#حب_سارين. #الكاتبة_نسرين الخطابي
#الحلقة38. الجزء الثاني
يهددني بهلي ويكَول عشكَانه
عافت كل اهلها وحبته افلانه
مجبوره اعترف هددني وكَال
هاي ايام موتج ونتي خلصانه
يعمي العشكَ مريود بس مكروه
اموت بشرف بس ابقه انسانه
كلمات #ابو_الاكبر_الناصري
بكلبي" سارين تحلمين اخليج تروحين لغيري حتى لو اضطر الامر اقتل كل واحد يكف بطريقنا
اني ماصدكت لكيتج وصرتي الي مستحيل اتركج ....
اذا وكفتي بطريقي اخذج غصب ومااخليج تروحين لغيري كملت شعرها
سارين"شكرآ
ايهم"العفو ..لو اعرف اسوي كصيبة جان سويتلجيا بس مااعرف
سارين"عادي هسة اني اكملة
لفت شعرها ولزمتة بقراصة كمت عنها ردت اطلع رجعت التافيت الها كلتلها"سارين امسحي مكياجج
طالع لايكلها خفت اضعف كدامها واسوي،شي اندم علية ماريدها تبقى هيج كدامي..تركتها وطلعت
سارين"حجيت ورا هذا شبي هوا اني وين طالعة غير كاعدة بهل بيت سحبت كلينس من ميز الجرباية ومسحتة
تغديت ونمت كعدت باوعت للساعة استغربت "معقولة كل هاي الوقت نايمة
طب ايهم"ها كعدتي
اي صايره هواي انام
ابستم "يلا احسن النوم عافية
ضحكت بكلبي "يا عافية واني هذا وضعي مااكدر حتى امشي ضجت احس،روحي مخنوكة
تريدين نطلع للطرمة ؟
ياريت اريد اشتم هوى
شالني وطلعني بالطرمة كال"راح اروح اجيبلج كرسي
لزمتة من ايده كتله"ميحتاج هيج مرتاحة
انتبهت على لزمت ايدي الة رأسآ سحبتها
الكاشي بارد خل اجيبلج شي تكعدين علية
راح دخل جوا رجع شايل مدا بيدا اخذتها من خليتها جواي.
احس روحي ارتاحيت بالرغم مالجو بارد كعد يمي
اكلج سارين هذا خطيب اختج مامريح
ليش
ابد مارتاحيتلة الولد يشرب
شلون عرفت شدتحجي،انت؟
سارين اختج هيا اختي اني كضيت عمري بالشارع ااعرف اميز الزين من الموزين
شردت بكلامة نفس الاحساس،عندي سألتة"فهمني شلون عرفت بية يشرب لازم انت هم تشرب
ضحك ضحكة عالية وكال"شلون فتحت علية باب
سارين"هاي يعني طلع صح تشرب
ايهم"لا مااشرب الصراحة شربت بس،مرتين جانن بمناسبات لأصدقائي على كلآ انشاللة اطلع غلطان اللة يسعدهم
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
