#حب_سارين. #الكاتبة_أميرة_دجلة
#الحلقة75. ج٢
ثواني ودخل بسرعه مخبوص وعيونه كلها قلق وخوف جرني من ايدي اريد افتهم شكو فتح الكنتور
صاح" بسرعه البسي دنطلع"
سارين اباوعله شد ديحجي حجيت كوه" ايهم شكو؟
حجه بدون ميباوعلي" مو وكتها بعدين افهمج"
سكتت والرمي ديزيد صاح" اشبيج بسرعه"
اني رأسا مديت ايدي فتحت الكنتور سحبت ملابس حتى مااعرف شأجا بيدي فتحته تراكسود
صاح" البسي ولبسي عبايه"
هو بدل بسرعه سحب الجنطه وكام يشيل ويخلي حتى غراضي ركض لغراضي العلميز شالهم اني بدلت وجريت العبايه بس ميته من الخوف داحس الوضع مو طبيعي وايهم مخبوص يركض هيج وهيج
شال الجنطه طلع ثواني ورجع سالني" ذهب الباقي"
" قسم لابسته وقسم بالعلبه"
ركضت طلعته وهو طلع الفلوس العده شالهم وخلاهم بالجنطه والرمي ماوكف جرني بيده الثانيه دنطلع انتبه
( راح تطلعين حافيه)
انتبهت ركضت الشحاطه جوه بالزوايه لبستها وركضت عليه سحبني وطلعنا اندار عليه( لتخافين )
واني كلبي احسه يريد يطلع اول ماوصلنا بره للكراج اباوع ناس اشكال والباب الخارجي مفتوح ناس ملثمه وناس لاء شايلين سلاح نرعبت شكاعد يصير تصنمت جرني ايهم بسرعه وكعدني ورا السياره فتح الباب وشمر الجنطه بسياره لزمني بيدي ثنيهم
(حبيبتي باوعيلي لتتحركين منا لو شميصير)
هزيت راسي ركض وعافني صميت اذاني واني اريد استوعب شكاعد يصير الباب مفتوح اباوع اربع شباب شايلين سلاح ويرمون ويه كل رميه كلبي يرجف اسمع اصواتهم عاليه بلحضتها شفت روحي بفلم رعب عمري متخيلت اعيش هيج لحضات تحس بينك وبين الموت شعره وسأل ليش هلرمي وذوله منو وشيريدون اسأله هوايه وماكو جواب
بده الرمي يزيد ماينقص كمت احس جسمي كله يرجف من الخوف كلمرى من اخاف يصير عدي هبوط وافقد هلمره على حضي واعيه وكلشي ماصار بيه يمكن من كد الخوف العشته بلفتره الاخيره كلبي تعود علخوف
ساده اذاني واحجي ايهم وينك تعال طلعني وين عفتني كمت اصيح اريدلي احد صرخت يمه تعالييلي رجعت اصرخ بسم اخوتي
اريد احد يطلعني ماكو اباوع وشوف الواكفين شلون يرمون ماحس الى واحد منهم وكع قريب مني بقيت فاكه عيوني عليه ومصدومه اول مره اشوف هيج شي كدامي مدد والدم ينفر من راسه وهو فاتح عيونه عليه من خوفي زحفت ليوره
اريد ابعد بس رجليه مدتعيني كمت ماحس بيها بقت عيوني مشكله عليه اباوع دم سال مسافه عنه تهستررت اريد اوخر عيوني عنه مداكدر
أنت تقرأ
حب سارين
Fanfictionقصة تتكلم عن فتاة تعيش وسط مجتمع تحكمه العادات قوانيهم ان لاتتزوج البنت غير ابن عمها وان تزوجت غريب يجب ان يكون نفس المستوى فهي فتاه تحاول الخروج عن هذا الحكم وترفض ان تكون خاضعه له كما فعلن اخواتها اللاتي استسلمن للامر الواقع
