•••••••••••••••••••
#حــــب_ساريــــن
#الكاتبة_اميرة_دجلة (نسرين محمود)
#الحلقة_السابعة
•••••••••••••••••
وابن عمي اليدرسني
اشوف عيونة تاكلني
لاردت الكَرابه وانت تعرف ليش
ردت ولفي الأحبه وهو يعشكَني
تعال وانت التحبني
اريد بحركَه تشبكَني
رساله وبضرف وديتلك مرسال
مو حلوه الرساله وما تعبرني
تعال وانت التهمني
شمالك تبتعد عني
يماتدري العيون اشلون تفضحني
من اصفن بغيرك راح ياخذني
كلمات الشاعر أبو الأكبر الناصري
..فكم هوا عضيم الذي خلقك وابدع فييك فمن أي شئ قد خلقك من ماء زمزم الذي جعلة اللة شفاءٍ كما كان حبك شفاءٍ لي ... اميرة دجلة
فيدك التي حطت على كتفي قبلتها ألفآ ولم أتعب
عندي تساوي الف أمنيةً ياليتها تبقى ولاتذهب
ضياء ..اي مكتيلي منو يدرسج؟؟
سارين..اخويا حسان
ضياء..اها خوش ادرسي زين علمود تنجحين
سارين..اي اكيد...يلة هسة لازم اروح
ضياء...وين تروحين حبيبتي بعد وكت
سارين...لا ضياء تأخرت ولازم اروح يكفي
ضياء..تمام حبيبتي دربالج على روحج
سارين..تصبح على خير
ضياء..وانتي من اهلة حبيبتي
''''''''''''''''''''''''''''
صفوان:--ضياء شعندك مع اخت حسان
ضياء:-شنو مفهمت عليك!!؟
صفوان:-شفتك جنت واكف وياها وتحجون
"احجي ضياء شبيك سكتت شعندك ويا البنت"؟
ضياء:-اني احبها صفوان
صفوان...لك كل عقلك تحجي
ضياء...شفتني من قبل مجذب عليك
صفوان...ترا انت دتلعب بالنار تدري اذا اخوانها عرفو بيك شيسون؟
ضياء...ميهمني المهم ماأتخلى عنها
صفوان..بس أخوانها مأمنين بيك ويدخلوك بيتهم خليهم بعينك شنو موقفك گدامهم اذا عرفو بيك
ضياء...صفوان أنت متحس بية يعني أنت شايفني راضي أخون صديقي وغالي گلبي متدري شگد حاولت أمنع روحي عنها لخاطر حسان لأن حسيت بالذنب اتجاهه بس مكدرت أتخلى عنها ماأكدر أشوف واحد غيري ياخذها بمجرد اتخيل الموقف اتخبل
صفوان ..زين حاول لتلتقي وياها وجيب أهلك واخطبها
ضياء..ماإگدر صفوان اليوم الي ماشوفها بيها أخرب وبخصوص الخطوبة هسة ماعندي لازم الگيلي شغل وارتب أموري بالأول
صفوان...واللة أنت مخبل موجنت قبل متتقبل علاقات النسوان شغيرك؟؟
ضياء..هية الي غيرتني وسرقت گلبي
صفوان...اللة كريم بس خل ابالك أنت دتجازف بروحك
ضياء...كتلك ميهمني
صفوان...يعني قافل خوم الاهاي البنية اكو هواي بنات ناخذ امك ونروح نخطبلك
ضياء..مستحيل لو هية لو ماريد
صفوان..واللة لو عندي جان داينتك تدري شگد خايف عليك
ضياء...اللة كريم انت بس ادعيلي تكون من نصيبي
صفوان..أنشاللة تاخذها خوية
سارين اقترب موعد امتحاناتي اجاني حسان كلي تحضري الاسبوع الجاي تمتحنين اني جنت ضابطة كل المواد ماعدا الرياضيات خايفة منها راجعت المواد مرة ثانية خلص الاسبوع كعدت الصبح التوتر مسيطر على اجزاء جسمي والخوف والقلق واضح بمعاني وجهي رحت فتحت كنتوري وطلعت ملابسي وضعي مخربط من القلق ادور لأشيائي ومدالكيها أنتبهتلي زهراء جانت نايمة وگعدت على صوت خطواتي وتحريكي للغراض كلتلي...شبيج گلبتي الغرفة متخلين الواحد ينام
سارين...ولج دادور على كتابي نسيت وين خليتة
زهراء...اوف منج شكد ثولة متحضرين غراضج وتخليهم يمج
سارين...يمعوده محضرا غراضي بس كتابي وينة ماأعرف وين خلتة ايدي البارحة بليل جنت اقرا واراجع بية
زهراء..شنو يعني ابرة ومدا تلكي بس انتي شوف عقلج وين ونسيتي وين خليتي
سارين...يمعود مابية واهس معارك هسة اريد كتابي
زهراء..دورتيله جوا الجرباية
سارين..لا
زهراء..دشوفي بلكي وكع جواها
سارين...اي اي صح هيانة
زهراء....دياللة يمعودة بس روحي مگعدتنا من الصبح
سارين..امداج متشبعين نوم أنتي هذا ونمتي على وگت
زهراء..وين انام على وكت وانتي تقرين فوك راسي
سارين ..يلة باي باي اروح اشوف حسان
أنت تقرأ
حب سارين
Fiksi Penggemarقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
