#حب_سارين_ (ملاكي) #الكاتبة_أميرة_دجلة_
#حلقة_23_ج2. حدثت عام 1999
#قصة_حقيقية
اكره عيشتج خنتيني وياه
موانه اليحبني وتالي عافاه
اريد الموت الج فهميني زين
اريد الموت الج حلمي وتمناه
اسود عيشتج وبكيفي امشيج
ولجم كل جرح ولفج الشدها
كلمات #ابوالاكبرالناصري lnst:Ka99w
ضياء وصلت منطقتنا اول مطبيت الفرع شفت أمي گاعده برا البيت من شافتني گامت نزلت من السيارة شهگت
:-ولك يمة شصاير بيك!!؟
"تعاركنا ويا جماعة بالطريق"
"عبالك مااعرف كلي ويامن متعارك؟
ولج يمة شبيج؟
ترا عفاف حجتلي كلشي رحت عليها اكيد تعاركت ويه زوجها عبالك راح تعبرها عليه احجي الصدك
اي ويا زوجها ولتخافين رجعتله
انت تدري شصار بية گلبي نار وادعي خفت لايصير عليك شي ولك يمة عوفهه فكر بية وباابوك احنة موحمل مشاكل وبهذلة "
"لتخافين يوم مصار شي "
"ولك ابني اذا صار بيك شي اني اموت وراك"
تقربت منها وبست راسها كتلها"الج العمر الطويل ليضل بالج
زين يمة البنية وين مو انت رحتلها! !؟
يمة علمود ترتاحين ردت لرجلهه
اي الحمدللة هسة رتاحيت ...ابتعد عنهه وليدي ولتجيب النا والك المشاكل...
لا يمة بعد مالي،شغل بيها تركتها...
اي يمة هذا الصحيح زين سويت الله يهديك ويبعدها عنك تعال اداويلك وجههك ...
گامت تمسح بوجهي وتدعي"هاي شمسوي بيك اللة يكسر ايدة ....
خوش دعوة ويكسر ركبتة حتى تجي عدلة ....
طبينة جوا تلكتنا عفاف "هاي شصاير بيك!!؟
عفاف لخاطر اللة بعد لحد يسألني شصاير وياك ...ابوية وكرم وين؟
عفاف"مو هنا بالشغل
ضياء"اي همزين "
ام كرم"واذا اجو وسألونة على حالتك شتكلهم"
ضياء"متعارك ويا جماعتي لحد يجيبلهم طاري عن الي صار"
ام كرم"يمة ضياء خل الكيلك بنت حلال وازوجك
ضياء"يمة صدك تحچين شكم مرة اعيد عليكم واكللكم سدو هالموضوع....
أم كرم"لشوكت تضل هيج يعني يااابني"؟
ضياء"لحد ماللة يفرجها"
تركتهم ودخلت وين ماروح ضغط علية مكو مكان معين اروحلة وارتاح ....
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
