#حب_سارين. #الكاتبة_أميرة_دجلة
#الحلقة65. ج٢
مامنتبها اني فاتحه عيوني عليه وبداخلي يالله كلشي بي حلو
اندار عليه اني راسآ غمضت ماريده يشوفني كاعده اختفى الصوت توقعته طلع فتحت عيوني لكيته فوك راسي جفلت
هو ضحك دنك عليه قرب حلكه يم اذني وحجه (ميصير واحد يباوع لواحد وهوه يبدل )
اني فشلت ومتت بدمي يعني شافني من داباوعله رفع راسه ورجع دنك باسني من راسي وطلع تفاجأت اول مره يسويها خليت ايدي اتحسس مكان البوسه وفرحانه بس من الفشله مدي اغم روحي هسه اني شجاني رجال وديبدل ليش داباوعله هسه شيكول عني اني ادري كله من وره نصايح هاي زهراء طلعت عيني صرت اني المنحرفه مو هيه
وخرت الغطه وكمت طلعت غسلت ورجعت للمطبخ سويت ريوك تريكت كمت غسلت الماعين رتبت المطبخ رجعت للغرفه رتبتها طلعت دخلت الملابس الي بالمكشوفه باوعت الساعه ١٠ كلت خلي ارجع انام ايهم مايجي للعصر وفعلا رحت مددت وراها نمت فتحت عيوني باوعت الساعه بلوحده طفرت راسآ من الفراش رحت غسلت وطبيت للمطبخ حرت شسوي غده اخر شي فكرت اسوي برياني
طلعت دجاجه من المجمده وسلكتها وكمت اشتغل بالباقي كملت البرياني خليت علنار هاديه ورحت فتحت الكنتور داخذ ملابس واسبح جتي عيني علفستان المشجر طلعته حلو وهم يرهم مال بيت
اخذته وطبيت للحمام كملت سبح وطلعت نشفت شعري جبت شسوار نشفته وشسورته اباوع على شعري طلع يخبل وهو ثخين خليت مكياج خفيف باوعت بالمرايه وحجيت خلي انشوف أستاذ ايهم شلون راح تقاوم هلمره مراح اسمحلك تروح الغيري ضعت مره مراح اسمح اضيع مرة الخ تريد تخطب مو
ولله لطلع حركت كلبي من عيونك شيخ ايهم كملت طلعت باوعت الساعه ٣ طبيت للمطبخ طفيت النار من علجدر فكرت اروح لبيت غسان قبل ليجي ايهم طلعت تمشيت وصلت لبابهم شفت اسيا بالحديقه مال بيت مؤمن
غسلت دافوت اجاني صوتها "شلونج سارين؟
نداريت "زينه الحمدلله "
طبيت عفتها مالي خلكها صعدت لبيت غسان دكيت الباب طلعت بيداء اول ماشافتني "لج هلو تعاي فوتي "
سارين /مشيت وراها دخلنا للمطبخ اندارت عليه وضحكت استغربت" شبيج ؟
بيداء" اشوف اليوم كاشخه و الوجه مورد
سارين/ أبتسمت
بيداء" صاير شي ؟
سارين "لاو لله حبيت اغير شويه"
بيدا"ء زين سويتي المفروض من اول اشهر هلتغيير رجلج بعده شاب والعين عليه حاولي تهتمين بنفسج و بي وانتي ماشاءالله حلوه تكدرين تخلينه ميشوف غيرج "
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
