حب سارين

21ج2

#حب_سارين (ملاكي) #الكاتبة_نسرين محمود

.#الحلقة_21. الجزء الثاني. #حدثت عام. 1999

#قصة_حقيقية
.............

شفتها امدده ورافع عليها اسلاح
مثل مد السفينه بلايه ملاح
دمر كل زرعها وعايش بلا خير
من يبس خضار اصوج بالفلاح
لا ترفع ايدك حشمت النسوان
عركه بلايه طايح ماتريد اصياح

كلمات الشاعر #ابوالأكبرالناصري

Ka99w
مواعيد النشر كل الايام ماعد الجمعة وثلاثاء

عفاف سمعت صوت التلفون ديرن رحت رفعت السماعة وكلت"الو منو وياي؟ "

اسمع صوت نفس مثل واحد خايف وشكلة متردد يحجي عدت علية السؤال مرة ثانية علمود اعرف منو

" ليش مترد منو حضرتك؟؟ ردت علية وحدة سالتها منو انتي؟..

جاوبت "سارين"

بلحضته ضجت حيل تذكرت حال ضياء رزلتها وسديت التلفون بوجهه ورا شوية هم دك التلفون فتحتة ....

جانت نفسها بس جانت تشهك و تبجي "اترجاج لتسدي محتاجة احجي ويا ضياء ضروري "

"شبيج حبيبتي ليش دتبجين"
حجت بس جان صوتها مخنوگ من البجي كالت"ماكو شي اذا تحبين تساعديني كلي لضياء خل يجي احجي ويا "

"تمام حبيبتي انتضريني شكم دقيقة واردلج"

بعد ماترجتني ماسدة وكالت "محتاجة احجي ويا ضياء ضروري كسرت بكلبي تعاطفت وياها رحت لغرفة ضياء لكيتة نايم

ضياء" ممصدگ بيها صارت مرتي جانت واكفة بصفي ومخلية ايدها على جتافي وتبتسملي واني فرحان (سارين حبيبتي واخيرآ صرتي الي ممصدگ معقولة داأحلم)

سارين"لاحبيبي هاي حقيقة "

ضياء"بس حبيبتي ليش هيج فستانج صار كلة دم"

سارين"ضياء أني بخطرخلصني منة حبيبي لتتركني"

ضياء"حبيبتي شدتحجين ؟! انتي،هسة يمي وماخلي احد يوصلج"
"بس،حبيبي مراح يتركني "

خلت ايدها على راسها وغمضت عيونها جسمها گام يميل لكل اتجاة كتلها"حبيبتي شبيج يعمري"

"ضياء خلصني راح اتعذب هواي "

وكعت بالارض صحت عليها سارييييييين سارييييين حبيبتي لتتركيني

حسيت واحد يضربني على جتافي ويصيح ضيااء لك ضيااء اصحى شبيك.....

فزيت من الصوت فتحت عيوني عفاف واكفة يمي "ضياء شبيك تحجي ويا روحك وانت ونايم "

جنت مستغرب كل الي صار عبارة عن حلم واني جنت عايشة عبالك حقيقة شلون جانت واكفة ولابسة فستانها الابيض وعيونها تنطي لمعة بس فجأة فستانها صار لونة احمر دگلي كلامات ممفهمومة كل هذا جان حلم ...