#حب_سارين. #الكاتبة_اميرة_دجلة
#الحلقة57 #الجزء_الثاني
ايهم/ كعدت الصبح اباوع على سارين باقيه على نومتها خاتله بصدري مديت ايديه دارفعها وانيمها علمخده سحبتها حسيت على جسمها بي رجفه خفت رفعتها هزيتهه "سارين سارين "؟
ماكو اي حركه تخبلت كمت اضرب على وجهه اريدهه تصحى ماكو هيه لحضات بس خوف يعادل عمري كله
صحت بصوت هز البيت وخليتهه على صدري" سارررررين لتعوفيني"
دخلو اخوتهه يركضون وامها وزوجات اخوانها شافوهه ماكمت اعرف شسوي اخذهه فارس من حضني وركض بيها امهه من شافتها وكعت ماتحملت
كمت ركضت ورى اني وطاهر خلاها بالسياره جيت اسوق طاهر ماقبل يمكن شاف وضعي صعدت يمها الطريق كله اني وفارس نحاول وياهه ماكو اي ستجابه فاقده وصلنا شالهه فارس ركض بيهه دخلنا اخذوهه التمو عليها الاطباء واحد صاح "شكلولها مغذي الضغط مصفر "
دخلوهه لغرفة الطواريء بقينه ننتضر بره كعدت بالممر بالكاع منهار ماعدي غير الدعاء بهاي اللحضات مرت عليه كل لحضاتها ويايه بفرحها وبحزنها حجيت بداخلي" ياربي بس كومها عهد عليه هل مره اساعدها تعيش حياتها التريده هيه هم ماشافت شي حلو بس العذاب ياربي بعدها زغيره
طلعت دكتور ركضنه علي طمنه كال "فاقده بسبب الضغط وجسمها فاقد كل السوئل البيها حجيناله عن وضعها كاال اذا متكدر تاكل نكدر ندخللها صونده نغذيهه من خلالها اني واخوتهه ماقبلو كلنا متحمل هيج دخلنالها مفتحه عيونها بس تعبانه كعدت يمهه لزمت ايدها افرك بيهه
هية بس تباوع علينه تقرب فارس دنك عليا" ولج ام لسان خوفتينه عليج "
طاهر تقرب باسها كال" ابقوا يمها اني راجع للبيت اطمن على امي هسه ضال بالهم"
طلع طاهر وبقينه اني وفارس دخلت دكتوره جيكتها كالت "رجع الضغط طبيعي بس تبقى علمغذي"
بقينه للضهر طب طاهر وحسان ويا
حسان اجه ملهوف على سارين ويبوس بيها" ولج ولله ولله تخبلت من كاللولي بس اريد اوصل يمج"
فارس لتاف لخوته "اشلونها امي "
طاهر "الحمدلله مابيها شي فقدت من الهبطه"
فارس" الحمد لله"
حسان" شكلولكم "
فارس" يريد يدخلولها صونده اكل بس ماقبلنا "
حسان" زين سويتو هاي وين تحمل صونده
" كالو تبقى علمغذي "
دخلو مره ثانيه جيكوها هم ضغط مستقر قررنه نطلعها بس تبقى علمغذي ايهم شلتها وطلعنا من المستشفى الطريق كله نايمه على جتف اخوهه حسان وصلنا البيت صارت هوسه نزلها اخوها اباوع خواتها وخوتها محاوطينها
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
