#حب_سارين.(ملاكي) #الكاتبة_أميرة_دجلة
#الحلقة42. #الجزء_الثاني
زعلو البنات مني بعدين رجعو حاولن يغيرن رأيي واني علمود اكطع نفسهم كتلهن لو تنطبك السما عالارض ماأخذ بت خالي فلا تحجن وتعبن نفسجن
فرح ضاجت وكالت: واللة انت ماتحترم وماعندك كلمة ورطتنا هسة جاي دكول لاء مافكرت بينة وشراح نكل لخوالنا لخالاتنا والناس راح تحجي اشكال علينا وراح يكولون ليش عافها خلي ابالك الكل راح تزعل منك..
ايهم"هذا زواج مولعب جهال يعني عشرة عمر شلون تريديني اكضيها ويا انسانة ممقتنع بيها ..ماريد اضلمها وااضلم روحي وياها فهمتن؟ وانتن خواتي واني اخوجن ماتريدن تشوفني سعيد بحياتي ..
خواتي بقن حايرات وممقتنعات بالي اكولة جانن حايرات شلون يوصلن الخبر لخوالي تركتهن وطبيت للغرفة ورا شوية طلعت اسمع صوت هوسة اخواني وخواتي بالصالة
دخلت للمطبخ لكيت فرح من شافتني دارت وجهه عرفتها زعلانة سحبتها على صفحة رادت توخر بس ماخليتها جريت الكرسي وكعدتها ثنيت رجلية وكعدت مقابيلها
وحجيت وياها: ام حيدر مايهون علية زعلج احسج امي مو اختي
خليت راسي على رجليها: ماتريدن راحتي اني اخوجن ماالي غيرجن بالدنيا لاتصيرن انتن والوكت ضدي
خلت ايدها على راسي
وكالت"هسة المطلوب شنو؟
ايهم:اريد تروحن لخالي تعتذرن منة دكللة الولد ميريد ويكول ماريد اضلم البنية
فرح:اوف ايهم شلون خليتنا وخليت نفسك بموقف بس اللة يدري بية
كامت راحت للصالة واني دخلت وياها جانو الكل منجمعين
مؤمن حجى"هسة فهموني شنو الحل
فرح كالتلهم"راح اخذ امنة ونروح لخالي نعتذر منة
مؤمن"اي وهوا راح يتقبل بكل رحابة صدر
تقرب مني وكال"وانت مدامك ممقتنع ليش جبتنا مناك لهنا وورطتنا ويا العالم حايرين شنتصرف بسببك
ايهم"مؤمن هاي حياتي واني راح اعيشها
صار الصياح بيني وبينة وكل واحد يحجي شكل تركتهم وطلعت بوقتها كمت افتر بالشوارع بس بالرغم من كل الي صار من اذكرج احس اكو فرحة بداخلي يمكن شوفتج بذاك اليوم هونت علية كلشي
رديت للبيت باأخر الليل لكيت خواتي كاعدات بالمطبخ اول ماشافني امنة وكفت بوجهي وحجت:"ها هسة ارتاحيت خزيتنة وصرنا هالكدوتنة كدام خالي
خالي ماخلا وماحجى ومرتة دكول انتو ماعدكم كلام مالومها حقها
فرح كالتلهن"يكفي السالفة وانتهت
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
