدة على جتفي كلي"متأكد! ؟"
ابتسمت ابتسامة خفيفة وكتلة"اي"
حسان"براحتك "
صفوان حب يغير الموضوع علمود يبعد نضر عني كللهم "لعد طاهر شلونة مدا يبين هالايام؟ "
رد علي حسان وگلة"واللة يخوي طاهر شوية مريض مدايكدر يطلع لاي مكان اغلب المرات من يرد من الشغل ينام بغرفتة حتى احنة اخوتة مانشوفة بس بالشغل مكضيها نوم هم دايشكي من بطنة دوم توجعة
صفوان"عندا العافية هم اللة يساعدكم شغلكم يتعب وهم صار عندا عائلة ومسؤلية"
حسان"تسلم خوية وانت يابا شوكت تزوج!؟ "
صفوان"اسكت وخليها على اللة"
حسان"شنو تبقى هيج ترا البنت راحت زوجت وصار عدها جهال وانت بعدك"
صفوان"ههههه شوف منو داينصحني نسيت انت هم مثلي"
حسان"اي واللة يخوي صدك حجيك الحب دمار"
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
