#حـــب_ســــارين
الحلقة السادسة عشر•
الكاتبةأميرة دجلة ••(نسرين محمود)
'''''''''''''''''''''''''''''''''''''''''''''''''''''''''''''''''''''''''''''''''''''''''''
...الحيرة التي بداخلي هي عباره عن مجموعة تساؤلات بقلبي تبحث عن اجوبة لها .. وأما القلق شعرت أنة يريد أن ينسيني مابداخلي ويلفت النضر حولة ليجادل شعوري ام الخوف فقد خفت أنة سيتمكن من ذالك والاهتمام فهو اكثر الاشياء اربطها بمخاوفي فالاهتمام بحد ذاتة هوا التعود فلا اريد أن يعيد التاريخ نفسة ولاأريد تكرار الاحداث ولا أستحب النمط الدائري الذي يعيدني الى نفس النقطة فاأنا من سيقرر اما أختار ألرجوع للوراء واما أيكون هناك نمط متتابع تسلسل الاحداث ..... بقلمي الكاتبة أميرة دجلة ❤️
هوا راح وأني صار عندي ألام موطبيعية من جنت صغيرا جان عندي التهابات بالكلية
هالمره الوجع يختلف من كد ماتوجعت نفسي كامت تقلب رحت أستفرغ هستوني دنكت راسي دخل أيهم شافني تخبل. ..
أيهم...هاي شبيج!!!!!!؟
سارين..معرف احس وجع بمعدتي
أيهم...وين عبايتج!!؟
سارين...انثولت من الوجع كتلة ..ماأعرف أخذني بسرعة صعدني بالسيارة جان مرتبك وخايف علية بنص الطريق كتلة اكف أيهم أريد أستفرغ نزلت أستفرغت أيهم جان جايب ويا خاولي مسح وجهي وغسلي بالماي اخذني وصلنا المستشفى شكلولي مغذي وگلولة لازم تبقى الباجر مقبل أيهم وكلي ماخليج بالمستشفى لباجر أخذني لدكتورة اسمها سعاد وصلنا العمارة بيها خمس طوابق دخلنا للدكتورة تحجي لهجة مصلاوية على أيهم يحجي وياي بغددلي يجوز لأن عاش ابغداد بس مع اقاربة واهل الموصل يحجي مصلاوي ... بدت تسألني كلتلي سوي هذا التحليل وارجعيلي رحنا أني وأيهم سوينا تحليل بعد ماكملنا ردينا عليها من شافتني كلتلي....هاي أشنو القالون مالتكي متهيج عدكي فغد مرة
سارين...دكتورة من زمان أشكي من معدتي
دكتورة.. أشقد عمركي عيني
سارين...21
دكتورة... ماما انتي وينكي وين القالون
سارين...دكتورة لان اكلت اكل حاد هيجي صار
الدكتورة...طبعآ يابنتي ميصيغ تاكلين حاد لان الاكل الحاد يهيج عدكي القالون ويضغب على حاجز المعده
سارين...اي غير انتو اهل الموصل أكلكم كله حاد
الدكتورة...ليش من وين انتي! !؟
سارين...أني من بغداد
الدكتورة...اهااا يعني متزوجة هوني حياتي!!؟
سارين...اي مصارلي هواي
الدكتورة...اقاربج هوا...؟
سارين...لا مو من اقاربي
الدكتورة...ربي يحفضكم حبيبي
سارين...تسلمين دكتورة
الدكتورة سعاد..طيب حبيبتي غاح اسجللكي على علاج أغيد منكي تلتزمين بينو واي اكل حاد متاكلين ولاأكل بينو دهون كثيغ
سارين...أنشاللة دكتور
أخذني أيهم جابلي علاج ردينا للبيت احس الوجع بعدا
أيهم...تكدرين تاكلين شي قبل الادوية
سارين...ماأشتهي اكل
أيهم ...بس لازم تاكلين علمود ليضرج العلاج
سارين...اوك هسة أكوم اسويلي اكل
أيهم...لا مدكومين ضلي بمكانج هسه اني اجيبلج الاكل
سارين...لا لا ترا مابيه شي وصرت شويه احسن
أيهم...كتلح مدكومين ابقي ابمكانج ولتضوجيني
سارين...بس مترهم اخليك تطبخ وجيب ليمي واني كاعده
أيهم...وشنو يعني اذا أني بمكانج مريض وانتي تجيبلي الاكل شكو بيها
سارين...انت تختلف
أيهم...بشنو اختلف أني رجلج وانتي مريتي واحد يوكف للثاني بوكت الشده
سارين...حس على روحة خجل مني وكلي ...اسف سارين
سارين...على شنو!!؟
أيهم.. نسيت انو زواجنا بس على ورق وراح نفترق بعد كم شهر
سارين...عادي مصار شي واني هم مرتك لان بعدني على ذمتك شوكت ماطلكني يروح كل واحد لطريقة
أيهم....شلون راح أكدر مااعرف
سارين....شنو!!!؟
أيهم...ولاشي سارين يلة خليني اروح اجيبلج اكل حتى تاخذين علاجج
سارين ...اي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
