#حـــب_ساريـــن♥
#الكاتبة_أميرة_دجلة (نسرين محمود)
#الحلقة_العاشرة
''''''''''''''''''''''''
احيانآ نقرر ارتكاب الاخطاء بالرغب أننا نعرف عاقبتها ولكن الحياة تجبرنا عليها لكي لانضلم أنفسنا ونكن أنانين نميل لتحقيق رغباتنا وننسا أفضال من ربيانا... لكن ربنا غفورآ رحيم يضهر لنا ألاسباب لكي لانكون من الذين التبسو الخطأ وخذولو الاحباب بسبب أنانيتهم فأذا اردنا أن نخطي الخطوة الصحيحة فيجب أن ننضر لكل ألامور الإيجابية لجميع من حولنا لكي لانقع باأحدهم الضرر وربما ذالك سيكلفنا الكثير والكثير ونكن نحن المضلومين.. ولكن الصائب نأذي أنفسنا أفضل من أيذاء الذين نحبهم لأن الضرر علينا سيكون مضاعف..... بقلمي أميرة دجلة 🌹
خلصت ونتهت عشرتنا سدت باب
عليمن ودمع هل خيم علينه
مكتوب القدر دنيانه شلت حال
وترى بكلشي كدرت تأذينه
تموت السالفه المابيه كل رباط
وتعيش اذكريات وماتنسينه
كوم امسح عيونك لاترد مشتاك
لان بينه جرح محد يداوينه
لم روحك بصبرك ولا تعيش وحيد
لان النار اصبر لازم تطفينه
كلمات الشاعر أبو الأكبر الناصري
Ka99w
حضرت ملابسي وكلشي احتاجة مع طلوع الفجر طلعت جنت مقررة ارروح لخالتي بالانبار لان رجل خالتي كلمتة مسموعة ومحد يكدر يردلة طلب كلت اروح يمهم واحجيلة عسى ولعل يكدر يساعدني ..مشيت علكيف احس گلبي يدگ عشرة عشرة كل خطوة اخطيها دور الف فكرة براسي مرة اهلي يصيرون كدامي مرة ضياء امشي بس مترددة خطوة توديني لگدام وخطوة ترجعي ليورة محتارة و الاغلب جنت مقررة ومصرة انو ملازم اتزوج غير ضياء جنت امشي بخطوات هادئة وحيلي يرجف ورجلية موكادرة تحملني علكد ماخايفة كأنما اختاريت الموت واني اعرف شنو مصيري وشنو راح يسون بية اذا عرفو اريد اهرب واني احب زميلهم وصارلي سنتين علاقة ويا كل هذا ماهمني الي يهمني ضياء وبس خليتة بعيوني مشيت هستوني اعبر باب البيت سمعت صوت واحد صاح وراي بصوت ناصي ساريييين ...التفتت وراي جان..الفلاح الي جدي شغلة عدنا جان مستغرب مني شايلة جنطتي وطالعة بهيج وقت
كتللة ..ها عمو عادل
عادل..وين تطلعين بهذا الوقت بنتي
سارين...حرت شنو أكلة بعدين كلت خل احجيلة لان معندي حجة ثانية وهم بلكي يكدر يساعدني ..حجيتلة كلشي كلي ::بنتي انتي شلون تسوين هيجي مافكرتي باأخوانج شراح يصير بيهم
سارين...عمو واللة مجبورة مكو غير هذا الحل
عادل..تعالي بنتي اكعدي يمي احجيلج سالفة
سارين..احجي عمو
عادل.. اني بشبابي جنت احب وحدة جانت كلش حلوة بيضة وعيونها ملونة وطويلة جمالها مينوصف تقدمت الها اهلها رفضوني لأن جان وضعي تعبان مقبلو بية تركت حتى أهلي جنت ادور على شغل وأجا جدج اللة يرحمة شافني وكلي اني أشغلك عندي
سارين ...بس اهلك شعليهم ليش تركتهم
عادل..من النار البداخلي ماكمت احس بأي احد كرهت الكل وكرهت هذا المجتمع الي حرمني من حبيبتي
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
