•••••••••••••••••••••
#حـــب_ساريـــن
#الكاتبة_اميرة_دجلة (نسرين محمود)
#الحلقة_الثامنة
•••••••••••••••••••••
صدكَت الحجي لمن حجيته وياك
من كَتلك عليه وما تساعدني
اضم روحي بستر مالبسته حديثات
ونت ولايهمك لا ساندني
خلص وكت العتب وتعاتبت وياك
وظل انت مجانك لا تعاتبني
ونخيت من الكَرابه اليفزع وياي
لان ردتك اليه وانت تاخذني
كلمات الشاعر أبو الأكبر الناصري
كانو طائرين قررو التحليق لسماء عالية جدآ لكن قد نسو أن هناك مطبات هوائية تقف عثرة في طرقاتهم وتمنعهم في التحليق والوصول لتلك الطبقة من السماء الطبقة التي بنو فيها أحلامهم التي وضعو فيها أمالهم التي ستحطم قلوبهم بسبب التأمل فيها فهم لم يختارو ألا دمار أنفسهم فها قد بدأ الاحباط يستوطن داخلهم ويسرق منهم فرحتهم كمرض خبيث يسري داخلهم فهل سيعتبرون أم سيبقون يبنون تلك الاحلام والأمال المجردة من التحقيق ......ألكاتبة أميرة دجلة 🌹
مرت يومين الجنت خايفة منة صار عرفت ابن عمي كمال يريد يجي يتقدملي حاجي لاأهلة وكايللهم يريدني اني تخبلت حسيت الي صار بأخواتي راح يجرى علية بنفس الفلم اعرف اذا أجى يخطبني اهلي يوافقون بية حرت شنو اسوي اروح واجي وافكر الكيلي حل ضياء مموجود حتى أكلة يساعدني مستحيل أسمحلهم يتحكمون بحياتي ماخلي احد يقرر مصيري أني أختلف عن خواتي الي سلمن أمرهن الهم ..لازم أسوي تغير بعاداتهم يجوز راح أنقذ هواي بنات لو مستعدة اشرد وأواجه المخاطر لو أعرف على موتي المهم مأأسمح لواحد منهم يجبرني ويدمر هذا الحب لازم حبنا يستمر أريد الكل.يگولون ماكو أحد حب بگد ضياء وسارين اريد حبنا يصير أسطوره الكل يتذكرنا بية ويعرف شنو معنة الحب ...بقيت واكفة وافكر ويا روحي من جهه اشجع روحي وأكول لا لا سارين لتخافين وصيري قوية لتخضعين لحكمهم المستبد ومن جهه أگول أرضي بواقعج الي عايشتية احسن مايروح بيها ضياء وشنو تستفادين اذا خسرتي حبيبج اروح واجي افكر بداخلي شخصين يحجون ومااعرف شنو أختار اخر شي تذكرت ابن عمتي بكر هوا صديقة يدرسون سوه واحد يحب الثاني جنت مترددة اروح اكلة خفت يرفض ويكل لهلي بعدين قررت اروحلة رحت لبيتهم طلعتلي اختة سعاد
سارين...شلونج سعاد..؟
سعاد...هلا سارين بخير الحمدللة تفضلي جوا
سارين...تعيشين واللة مستعجلة .. بكر موجود ؟
سعاد..اي جوا بالصالة
سارين...ممكن تصيحي
سعاد..طبي جوا ميصير تبقين برا
سارين...لا لا مااكدر اطب عفية صيحي كليلة سارين تريد تحجي وياك ضروري
سعاد..تمام عيوني هسة أكلة
راحت سعاد تصيحة اني بقيت انتضرا القلق والخوف ماكلني ومتوترة خايفة لايردني وميقبل يساعدني جنت شاردة افكر بأأمري فززني صوت بكر
بكر..ها بت خالي شلونج؟
سارين...بخير الحمدللة انت شلونك؟
بكر...الحمدللة،،ليش واكفة تنتضرين برا ماطبين شدعوه؟
سارين...لأ مستعجلة واريد احجي وياك بموضوع ماريد احد يعرف بية
بكر...خير انشاللة
سارين...بكر عرفت بكمال ابن عمي يريد يجي،يتقدملي واني ماأحبة عفية بكر بلكي تكدر تساعدني
بكر...وانتي ليش متحبي؟
سارين...واللة مالي نفس،بية احسة من اخواني
بكر...شوفي،سارين ترا كمال خوش ولد مؤدب وأخلاقة عال العال حرامات ترفضينة وأنتي بنت خالي ولوما اعرفة زين ماأكلج تواافقين علية
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
