#حب_سارين. #الكاتبة_اميرة_دجلة
#الحلقة55. #الجزءالثاني
ايهم "انطيني ايدج اساعدج
صعدنه وكعدنه فوك تله اباوع اشجار بعيده منضرهه يخبل بقينه كاعدين الهوه يرد الروح
ايهم "شنو رايج بالمنضر
سارين" يخبل
ابتسم " تدرين كلما اضوج اجي لهنا ابقى كاعد لحد ماارتاح وأرجع
سارين" صدك الواحد يرتاح على هيج منضر
خلينا نجي دائما ونجيب مرام وعبودي ويانا
ايهم "انشاءلله هسة بس صيري زينة واطلعي من هل شدة بعدها ادللي لأي مكان تردينة اخذج
سارين"ايهم اني خايفة
ايهم"ليش ؟
سارين"خايفة ماأتشافى و اموت واني غلطت بحقك وبحق اهلي وكرهت فارس بية
ايهم/رأسآ خليت ايدي على حلكها "لتحجين هيجي اني ابد مااكرهج وفارس اصلآ هوا متندم على الي سوا وياج
سارين"مااعرف شلون راح اوفيك كل هذا انت انسان ماكو منك
ايهم"ماريد منج مقابل اني زوجج وهذا واجبي عليج الا اريد منج بس تطلعين معافاية واشوفج مثل قبل واأحسن
سارين"أنشالله ..ايهم لتتركني وحدي ابد
ايهم"مستحيل اتركج تدرين مرات اتمنى الي جرا عليج ياريت صاير بية ولا بيج من اشوفج متعذبة اني اتعذب اكثر منج
سارين/نزلت دموعي حتى بجي مالية قدرة ابجي خليت ادية على عيوني وجسمي يرجف سحب ايدية ايهم ومسح دموعي
وحجة"ليش تبجين ياعيني اريدج تصيرين قوية اريد هذيج سارين الي ماشفت الضعف عليها بيوم دائما قوية
ضحكت بحزن بداخلي"الي يشوف هيئتي يتصورني قوية ميدرون شكد شايلة بداخلي هموم وضعف ماعندي اي قوة لو أني قوية جان حققت شي واحد من الي اتمنى دائما اني الي انكسر واني الي انخذل بس الي كرهني بروحي لان اني هم عذبت ايهم الي حبني وتعذبت من ضياء الي خذلني هسة اكيد نساني وعاش حياتة بالاخص لمن عرف رجعت لاأيهم
ايهم من يوم اجا اخذني من اهل مااعرف شنو الي جذبني بية من شفتة عبالك اول مرة اشوف ركزت بعيونة هواي حلوات وبهيئتة وطولة الرزن
حسيت رجفة بداخلي اول مرة احس بهيج شعور من شفتة دگ گلبي الة مرات ابقى شاردة اتمعن بملامحة
بس هوا من يوم الي رجعنا مجان يباوعلي ويمكن اختار كل هالشي علمود يعاقبني عالي سويتة
بيوم تمرضت تفاجئت بية يتهمني اسوي هالشي علمود يرجعلي مثل قبل بلحضتها اول مرة انجرح من كلام ماجنت اضن يجي،يوم واتأثر هالكد من قبل ايهم بعدين لمن عرف بية صدك مريضة تندم على معاملتة وياي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
