حب سارين

27

حب_سارين. (ملاكي) آلُڪآٺٻةّ /نسرين الخطابي

الحلقة27 آلُڄﺰء آلُٽآنْيَ

اتهمك وكولون ولفي هم يخون
ولا ارضه بعشرتك بيه ينطون
سهرت انه الليالي وتعب ذاك الحيل
هسه بلايه موقف عني يحجون
لاتندار اليه ولا الك اندار
حب تالي الوكت ماعرفو ايحبون

كلمات الشاعر #ابوالاكبرالناصري انستا Ka99w

دخلنا للمحل اني ومرام شفت ولد شباب جان كاعد عالكرسي اخذتني مرام گلتلي "عمة من هاي تردين؟

هزيت راسي بنعم اخذت شكم شغلة وياهم وخليت مرام تاخذ الها شكم حاجة وكتلها" خليهم بعلاكة وحاسبي الولد

اخذتهم مني وراحت تتحاسب ويا الولد هستونا نطلع صاحت علية مرام"عمة

الولد رفع راسه يشوف شكو كلتلي"شوفي هذا الدفتر شكد حلو

باوعت فعلا جان دفتر شكلة حلو بية رسمة كمان وورود...

كتلها"جيبي

خطية هية ترددت تاخذه كتلها جيبي وماعليج جابتة تحاسبت مع الولد وطلعنا ...

مشينا اباوع لمرام فرحانة بالدفتر اني هم فرحت وياها تذكرت ايامنا اخواني جانو يختارون كلشي عنة ..

كلشي يجيبو النا من اختيارهم تمنيت لو جانت حياتي وكلشي احبة باأيدي اني...

حبيت اعوض هذا الشي بمرام من شفتها انعجبت بالدفتر كلت خلي اشتري الها ماريد يبقى ابنفسها افرحها بشي بسيط بس هوا بنفس الوقت عدها شي غالي لان تحبة ...

مثلي اني هواي اشياء بقت بنفسي هواي اشياء تمنيتها ماتحقق جزء قليل منها،...

كملنا مشي دخلنا الفرع تلاكتنة ام نوفل سلمت علينا وردينا السلام كامت تحجي وياي بس نص حجيها مافهمتة مكسر

هي تحجي واني بس اهز براسي لو اكلله اي لحد ماتركتني وراحت ...

اغلب حجي مالتهم بالقاف من احجي سالفة تفاجئهم يكولون" وييي كفينا (انفجعنا)

ومن اسوي شي يحبونة يگولون "،قبان وجكي وي دادا"

مرات من يتسالمون بينهم "اشونكم' مليحين 'من زمان ماكن غشعناكم

هاي الكلمات اغلب المرات تتردد كدامي لحد ماحفضتها مرات اسأل بيداء عليهم لو مرام يعلموني

دخلنا للبيت اخذت الفوطات من العلاكة وانطيت بقية الغراض لمرام جانت فرحانة بالدفتر ...

انداريت اروح صاحت وراي "عمة عمة هاي الفلوس مالتج نسيتي تاخذيها

كتلها"عادي حبيبتي

كالت"تعاي يمنا

تذكرت ايهم من كال ممنوع تروحين لبيت اخواني كتلها"لا حبيبتي عندي شغل مااكدر