#حــــب_ساريــــن
ألحلقة الرابعة عشر
ألكاتبة أميرة دجلة (نسرين محمود)
''''''''''''''''''''''''''
نعم هاهي اأنا اقف مكتوفة الايدي فقد فقدت كل قوتي ومن كان سندآ لي أنتضر يصدرون حكم برائتي أتهموني وأنا ليس في اليد حيلة سوى التحسب باللة فقد تركت أمري وسلمتة بين يدية ليضهر الحق ويبطل اعمالهم السوء التي
تسري داخل شراينهم عجبآ منهم يبنون سعاداتهم على حساب تعاسة أخرين لاجدوى فهو حكم القوي على الضعيف ......أميرة دجلة 🌸
سارين...أي محبس مافهمت؟
أسيا...سوين روحج متعرفين ياحرامية
دفعتني ودخلت للغرفة فتحت الجرار وطلعت المحبس وگالت لاأيهم شفت شفت مرتك الحرامية همزين اللة كشفها
اني بلحضتة ماعرفت شنو اتصرف انصدمت باوعت لاأيهم جان ساكت محجى شي كتلة ..أيهم واللة اني ماخذتة واللة أني عندي كومة ذهب من أهلي وحتى ماأحب ألبسة
أسيل...لتحاولين ترا اللة كشفج على حقيقتج هاي مصارلج شكم يوم وكمتي تبوكين ماأستحيتي على روحج
سارين"واللة العضيم اني مابكتة ايهم صدكني "
باوعت لاأيهم بقى ساكت انقهرت حسيت روحي لوحدي هيا بقت تلعلع وصيح وتغلط أيهم كللها...يكفي أطلعي من بيتي رجاءآ
أسيا...هاي شنو أيهم تطردني!!! ؟
ايهم"يلة اسيا رجاءآ ماريد مشاكل
اسيا"تمام ايهم أني راح اروح بس صدگني مراح اعوفها الا الا اندمها"
سارين"بس داكلج موأني واللة موأني"
أيهم"اسيا خلي احترام لنفسج وخلي عندج كرامة شوية واطلعي من بيتي رجاءآ"
اسيا"تمام ايصير خير "
طلعت متنكرا بزي الغضب جان مبين عليها وحدة رعنة خفت منها لأن اني مو گد هيجي نسوان
بقيت واكفة بمكاني كلت لروحي هاي بعدها بأولها وهيج تهموني وكمت ابجي وأتحسب على عمي الي وگعني بهيجي قسمة وكمت ادعي حتى على اخواني عگد ماضجت باوعت لاأيهم اكتفى بالسكوت وراها أجت أختها أم اوس كملتها كامت تحجي وتغلط وتفازع لاأختها
ام اوس"انتي وحدة بواكة مااستحيتي على روحج اول ماطببناج لبيتنا تبوگينا "
ايهم "ام اوس يكفي"
ام اوس "لا ايهم مااقبلها منك مرتك تبوگ اختي وفوگ كل هذا تجي دگلك وانت متحجي شي وياها وطرد اختي من البيت"
أيهم"ام اوس بلا مشاكل ترى اني لحد هسة سكتت احترامآ الج ولمؤمن"
ام اوس"عن اي احترام تحجي وانت واكف بصف مرتك وتعرف بيها باگت اختي انت لهاي الحالة دتجذبنا وطلع مرتك هية الحق"
عاط بصوت عالي وگال ام أوسسسسس
هيا بقت جامدة بمكانها من الخوف گللها "خليني محترمج احسن ورجاءآ لتحجين شي زايد"
كللها تروح راحت وهية تحجي ويا روحة دخلت جوا لغرفتي أبجي وماأعرف شنو أسوي علمود أثبت برائتي للعصر باوعت من البلكونة شفت أيهم واكف بالحديقة جان شارد رحتلة وكتلة...أيهم واللة أني ماخذتة للمحبس صدكني
بقى ساكت ماحجى كتلة...ردلي أيهم واللة أني مبكتهن صدكني جذابات
أيهم...خلي تولي وعوفي هذا الموضوع
عفتة ودخلت جوا كعدت أبجي على حضي أجتي مرام
مرام...هاي شبيج عمة ليش دتبجين
سارين...مكو شي حياتي
مرام...أحجيلي عمة بلكي أكدر أساعدج
سارين...حجيتلها السالفة من الأول للتالي
مرام...أنتضريني دقيقة هسة أجي
سارين...راحت مرام جابت امها وجتي
أم مرام..لتبجين حياتي حجتلي مرام السالفة
سارين...عمة واللة أني ماخذت شي صدكيني
أم مرام...نعرف بيج بريئة ونعرف ام اوس وأختها شنو من شي لشيلين هم
سارين...بس أيهم شكلة صدكهن
أم مرام...لا وداعتج يعرفهن ولج أختها عشكت زميل ممؤمن وكل مره يجيهم تطلعلة ومرات تخابره عاد الولد أنجن منها وكال لمؤمن احجي مع اخت مرتك خل تعوفني بحالي
سارين..عمى بعينها ماتستحي
أم مرام...وأم اوس من قبل حجت لاأيهم علمود يخطب أختها بس أيهم رفضها وهما ميحبوج لأن أخذتي أيهم منهن
سارين..وأني أكول ليش يضلن يسألني عن أيهم
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
